2 SAMUELA 24:2 - Jinghpaw Hanson Version Bible

² Hkawhkam wa mung, shi kaw nga ai luksuk ni a jaubu Yoab hpe, Masha gade nga ai ngai chye lu hkra, Dan mare kaw nna Berasheba mare du hkra, Israela amyu ting ga sa wa nna, mung masha ni hpe hti yu mu, ngu nna hkang dat wu ai.

Jinghpaw Common Language Bible 2009

² Dai re ai majaw Dawi gaw shi a hpyen luksuk hpe up hkang ai Yoab hpe ning ngu hkang dat wu ai: “Na a du salang ni hte rau mungdan a jahtum jut shara mi kaw nna kaga shara mi de du hkra nga ai Israela amyu bawsang ni yawng hpang de sa wa nhtawm amyu masha ni hpe hti yu su. Dai hkan e gade wa law nga ma ai hpe ngai chye mayu nngai.”

2 SAMUELA 24:2 ပူးပေါင်းရင်းမြစ်များ

NINGPAWT NINGHPANG 21:14

Shaloi Abraham gaw jahpawt jau jau rawt nna, muk hte ntsin ndum la nhtawm, Hagara a lahpa hta mara ya let jaw dat ngut jang, kasha ap ya nna dat dat wu ai; shi mung pru mat wa nna Berasheba nam mali hkan e kayin hkawm nga ai.

2 SAMUELA 17:11

Dai re ai majaw ngai hpaji daw ya de ga: Dan mare kaw nna Berasheba mare du hkra, Israela masha nlang hpe, nammukdara makau na zaibru daram na a man e jahpawng la nna, nang hkum nan langang sa u.

2 SAMUELA 2:13

Zeruia kasha Yoab mung Dawi a ali ama ni hte hkap tau nna, Gibeon hka lawng makau e shanhte hpe hkrum ma ai. Dai hka lawng a hkin-gau ndai hkran wora hkran rai dung nga ma ai.

2 SAMUELA 20:23

Yoab gaw Israela hpyen luksuk ni nlang hte up ai jaubu rai nga ai: Yehoiada kasha Benaia gaw Hkrehli hte Pelehti masha ni hpe up ai wa rai nga ai.

2 SAMUELA 23:37

Ammon masha Zelek; Zeruia kasha Yoab a hpyen hking lang ya ai wa, Bero lakung na Naharai;

2 SAMUELA 24:15

Shing rai Yehowa gaw dai jahpawt kaw nna, madat da ai aten du hkra, Israela amyu hta ana zinli dat dat wu ai rai nna, Dan mare kaw nna Berasheba mare du hkra, masha mun sanit si mat ma ai.

2 SAMUELA 3:10

ngai mung Dawi hpe n shagrau ai she nga yang gaw, Yehowa dai hta grau nna, Abna hpe mara shagun ru ga,” ngu nna htan wu ai.

2 SAMUELA 8:16

Zeruia kasha Yoab gaw shi a jaubu kaba rai nga ai. Ahiluda kasha Yehoshahpat gaw labau ka da ai wa rai nga ai:

1 HKAWHKAM LABAU 21:2

Shing rai Dawi gaw, Yoab hte Israela agyi salang ni hpe,” Sa mu, Berasheba kaw nna Dan mare du hkra Israela amyu hpe hti yu nhtawm, shanhte gade law nga ma ai kun, ngai chye lu hkra, wa tsun dan marit,” ngu dat mu ai.

2 HKAWHKAM LABAU 32:31

Rai timung, shi a mung hta mauhpa amu byin ai lam, Babelon du salang ni san yu na matu, kasa shangun dat yang, shi hpe chyam yu na hte, shi myit masin hta rawng ai lam mahkra hpe chye lu hkra, Karai Kasang gaw shi hpe dat tawn da wu ai.

GA SHAGAWP 29:23

gumrawng ai wa gaw, shagrit kau ai hkrum na ra ai; Myit nem ai wa chyawm gaw, arawng sadang lu la na ra ai.

YEREMIA 17:5

Yehowa ning nga ai: Shinggyim masha hta shamyet shanat nna, tinang n-gun shaja let, Yehowa hpe jagang kau ai wa gaw, dagam dala hkrum ging ai wa rai nga ai:

2 KORINHTU 12:7

Ya dai chyahtum chyalai re ai shingran a majaw, ngai myit nau wa n kaba u ga, ngai hpe abyen na Satan a salung sala ngu ai, nye hkum shan hta ju ai aju ngai hkrum nga nngai; shing rai ngai nau wa myit n kaba nngai.

TARA AGYI 20:1

Dai re ai majaw, Israela amyu masha ni nlang hte gaw, Gilead mung na ni hte rau lang lata rawt nna, Dan mare kaw nna Berasheba du hkra shawa masha nlang langai hkum sha zawn Mizpa mare e Yehowa man e zuphpawng nga ma ai.