2 SAMUELA 24:5 - Jinghpaw Hanson Version Bible

⁵ Ya shanhte gaw Yawdan hka rap nna, Gad hkaraw na Aroera mare sinpraw maga Yezera mare du hkra, dap jung nga ma ai:

Jinghpaw Common Language Bible 2009

⁵ Shanhte gaw Yawdan hka rap nhtawm Gad a lamu ga, kadit ka-ang e de da ai Aroera mare a dingda maga hta dap jung nga ma ai. Dai shara kaw nna mahtang dingdung maga Yazera mare de mung,

2 SAMUELA 24:5 ပူးပေါင်းရင်းမြစ်များ

2 SAMUELA 24:4

Rai timung hkawhkam wa a ga mahtang Yoab hte bu ni a ga hpe dang nna, Yoab hte bu ni gaw Israela masha ni hpe hti yu na nga, hkawhkam kaw na pru wa ma ai.

ESAIA 17:2

Aroera mare ni hpe kau da masai; de a mare dingsa ni hta sagu hpung ni hpum nga nna, shanhte hpe jahkrit ai kadai mung n nga ai.

BU HKAWM 21:32

Mawshe mung Yazera du hkra kin-yu yu shangun nna, dai mare ni hpe kashun la nhtawm, dai yang na Amori masha ni hpe shaden kau mu ai.

BU HKAWM 32:1

Ya Rubin a matu ni hte Gad a matu ni gaw, yamnga nachying law malu ai rai nna, Yazera mung hte Gilead mung hta yamnga a matu udat shara kaja nga ai hpe shanhte mu ma yang,

BU HKAWM 32:3

“Israela hpung masha ni a man na Yehowa shaza kau ai,

BU HKAWM 32:35

Atrot-shohpan, Yazera, Yogbeha;

TARA JAHPRANG 2:36

Shing rai, Arnon hkaraw makau na Aroera hte dai hkaraw kata na mare kaw nna, Gilead ga du hkra anhte n dang lu ai mare langai mi muk n nga ai; anhte a Karai Kasang Yehowa gaw yawng mayawng anhte hpe ap kau ma ni ai:

YAWSHU 13:16

Shanhte a lamu ga gaw: Amon hkaraw hkin-gau e de ai Aroera mare hte hkaraw ka-ang e nga ai mare kaw nna Medeba layang ga ting;

YAWSHU 13:25

Shanhte a lamu ga gaw, Yezera kaw nna Gilead mare ni nlang hte Raba ang na Aroera du hkra Amon a kashu kasha ni a lamu ga chyen mi;

YAWSHU 13:9

Arnon hkaraw hkin-gau e de ai Aroera mare hte hkaraw ka-ang e nga ai mare kaw nna, Madeba hte Dibon layang ga ting;

1 SAMUELA 30:28

Aroera, Sipmot, Eshtamoa;