2 SAMUELA 23:3 - Jinghpaw Hanson Version Bible

³ Israela Karai Kasang gaw, Israela Lunghkrung, ngai hpe ning nga ai. Masha ni hpe dingman ai hku byeng nna, Karai Wa hpe hkrit hkungga ai myit hte up hkang ai wa gaw,

Jinghpaw Common Language Bible 2009

³ Israela a Karai Kasang ga tsun nu ai; Israela hpe makawp maga ai wa gaw ngai hpe ning nga nna tsun ai: “Teng man ai hku up hkang nna Karai Kasang a ga madat let up hkang ai hkawhkam gaw,

2 SAMUELA 23:3 ပူးပေါင်းရင်းမြစ်များ

NINGPAWT NINGHPANG 33:20

Dai yang e mung shi tawn hkungri langai mi tawn da nhtawm, dai hpe El-Eluhe-Israela ngu nna shamying wu ai.

2 SAMUELA 22:32

Yehowa hta shaje kadai wa Karai Kasang rai nga a ta? Anhte a Karai Wa hta kaga, kadai wa lunghkrung rai nga a ta?

2 SAMUELA 8:15

Shing rai Dawi gaw Israela mungdan ting hpe up nna, shi a mung masha ni mahkra hpe tara dara ai hte dinghpring ai hku jeyang da wu ai.

1 HKAWHKAM 10:9

Nang hta sharawng awng nna, Israela mungdan tingnyang hta nang hpe dung shangun ai, na a Karai Kasang Yehowa gaw a nga u ga law: Yehowa gaw Israela amyu hpe prat dingsa e tsawra nga ai majaw, dingman ai hku tara dawdan na matu, shi nang hpe hkaw dung shangun nit dai,”

NEHEMIA 5:14

Dai hta n-ga, hkawhkam Artahkere hkaw dung ai hkun ning nna sumshi lahkawng ning du hkra, shi lahkawng ning tup, ngai Yuda mung hta shanhte a munggyi rai nga timung, ngai hte nye a hpunau ni gaw munggyi a jarit sha ai n rai.

YOBA 34:17

Tara hpe n dawng ai wa up mai a ni? Dinghpring ai hte daru magam rawng ai wa hpe, mara shagun mai a ni?

SHAKAWN KUNGDAWN 110:2

Yehowa gaw na a up hkang na sumdoi, Ziun kaw nna jaw dat na ndai: Nang gaw, nang hpe gumlau ai ni a ka-ang e a up nga u.

SHAKAWN KUNGDAWN 42:9

Dai majaw Karai Wa hpe, Nye a lunghkrung e, Nang hpa rai ngai hpe malap kau nga n ta? Gumlau ni sharu shatsang ai majaw, Yawn hkrum ai wa zawn ngai hpa rai hkawm nga n hka? ngu na we ai.

SHAKAWN KUNGDAWN 72:1

Karai Kasang e, hkawhkam wa hpe na a tara dara ai lam, Hkawhkam a kasha hpe, na a dinghpring ai myit, jaw ya u.

SHAKAWN KUNGDAWN 72:2

Shi gaw na a amyu hpe dinghpring ai hku, Na a nni nkri hkrum ai ni hpe tara malang ai hku, jeyang nga u ga.

PRU MAT 18:21

Dai hta kaga, ndai amyu yawng hta na, Karai Kasang hpe hkrit hkungga ai myit su ai masha, sadi sahka re ai hte sake manawn n tsaw ai masha nang san da na rai wu ai: dai ni hpe, masha hkying mi a agyi, latsa a agyi, manga shi a agyi, marai shi a agyi shatai nna dang tawn da u:

PRU MAT 20:2

“Ngai gaw, Egutu mung hte mayam tai nga ai nta na nang hpe shapraw la ai, na Karai Kasang Yehowa rai nga nngai.

PRU MAT 3:15

Bai Karai Kasang gaw Mawshe hpe, “Nanhte a nji nwoi ni a Karai Kasang, Abraham a Karai Kasang, Isak a Karai Kasang, Yaku a Karai Kasang ngu ai shangun dat ni ai, ngu nna Israela a kashu kasha ni hpe nang tsun na rai ndai: dai gaw htani htana na nye a amying rai nga na li ai; dai gaw prat mi hte prat mi na nye a masat dingsat mying rai nga na li ai.

GA SHAGAWP 31:9

Na a n-gup hpaw let, tengman ai hku tara dara u; Matsan mayan hte nni nkri hkrum ai ni hpe, tengman ai hku dawdan u.

ESAIA 32:1

Yu mu, dinghpring ai hku hkan ai hkawhkam up nga nna, du ni gaw malang ai hku hkan let, tara dara na mara ai.

YEREMIA 23:5

Yehowa ning nga ai: yu u, Dawi a matu dinghpring ai Makrung ngai shatut ai aten du na ra ai: dai wa gaw, nyan rawng nna hkawhkam zawn up na hte, mungdan hta dinghpring ai hku dawdan na ra ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

TARA JAHPRANG 32:4

Dai Lunghkrung, shi a magam hkum tsup nga ai. Shi a lam shagu dinghpring ai lam rai nga ai; Kangka re ai hte mara n rawng ai Karai Kasang, Dinghpring ai hte tengman, shi rai nga ai.

HEBRE 1:8

Bai, dai Kasha a lam chyawm gaw, “Karai Kasang e, na a tingnyang htani htana anga nga ai; Shi a mungdan a sumdoi, dingman ai sumdoi rai nga ai.