2 SAMUELA 21:9 - Jinghpaw Hanson Version Bible

⁹ Gibeon masha ni a lata de ap ya mu ai; shanhte gaw dai kawng ntsa Yehowa a man e shanhte hpe noi kau mu ai rai nna, dai marai sanit hte ting lang ta si mat ma ai: shanhte hpe sat ai shani gaw, muk-yaw mam dan hpang ai shani rai nga ai.

Jinghpaw Common Language Bible 2009

⁹ Dawi gaw shanhte hpe Gibeon masha ni a lata de ap ya wu ai rai nna shanhte mung bum ntsa dai Madu a man e noi da ma ai; shanhte marai sanit hte yawng rau sha si mat ma ai. Shanhte hpe sat ai shani gaw muk-yaw mam dan hpang ai shani ngu na ginhtawng ta a hpang daw na aten hta ang nga ai.

2 SAMUELA 21:9 ပူးပေါင်းရင်းမြစ်များ

2 SAMUELA 21:6

dai rai yang, Yehowa lata la ai Shawlu nga ai Gibea mare e anhte shanhte hpe Yehowa a matu noi da na ga ai, ngu nna htan mu ai. Hkawhkam wa mung, Ngai ap ya na ring ngai, ngu wu ai.

2 SAMUELA 6:17

Yehowa a sumpu hpe shawn nna, Dawi gap tawn ai sum a ka-ang, shi a shara ngu na kaw tawn da ngut jang, Dawi gaw wan nat hkungga hte mahku hkungga, Yehowa hpe nat nawng wu ai.

2 SAMUELA 6:21

Dawi chyawm gaw, “Na nwa hte shi a amyu matu ni yawng a malai ngai hpe lata la nna, Yehowa amyu Israela masha ni hpe up hkang ai du aya hta ngai hpe dang tawn ai Yehowa a man e ka ai, n rai nga a ni? Yehowa a man e ngai ka manau na we ai.

PRU MAT 20:5

dai hpe hkum naw hkum ku, hkum jaw hkum jau et: kaning rai nme law, ngai, na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai;

PRU MAT 9:31

Dai shaloi lachyit hte muk-yaw mam hpe sin e adup dau wu ai: kaning rai nme law, muk-yaw mam gaw nsi rai sai, lachyit mung pu sai.

PRU MAT 9:32

Hkaulan mam hte nbaw mam chyawm gaw, garai n tu ma ai majaw, n hten ma ai.

BU HKAWM 25:4

Shaloi Yehowa gaw, “Yehowa a pawt bu ai masin hpe Israela hta na shabai kau lu hkra, Israela du nlang hte hpe shaga la nna, jan mai ai shara Yehowa a man e noi jen kau u,” ngu nna Mawshe hpe tsun wu ai.

TARA JAHPRANG 21:22

Masha langai ngai si ging ai yubak galaw ai majaw sat kau ai hkrum nna, hpun hta noi tawn ai rai yang,

RUHTA 1:22

Shing rai, Naomi gaw, kanam Moba num Ruhta hte rau, Moba mung na wa ma ai rai nna, shan gaw muk-yaw mam dan ai aten e Betlehem de du ma ai.

1 SAMUELA 15:33

Samuela chyawm gaw, “Na nhtu hte ma kanu ni kasha sum ai zawn, na nnu mung kasha sum ai kanu tai lu na rai sai,” nga nna tsun let, Gilgala shara Yehowa man e, Agag hpe kahtum gadaw azat kau wu ai.