2 SAMUELA 20:2 - Jinghpaw Hanson Version Bible

² rai nna Israela masha ni nlang Dawi kaw na pru nna, Bihkri a kasha Sheba kaw hkan nang mat wa ma ai; Yuda amyu masha ni chyawm gaw, Yawdan hka kaw nna Yerusalem mare du hkra tinang a hkawhkam wa kaw hkan nang nga ma ai.

Jinghpaw Common Language Bible 2009

² Dai re ai majaw Israela masha ni gaw Dawi kaw nna hprawng pru wa nhtawm, Sheba a hpang de hkan nang mat wa ma ai; rai ti mung, Yuda masha ni chyawm gaw Dawi hta sadi naw dung nga ma ai rai nna Yawdan hka kaw nna Yerusalem mare du hkra Dawi kaw hkan nang nga ma ai.

2 SAMUELA 20:2 ပူးပေါင်းရင်းမြစ်များ

2 SAMUELA 19:15

Shaloi hkawhkam wa bai wa nna Yawdan hka du wa ai. Yuda amyu masha ni gaw hkawhkam wa hpe sa tau la nna, Yawdan hka sharap la na nga, Gilgala shara de sa wa ma ai.

2 SAMUELA 20:1

Dai shaloi, Ben-yamin amyu Bihkri a kasha, Sheba mying ai n hkru ai wa langai mi nga ai: dai wa gaw, pahtau dum nna, Israela masha ni e, Anhte gaw Dawi hte hpa mung n seng ga ai; Yese a kasha hta hpa Sali mung n lu ga ai: Israela masha ni e, langai hte langai tinang a sum de wa mu, ngu wu ai,

2 SAMUELA 20:21

Dai hku n rai; Ehprim bum ga na, Bihkri a kasha Sheba ngu ai wa, hkawhkam Dawi hpe gumlau sai: dai wa hpe ap ya mi; shaloi rai yang gaw, dai mare na ngai wa na nngai, ngu nna htan wu ai. Shaloi dai numsha gaw Yoab hpe, Shi a baw nang hpang de kabai jahkrat ya na nngai, ngu nna tsun da wu ai.

2 SAMUELA 20:3

Shing rai Dawi gaw Yerusalem mare na shi a htingnu de bai du wa ai: shaloi hkawhkam wa gaw, shi a htingnu sin shangun da ai lashi num marai shi hpe, nta langai mi hta rawng da nna bau wu ai; rai timung, shanhte hpe n shum nu ai. Shanhte gaw si ai nhtoi du hkra rawng da ai hkrum nna, gaida zawn nga nga ma ai.

1 HKAWHKAM 12:20

Ya Yeroboam bai wa ra ai lam hpe Israela amyu masha ni na mu yang, shi hpe shawa hpawng de shaga jashawn nhtawm, Israela amyu ntsa e hkawhkam shatai mu ai: Yuda amyu hta kaga, Dawi a dap lakung hpe kadai mung n hkan nang ma ai.

2 HKAWHKAM LABAU 10:17

Rai timung Yuda mung na mare ni hta nga nga ai Israela masha ni a ntsa e, Rehoboam gaw up nga ai.

SHAKAWN KUNGDAWN 62:9

Kaja wa, darat daroi masha ni nbung hkrai rai nga ma ai; Daru magam masha ni masu ai hkrai rai nga ma ai: Shanhte hpe joi hta shen yu yang, yawng hte wa nbung hta grau tsang ma ai.

GA SHAGAWP 17:14

Ga law ai npawt gaw, hka shalen dat ai hte bung ai majaw, Garai n ga law yang, htailai ai lam koi kau u.

KASA 11:23

Dai wa du nna, Karai Kasang a chyeju mu lu yang, kabu gara nga ai hte, shanhte dai Madu hta lashum shawt manoi manat nga na matu, nlang hte hpe shadum jahprang mu ai: