2 SAMUELA 3:1 - Jinghpaw Hanson Version Bible

¹ Shing rai Shawlu a amyu hte Dawi a amyu gaw, na na wa majan gasat nga nna, Dawi mahtang n-gun ja wa nna, Shawlu amyu gaw le le yawm mat ma ai.

Jinghpaw Common Language Bible 2009

¹ Shawlu a dinghku hpe karum shadaw ai ni hte Dawi hpe karum ai ni a lapran e na na wa majan gasat nga ma ai. Dawi mahtang grau grau nna n-gun ja wa nhtawm shi hpe ninghkap ai ni mahtang grau grau nna yawm mat wa nga ma ai.

2 SAMUELA 3:1 ပူးပေါင်းရင်းမြစ်များ

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

2 SAMUELA 2:17

Dai shani e tsam mari gasat nna, Abna hte Israela masha ni gaw, Dawi a ali ama ni a man e sum mat ma ai.

2 SAMUELA 2:28

pahtau dum dat nna, shi a masha ni Israela masha ni hpe n shachyut ai sha, da kau nna tsap nga ma ai.

2 SAMUELA 22:44

Nye amyu masha ni a ru hka lam hta na, nang ngai hpe shalawt ni ai; Masha amyu ni a agyi tai na, nang ngai hpe san da nit dai: Ngai n chye ai amyu gaw ngai kaw yamnga ma ai.

2 SAMUELA 3:6

Ya Shawlu a amyu hte Dawi a amyu majan baw nga ai hte yang, Abna gaw Shawlu amyu a maga de n-gun shaja nga ai.

2 SAMUELA 5:10

Dawi chyawm gaw grau nna galu kaba jat wa nga ai; kaning rai nme law, Zaw nawng zaw wa up ai Karai Kasang Yehowa gaw shi hte rai nga ai.

1 HKAWHKAM 14:30

Rehoboam yan Yeroboam gaw, shan a prat tup hpyen gasat hkat ma ai.

1 HKAWHKAM 15:16

Ya Asa yan, Israela hkawhkam Basha lapran e, shan a prat dingsa e hpyen majan rai nga ai.

1 HKAWHKAM 15:32

Asa yan Israela hkawhkam Basha lapran e, shan a prat dingsa e hpyen majan rai nga ma ai.

1 HKAWHKAM LABAU 11:9

Dawi chyawm gaw grau nna galu kaba jat wa nga ai; kaning rai nme law, Zaw nawng Zaw wa up ai Yehowa gaw shi hte rau rai nga ai.

1 HKAWHKAM LABAU 3:1

Da ndai gaw Hebron mare e shangai ai Dawi a shadang sha ni rai ma ai: Yezrela num Ahinoam, kasha alat Amanon; lahkawng ngu na, Hkarmela num Abigala a kasha Daniela;

ESHTA 6:13

Shing rai Haman gaw, shi hta byin ai lam mahkra hpe, madu jan Zeresha hte jinghku jing-yu ni yawng hpe hkai dan mu ai. Dai rai nna shi a hpaji rawng ai ni hte madu jan Zeresha gaw, “Nang hpe sum hpang shangun ai Mordehkai gaw, Yuda aru arat hta na teng yang, nang shi hpe dang lu na n rai; nang shi a man e teng teng sum na ndai,” ngu mu ai.

ESHTA 9:4

Kaning rai nme law Mordehkai gaw hkawhkam htingnu hta kaba wa nna, shi a kajai gumhkawng ai gaw, mungdaw ni hta pri rai wa sai; dai la wa Mordehkai gaw lani hte lani grau nna kaba wa sai.

YOBA 17:9

Rai timung, dinghpring ai wa gaw shi a lam hkan nang nga nna, san seng ai wa a lata gaw, grau nna n-gun ja na ra ai.

YOBA 8:7

Nang gaw npawt e kaji nga timung, hpang jahtum e galu kaba na rin dai.

SHAKAWN KUNGDAWN 18:43

Dai amyu a ru hka hta na, nang ngai hpe shalawt la nna, Masha amyu ni a bawmung tai u ga, nang ngai hpe tawn da ni ai. Ngai n chye ai amyu gaw, nye a amu galaw nga ai.

SHAKAWN KUNGDAWN 46:9

Ga ting hta na hpyen majan shi jasim kau wu ai; Ndan pala hpe shi daw kau nna, Ri hpe kahtum kadaw di kau wu ai: Hpyen leng ni hpe wan hte nat kau mu ai.

SHAKAWN KUNGDAWN 84:7

Shanhte n-gun bai jat la la rai nna, Ziun bum na Karai Kasang a man e du lu ma ai.

GALATI 5:17

Kaning rai nme law, hkum shan gaw Wenyi hte nhtan shai nna marin nga ai; Wenyi mung hkum shan hte nhtan shai nna marin nga ai: nanhte galaw mayu ai n galaw lu myit ga, dai lahkawng gaw shada da nhtan shai hkat nga ma ai.

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

SHINGRAN 6:2

Shaloi yu u, gumra ahpraw langai mi ngai mu nngai, dai hta jawn ai wa gaw ndan lang nga ai; ja janmau mung shi hpe shagup ya wu ai rai nna, dang kau let dang kau na matu nlaw pru sa wa ai.