2 SAMUELA 2:5 - Jinghpaw Hanson Version Bible

⁵ Dai rai nna Dawi gaw Gilead mung Yabesha masha ni hpang de kasa shangun nna, “Nanhte a madu hta chyeju ndai nanhte galaw nna, shi a moi mang hpe makoi mayang myit dai majaw, Yehowa a chyeju nanhte lu la myit ga.

Jinghpaw Common Language Bible 2009

⁵ masha nkau mi hpe ndai mungga hte hpawn shangun dat wu ai: “Nanhte gaw shi hpe makoi mayang galaw let nanhte a hkawhkam wa hta sadi dung nga myit dai hpe madun dan nga manit dai majaw, dai Madu nanhte hpe shaman ya nga u ga law.

2 SAMUELA 2:5 ပူးပေါင်းရင်းမြစ်များ

NINGPAWT NINGHPANG 14:19

Shi gaw Abram hpe, “Lamu hte aga Madu, Tsaw Htum ai Wa Karai Kasang gaw Abram hpe shaman ya u ga:

NINGPAWT NINGHPANG 14:22

Shaloi Abram gaw Sodom hkawhkam wa hpe, “Abram hpe ngai sut jasu se ai, nga nna nang tsun shara n nga u ga,

2 SAMUELA 15:20

Mani mana sha du ai wa mi anhte kaw hkan hkawm na gaw hpa majaw rai ta? Ngai chyawm gaw hkawm wa ra ai lam rai nna hkawm wa ni ai; dai majaw na a masha ni hpe woi nna wa nu; chyeju hte kangka ai gaw nang hta anga nga u ga law,” ngu wu ai.

2 SAMUELA 21:12

Dai rai nna Dawi gaw, Hpilisti masha ni Gilboa kawng e Shawlu hpe sat nna, shi a moi mang hpe Bet-shan shara e noi da ai kaw na sa lagu la ai Gilead mung na Yebesha masha ni hpang de sa nna, Shawlu a nrut nra hte kasha Yonahtan a nrut nra ni hpe la wa nhtawm;

SHAKAWN KUNGDAWN 115:15

Lamu hte aga hpe hpan da ai Yehowa gaw, Nanhte hpe shaman ya myit ga.

YAWSHU 2:14

Dai yan mung, “Nang an a lam n shabrawng ya n yang gaw, na a asak matu an a asak gaw pahkam tai nga u ga: ndai mungdan Yehowa anhte hpe jaw ai nhtoi e na a lam hpe kangka hkra hkan nna chyeju htang na ra ga ai,” ngu nna yin la mu ai.

TARA AGYI 21:8

Dai rai nna shanhte gaw, “Israela amyu ni hta na, Mizpa de Yehowa a man e n lung pru ai gaw, kadai naw nga a ta?” nga nna san ma yang, yu mu, Gilead mung Yabesha mare masha ni langai mi muk zuphpawng ai dap de n sa ai chye ma ai.

RUHTA 1:8

Naomi chyawm gaw kanam yan hpe, “Wa manu, nan a nnu nwa nta de wa manu; nan gaw, si mat ai yan hpe mung, ngai hpe mung, galaw jaw manit dai hte maren, Yehowa nan hpe chyeju htang ya malit ga law.

RUHTA 2:20

Bai kamoi gaw, “hkrung nga ai ni hpe mung, si mat sai ni hpe mung chyeju jaw n jin ai wa hpe Yehowa shaman ya u ga law,” ngu nna kanam hpe tsun wu ai. Bai Naomi gaw, “Dai wa gaw anhte hte grau ni ai amyu dap, anhte a nta chyen rai nga ai,” ngu nna shi hpe tsun dan wu ai.

RUHTA 3:10

Bua mung, “Ngai sha e, Yehowa nang hpe shaman ya nit ga law; nang sut su ai la shabrang, matsan ai la shabrang kadai hpe mung n myit ndai majaw, shawng na galaw jaw ai chyeju hta, hpang na chyeju grau kaba salit dai.

1 SAMUELA 11:1

Dai shaloi e Amon masha Nahasha lung wa nna, Gilead mung Yabesha mare man e dap sa jung wu ai: Yabesha masha ni nlang Nahasha hpe, “Anhte hte htinglu htinglai gaw, nang kaw a yam na ga ai,” ngu mu ai.

1 SAMUELA 11:9

Ga tsun ai kasa ni hpe mung, Gilead mung na Yabesha masha ni hpe, “Hpawt de jan ja ai aten e hkyamsa lu la na ra ai, ngu nna wa tsun mu,” ngu nna htet dat mu ai. Kasa ni mung wa tsun nna, Yabesha masha ni kabu ma ai.

1 SAMUELA 15:13

Dai rai nna Samuela Shawlu nga ai de hkan nang sa wa ai: Shawlu mung, “Yehowa nang hpe shaman ya u ga; Yehowa hkang dat ai ga ngai shatup se ai, “ngu wu ai.

1 SAMUELA 23:21

Shawlu gaw, “Nanhte ngai hpe matsan dum manit dai majaw, Yehowa nanhte hpe shaman ya myit ga.

1 SAMUELA 24:19

Masha wa mi tinang hpyen hte katut sayang, apyaw sha adat dat lu a ni? Dai rai nna, dai ni ngai hta nang madun ai chyeju gaw Yehowa htang ya nit ga law.