2 SAMUELA 20:1 - Jinghpaw Hanson Version Bible

¹ Dai shaloi, Ben-yamin amyu Bihkri a kasha, Sheba mying ai n hkru ai wa langai mi nga ai: dai wa gaw, pahtau dum nna, Israela masha ni e, Anhte gaw Dawi hte hpa mung n seng ga ai; Yese a kasha hta hpa Sali mung n lu ga ai: Israela masha ni e, langai hte langai tinang a sum de wa mu, ngu wu ai,

Jinghpaw Common Language Bible 2009

¹ Benyamin amyu bawsang hta na Bikri a kasha Sheba mying nna, arawn alai n htap ai masha langai, Gilgala mare hta nga ai. Shi gaw pahtau dum dat nhtawm, “Dawi hkrat sum u ga law! Shi a hpang anhte n hkan lu na ga ai! Israela masha ni e nta de wa shajang saga law!,” ngu nna jahtau tsun wu ai.

2 SAMUELA 20:1 ပူးပေါင်းရင်းမြစ်များ

NINGPAWT NINGHPANG 46:21

Ben-yamin a shadang sha ni gaw, Bela, Behkara, Ashbela, Gera, Naman, Ehi, Rosha, Muhpim, Huhpim Arda hte rai ma ai.

2 SAMUELA 15:10

Rai timung, Absalom gaw, Israela amyu ni nlang hpang de gumlau kasa shangun dat nna, amyu masha ni hpe, “Pahtau dum ai na jang, Absalom gaw Hebron mare e hkaw dung ai re ai chye mu, ngu nna tsun da mu,” nga nna hkang dat ai.

2 SAMUELA 16:11

Bai Dawi gaw Abishai hte shi a ali ama ni mahkra hpe, “Yu mu, nye nshang na hkrat ai, ngai sha majing wa pyi ngai e sat na tam nga ai rai yang gaw, wora Ben-yamin amyu masha gaw dai hta grau na nrai ni? Ra mi nga nga u ga; matsa nga u ga; Yehowa hkang da ai majaw rai sai.

2 SAMUELA 16:7

Shimi matsa ai ga gaw, “Masha sat ai, n hkru ai wa e, hprawng u, hprawng u;

2 SAMUELA 18:17

Shanhte Absalom a mang hpe dai maling na nhkun kaba hta jahkrat ban nhtawm, nlung sumpum kaba sumpum da mu ai: Israela masha ni nlang hte mung, tinang nang a nta de hprawng wa ma ai.

2 SAMUELA 20:2

rai nna Israela masha ni nlang Dawi kaw na pru nna, Bihkri a kasha Sheba kaw hkan nang mat wa ma ai; Yuda amyu masha ni chyawm gaw, Yawdan hka kaw nna Yerusalem mare du hkra tinang a hkawhkam wa kaw hkan nang nga ma ai.

2 SAMUELA 20:22

Shaloi dai numsha gaw shi a hpaji hte maren mare masha ni hpang de wa nhtawm, shanhte gaw, Bihkri a kasha she da a baw daw la nna, Yoab kaw kabai jahkrat ya ma ai. Shaloi she shi pahtau dum nna, masha ni mung, dai mare na tinang nta de wa mat ma ai. Yoab mung Yerusalem mare de, hkawhkam hpang de bai wa ai.

2 SAMUELA 23:6

N shawp ai nlang hte chyawm gaw, Lata hte n hkra mai ai, yeng seng kau ai ju hpun zawn tai na mara ai:

1 HKAWHKAM 12:16

Hkawhkam wa gaw shanhte a ga n madat nga ai hpe, Israela amyu masha ni yawng mu mu ai shaloi jang, shanthe gaw, Anhte Dawi hta hpa daw nga ga ta? Yese kasha hta anhte Sali n lawm ga ai; Israela e, na a sum nta ni de bai wa nu; Dawi e, na nta hpe ya yu yu u law, ngu nna hkawhkam wa hpe htan nhtawm, Israela gaw tinang a sum nta ni de bai wa ma ai.

1 HKAWHKAM 21:10

shing rai, n hkru ai masha lahkawng shi a man e shapraw nna, Nang gaw Karai Kasang hpe mung, hkawhkam wa hpe mung matsa kau ndai, ngu nna sakse hkam shangun mu: dai hpang shi hpe shapraw nhtawm, nlung hte kabai sat kau mu, nga ai,” ngu nna ka dat wu ai.

2 HKAWHKAM LABAU 10:16

Hkawhkam wa gaw shanhte a ga n madat nga ai hpe Israela masha ni gaw, “Anhte Dawi hta hpa daw nga ga ta? Yese kasha hta anhte sali n lawm ga ai; Israela e langai hte langai tinang a sum nta ni de bai wa mu; Dawi e na nta hpe ya yu yu u law,” ngu nna hkawhkam wa hpe htan nhtawm, Israela gaw tinang a sum nta ni de bai wa ma ai.

2 HKAWHKAM LABAU 10:6

Ya hkawhkam Rehoboam gaw, shi kawa Shawlumon a prat e shi a man e tsap nga ai salang ni hte bawng yu nna, “Ndai masha ni hpe htan ya na ga, nanhte ngai hpe hpa lam daw ya na myit ta?” ngu mu ai.

SHAKAWN KUNGDAWN 17:13

Rawt u, Yehowa e, shi man e tsap u, shi hpe jahkrat kau u, N hkru ai ni kaw na, na a nhtu hte, nye a asak hpe shalawt ya e.

SHAKAWN KUNGDAWN 34:19

Dingman ai wa gaw ru tsang law law hkrum nga timung, Yehowa shi hpe nlang hta na mawai la nu ai.

GA SHAGAWP 25:8

Alawan hkum ga law et; Htingbu wa nang hpe kaya jahkrum kau yang, nang kaning rai na n ta?

GA SHAGAWP 26:21

Wan nhtaw ntsa e wan n-ga, wan ntsa e hpun bang ai zawn, Ga law shapraw chye ai wa gaw, gasat gala shabyin nga ai.

MARKU 3:24

Mungdan langai mi dinghku brun mat wa yang, dai mungdan gaw grin nga lu na n rai;

LUKA 19:14

Shi a mung masha ni chyawm gaw, shi hpe n dawng da mu ai rai nna, ‘Ndai wa anhte a ntsa e up nga na, anhte n ra ga ai,’ ngu nna shi a hpang e kasa hkan shangun dat mu ai.

LUKA 19:27

Dai hta kaga, shanhte a ntsa e ngai hpe up shangun na n ra ai, nye a gumlau ni hpe, nang de dun wa nna, nye a man e sat kau maru, ngu nna hkang dat mu ai,” ngu wu ai.

YAWHAN 13:8

Petru gaw, “Nye a lagaw hpe nang galoi mung n kashin lu na ndai,” bai ngu wu ai. Bai Yesu gaw, “Ngai nang hpe n kashin lu yang gaw nang ngai hte n seng ndai,” ngu nna shi hpe tsun wu ai.

TARA JAHPRANG 13:13

Nanhte hta na n shawp ai masha nkau mi rawt pru nna, “Sa, nanhte n chye ai Hpara shaje nawku saga,” nga nna, shanhte hte rau nga ai mare masha ni hpe woi awn ai lam,

TARA AGYI 19:22

Shing rai apyaw alaw nga nga ma yang, dai mare na n hkru ai masha nkau mi, nta dai hpe sa wang nna, chyinghka sa adup mu ai: nta madu dingla hpe mung shaga nna, “Na nta de shang wa ai la wa hte nga sha mayu ga ai, shapraw dat ru,” ngu mu ai.

TARA AGYI 3:27

Shaloi shi du wa jang Ehprim bum ga e, shi pahtau dum dat wu ai rai nna, Israela kashu kasha ni mung shi kaw hkan nang let bum ga de na yu wa ma ai.

RUHTA 2:3

Ruhta mung sa nna, mam dan ai ni a hpang e nlim hkan gut wu yang, Elimelek amyu dap hpu na Bua a yi hta ndum shami sa ang wu ai.

1 SAMUELA 13:2

Israela masha hkying masum lata la nna, shi nga ai, Mikmasha hte Betela bum ga e masha hkying lahkawng, Ben-yamin ga Gibea mare e Yonahtan kaw, masha hkying mi, tawn da nhtawm, gale ni hpe tinang nta de dat dat mu ai.

1 SAMUELA 2:12

Eli a kasha ni chyawm gaw n shawp n kap ai masha rai ma ai; shanhte Yehowa hpe n chye ma ai.

1 SAMUELA 30:22

Shaloi Dawi kaw hkan nang ai ni hta na n hkru ai masha nlang hte gaw, “Ndai ni, anhte hte rau n sa ai majaw, anhte lu la ai lanep hta na, shanhte a madu jan kasha ni hta kaga, arai gale shanhte hpe n jaw na re ai; tinang a madu jan kasha ni sha woi la nna wa mu ga,” nga ma ai.