2 SAMUELA 22:1 - Jinghpaw Hanson Version Bible

¹ Dawi gaw, shi hpe n dawng n yawt ai ni nlang hte hte Shawlu a lata na, Yehowa shi hpe hkye mawai la ai nhtoi hta, mahkawn mangoi wu ai:

Jinghpaw Common Language Bible 2009

¹ Dai Madu gaw Dawi hpe Shawlu hte kaga shi hpe gumlau ai hpyen ni a lata kaw nna hkye mawai la ai shaloi, Dawi gaw ndai mahkawn ga hte dai Madu hpe mahkawn mangoi wu ai:

2 SAMUELA 22:1 ပူးပေါင်းရင်းမြစ်များ

2 SAMUELA 12:7

Dai rai nna Nahtan gaw Dawi hpe, “Nang nan rai nga ndai. Israela Karai Kasang Yehowa tsun ai gaw, ‘Israela masha ni a hkawhkam tai na, ngai nang hpe namman chya ya ni ai; Shawlu a lata na mung nang hpe hkye tawn sade ai:

2 SAMUELA 22:49

Masha hpyen ni a lata na nang ngai hpe hkye la nna, Gaja wa, ngai hpe je hpre ai ni a ntsa e, nang ngai hpe sharawt tawn nngai: Kashun kashe ai ni a lata na mung shaw la nit dai.

1 HKAWHKAM LABAU 16:7

Dai shani e Dawi gaw, Asap hte shi a kahpu kanau ni a n-gup e Yehowa a chyeju hpe shakawn kungdawn ai lam nnan tawn da wu ai.

SHAKAWN KUNGDAWN 34:19

Dingman ai wa gaw ru tsang law law hkrum nga timung, Yehowa shi hpe nlang hta na mawai la nu ai.

SHAKAWN KUNGDAWN 50:14

Karai Kasang hpe shakawn kungdawn hkungga jaw u, Tsaw htum ai Wa hpe na a ga ndat rap raw u.

PRU MAT 15:1

Dai shaloi Mawshe hte Israela kashu kasha ni gaw, ndai mahkawn mangoi ga hte Yehowa hpe ning nga mahkawn mangoi ma ai: “Yehowa hpe ngai mahkawn mangoi na nngai: Shi gaw magam shingkang dan hkung let ninglaw nga ai. Gumra hte dai hta jawn ai wa hpe nawng hta gumpye bang kau nu ai.

2 KORINHTU 1:10

Shi gaw ning san ai si lam hta na anhte hpe mawai la ma ni ai rai nna, naw mawai la na mi ai; shi anhte hpe naw mawai la na, anhte shi hpe myit mada nga ga ai rai nna, law law ni a myi man a marang e anhte lu la ai chyeju a majaw,

TARA JAHPRANG 31:30

Shaloi Mawshe ndai mahkawn mangoi ga ma hkra, Israela shawa hpung a man e tsun hkai wu ai gaw:

2 TIMOHTI 4:18

Dai madu gaw n hkru n hkra ai lam yawng hta na ngai hpe mawai la nna, shi a sumsing lamu mungdan hkap hkra, hkye hkrang la na ra ai: shi gaw htani htana prat dingsa hpung shingkang anga nga u ga law Amen.

TARA AGYI 5:1

Dai shani e Debora hte Abinoam a kasha Barak gaw, ning nga mahkawn mangoi ma ai.

1 SAMUELA 23:14

Dawi chyawm gaw, Zihpa bum ga na hkaraw nhkap hkan e nga nga ai rai nna, Shawlu shani shagu tam nga timung, Karai Kasang gaw Dawi hpe shi a lata de n ap kau wu ai.

1 SAMUELA 24:15

Dai re ai majaw Yehowa she tara agyi tai ya mi ga; nang hte nye a lapran e shi hparan ya mi ga; shi nan mada yu nna ngai hpe na a lata na hkrang la n ga,” ngu nna Shawlu hpe tsun wu ai.

1 SAMUELA 25:29

Nang hpe sat na nga, shachyut masha mi rawt pru timung, nye a madu a asak hpe na a Karai Kasang Yehowa a asak makai hta gyit shangang da na wu ai: nang hpe hpyen ai ni a asak hpe chyawm gaw, lahpaw hta na shinggyin hpe zawn gap shapoi kau na wu ai.

1 SAMUELA 26:24

Dai rai nna, dai ni ngai na asak hpe lahpawt ya ai zawn, Yehowa nye a asak hpe lahpawt nna, ngai hpe ruyak lam shagu hta na shaw la n ga law,” ngu nna tsun wu ai.

1 SAMUELA 27:1

Dai hpang Dawi gaw, “Lani mi Shawlu a lata hta ngai asum na ring ngai; Hpilisti mung de hprawng yang she mai na sai; dai hta grau ai lam nye a matu n nga sai; shaloi she, Israela mung ting hta ngai e n mu tam ai, Shawlu chye nna myit jasat kau yang, shi a lata na ngai lawt na ni ai,” ngu nna myit lu wu ai.