2 SAMUELA 2:6 - Jinghpaw Hanson Version Bible

⁶ Rai sa, Yehowa gaw nanhte hpe matsan dum ai hte kangka ai chyeju htang jaw myit ga law; nanhte ning rai galaw ai majaw, ngai mung nanhte hpe chyeju htang na nngai.

Jinghpaw Common Language Bible 2009

⁶ Ya chyawm gaw dai Madu nanhte hpe matsan dum ai hte kangka ai chyeju jaw ya nga u ga law. Nanhte galaw kau sai amu a majaw, ngai mung nanhte hpe mai kaja ai lam galaw na made ai.

2 SAMUELA 2:6 ပူးပေါင်းရင်းမြစ်များ

2 SAMUELA 10:2

Shaloi Dawi gaw, “Hanun a kawa Nahasha ngai hpe chyeju madun ai hte maren, ngai mung Hanun hta chyeju htang na we ai,” nga nna, kawa a yawn shabran ya na matu, shi a ali ama ni hpe dat dat wu ai. Dawi a ali ama ni mung Ammon a kashu kasha ni a mungdan de du ma ai.

2 SAMUELA 15:20

Mani mana sha du ai wa mi anhte kaw hkan hkawm na gaw hpa majaw rai ta? Ngai chyawm gaw hkawm wa ra ai lam rai nna hkawm wa ni ai; dai majaw na a masha ni hpe woi nna wa nu; chyeju hte kangka ai gaw nang hta anga nga u ga law,” ngu wu ai.

2 SAMUELA 2:7

Ya chyawm gaw n-gun da ting nna, nden shaja nga ai nanhte a madu Shawlu si mat sai; Yuda amyu masha ni ngai hpe namman jaw nna ngai e shanhte a ntsa e hkawhkam aya dang mani ai,” ngu nna hkang dat mu ai.

2 SAMUELA 9:3

Bai hkawhkam wa gaw, “Karai Kasang a myit ra ai hku hte maren ngai chyeju htang na, Shawlu a amyu matu langai ngai naw n nga a ni?” ngu nna san wu yang, Ziba gaw, “Yonahtan a kasha, lagaw hten ai langai mi naw nga ai,” ngu nna htan wu ai.

2 SAMUELA 9:7

Bai Dawi gaw, “hkum tsang et; na nwa Yonahtan a matu ngai nang hpe teng teng chyeju htang na de ai; na nji nwa Shawlu a ga dachyawk mahkra ngai nang hpe bai jaw na de ai; nang gaw nye a sha ku hta tutnawng sha nga lu na rai ndai,” ngu wu ai.

SHAKAWN KUNGDAWN 57:3

Ngai hpe mayu kau maw ai wa a shatan nhkan hta na, Lamu de na shi ladawn nna, ngai hpe hkye la nngai; [Selah.] Karai Kasang gaw shi a chyeju hte sadi sahka hpe shangun dat na ra ai.

PRU MAT 34:6

Yehowa gaw shi a man e lai wa let, Yehowa, Yehowa, sumnung ai myit hte chyeju hpring ai, myit galu ai hte n-gaw nwai re ai, matsan adum ai hte sadi sahka hpring ai:

GA SHAGAWP 14:22

N kaja ai hku maw ai ni, lam dam na, n rai ni? Kaja ai hku maw ai ni chyawm gaw, chyeju hte kangka ai hkam la na mara ai.

MAHTE 10:16

Yu mu, chyahkyawn ni a ka-ang de sagu hpe zawn, ngai nanhte hpe shangun dat made ai: dai rai nna nanhte gaw; lapu zawn hpaji rawng nna, hkrudu zawn myit shingdi nga mu.

MAHTE 5:44

Ngai mahtang nanhte hpe tsun made ai gaw, nanhte a hpyen ni hpe tsawra mu: nanhte hpe zingri zingrat ai ni a matu mara akyu hpyi mu:

MAHTE 5:7

Matsan chye dum ai ni gaw, a lu ma ai; kaning rai nme law, shanhte matsan dum la ai hkrum na mara ai.

YAWSHU 2:14

Dai yan mung, “Nang an a lam n shabrawng ya n yang gaw, na a asak matu an a asak gaw pahkam tai nga u ga: ndai mungdan Yehowa anhte hpe jaw ai nhtoi e na a lam hpe kangka hkra hkan nna chyeju htang na ra ga ai,” ngu nna yin la mu ai.

RUHTA 1:8

Naomi chyawm gaw kanam yan hpe, “Wa manu, nan a nnu nwa nta de wa manu; nan gaw, si mat ai yan hpe mung, ngai hpe mung, galaw jaw manit dai hte maren, Yehowa nan hpe chyeju htang ya malit ga law.