2 SAMUELA 20:9 - Jinghpaw Hanson Version Bible

⁹ Shaloi Yoab gaw Amasa hpe, Hpu e, kaja nga n ni? nga nna shachyen let, pup na matu, hkra lata hte Amasa amun hpe jum wu ai.

Jinghpaw Common Language Bible 2009

⁹ Yoab gaw Amasa hpe, “Nye a manang wa e, kaja nga n ni?,” ngu nna tsun let shi hpe pup na matu shi a hkra lata hte Amasa a nhka mun jum da ya wu ai.

2 SAMUELA 20:9 ပူးပေါင်းရင်းမြစ်များ

2 SAMUELA 15:5

Shing rai marai langai ngai shi kaw hkungga lara rai sit sa jang, dai wa hpe hkap ahpum la nna a pup dat dat di wu ai.

2 SAMUELA 17:25

Ya Absalom gaw Yoab a malai, Amasa hpe hpyen luksuk ni a jaubu shatai wu ai; dai Amasa chyawm gaw, Yoab a kanu Zeruia a kanaw, Nahasha a shayi sha Abigela hte nga sha ai Israela amyu na Ihtra ngu ai wa a kasha rai nga ai.

2 SAMUELA 18:29

Hkawhkam wa chyawm gaw, Ngai sha Absalom kaja nga a ni? ngu nna san wu yang, Ahima gaw, jaubu Yoab ngai hpe ngu ai na a mayam wa hpe shangun ai shaloi, kabrawng kabrang kaba re ai gaw ngai mu nngai; rai timung, hpa lam re ai ngai n chye nngai, ngu nna htan wu ai.

2 SAMUELA 3:27

Ya abna gaw Hebron mare de bai du jang Yoab shi hpe angwi sha shachyen shaga ai wa zawn di nna, mare chyinghka lam ka-ang e woi sa nhtawm shi a kanau Asahela hpe sat kau ya ai matai, Abna a kan hpe galun ya wu ai rai nna, shi mung si mat sai.

1 HKAWHKAM 2:32

Shi gaw, shi hta grau dinghpring nna kaja nga ai marai lahkawng hpe nhtu hte sat kau ru ai rai nna, nye wa Dawi dai lam n chye wu ai majaw, Yehowa gaw dai sai hpe shi baw ntsa e bai htang bun nu ai; dai yan lahkawng gaw, Israela luksuk ni a hpyen du Nira a kasha Abna hte Yuda luksuk ni a hpyen du Yehtera kasha Amasa rai ma ai.

SHAKAWN KUNGDAWN 55:21

Shi a n-gup ga sau zawn manen lu timung, Shi a myit hta majan lawn nga ai; Shi tsun ai ga, namman hta grau kya nga timung, Dai gaw shaw ai nhtu rai nga ai.

GA SHAGAWP 26:23

N-gup pyaw nna myit magaw ai wa gaw, Gumhpraw hkyi sup ai ga dibu hte bung nga ai.

GA SHAGAWP 27:6

Jinghku wa gaw ari jaw jang, kangka ai hte jaw nga ai; Hpyen wa chyawm gaw pup timung hkalem nga ai.

YEREMIA 41:2

Shaloi Nehtania kasha Ishmaela gaw, dai marai shi hte rau rawt nna, Babelon hkawhkam a ahkang hte munggyi tai nga ai Shahpan a kashu Ahikam a kasha Gedalia hpe nhtu hte kahtam sat kau mu ai.

MIHKA 7:2

Dinghpring ai wa gaw, ga ntsa na htum mat sai; mung masha ni hta myit malang ai wa langai mi n nga sai; shanhte nlang asai jahkaw kau na gyam yu ma ai: langai hte langai tinang hpunau wa hpe, sumgawn hte hkan tam ma ai.

TARA AGYI 3:15

Bai, Israela kashu kasha ni Yehowa hpe jahtau yang, Yehowa gaw shanhte a matu hkye la ai wa ngu ai, Ben-yamin amyu, Gera kasha, lata lapai ai wa Ehud hpe paw pru shangun ya wu ai: Israela kashu kasha ni gaw shi a lata hta, Moba hkawhkam Eglon hpang de shawa jahkawn shagun dat mu ai.