2 SAMUELA 2:26 - Jinghpaw Hanson Version Bible

²⁶ Shaloi Abna gaw Yoab hpe jahtau nna, “Nhtu nshan dai tut tut a kawa sha nga na rai ni? Jahtum e hka ai sha hkrup na ra ai gaw, n chye wu ni? Dai masha ni tinang a hpunau ni hpe n shachyut ai, bai nhtang wa na lam nang n hpajang ai, galoi du hkra nga nga na wu ta?” ngu wu ai.

Jinghpaw Common Language Bible 2009

²⁶ Abna gaw Yoab hpe shaga shapraw la nna, “Anhte gaw htani htana a gasat nga na saga ai kun? Hpang jahtum e chyawm gaw ahkup ahka nga ai hta jan nna hpa mung n nga mat na ra ai hpe nang n mu da wu ni? Anhte gaw hpu nau shada da wa she rai nga ga ai mi, na a masha ni anhte hpe n shachyut ai sha bai nhtang wa shangun kau na lam nang n hkang da nga ndai gaw, galoi du hkra nga nga na rai wu ni?,” ngu nna san wu ai.

2 SAMUELA 2:26 ပူးပေါင်းရင်းမြစ်များ

2 SAMUELA 11:25

Dawi chyawm gaw dai kasa wa hpe, “Yoab hpe ning ngu u: ‘dai majaw sha myit gawng hkum run et; majan ngu ai hta kadai si na n chye ga ai; mare dai hpe tsam mari di gasat anin nna dai hpe hpya kau mu,’ ngu nna shi hpe n-gun shakang u,” ngu dat wu ai.

2 SAMUELA 2:14

“Shaloi Abna gaw, Shabrang ni rawt nna anhte a man e ginsup dan yu mi ga,” ngu nna Yoab hpe tsun wu ai. Yoab mung, “Rawt mu ga,” ngu wu ai. Yoab mung, “Rawt mu ga,” ngu wu ai.

2 SAMUELA 2:16

Shanhte gaw langai hte langai chyaw chyaw rai nna, kadai mung tinang hte gasat ai wa a kara laji magra nna, shada da a garep galun ai hte nlang hte kalang ta si jawng mat ma ai; dai re ai majaw Gibeon ginwang na shara dai hpe, Helakat-nazurim ngu nna shamying mu ai.

2 SAMUELA 2:25

Ben-yamin masha ni chyawm gaw, Abna a hpang e jahpawng nna, hpung langai sha tai let, kawng e tsap nga ma ai.

2 SAMUELA 2:27

Yoab mung, “Karai Kasang hkrung nga ai hte maren, nang n shadum taw gaw, nhtoi htoi jang she, hpunau ni hpe n shachyut ai nga na ma ai,” nga nna htan let,

YOBA 18:2

“gaten du hkra ga sumtu hkan tam na rai myit ni? Sawn yu mu, dai hpang anhte tsun na ga ai.

YOBA 19:2

“gaten du hkra nye a myit masin hpe sharu nna, ga sumtu hte ngai hpe agrawp kau na myit ta?

SHAKAWN KUNGDAWN 4:2

Kaman lila tsaw nna, masu ai lam tam nga ai masha kasha ni e, Gaten du hkra nye a arawng sadang hpe shanut nga na myit dai kun? [Selah.]

GA SHAGAWP 17:14

Ga law ai npawt gaw, hka shalen dat ai hte bung ai majaw, Garai n ga law yang, htailai ai lam koi kau u.

ESAIA 1:20

Shing n rai, nyet kau let gumlau myit yang gaw, ri nhtu hte si na myit dai,” nga nna Yehowa n-gup nan tsun nga ai.

YEREMIA 12:12

Nam mali na krin ai kawng ni mahkra ntsa e, kashun kashe re ai ni du masai; gaja wa, mung maga mi kaw nna mung maga mi du hkra, Yehowa nhtu hte shaza kau nga ai rai nna, kadai mung ngwipyaw lu ai n rai.

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

YEREMIA 4:21

Ngai gaw gaten du hkra, dawnghkawn hpe mu lu nna, pahtau ngoi ai nsen na lu na rai ta?

YEREMIA 46:10

Kaning rai nme law, dai shani gaw, Zaw nawng zaw wa up ai Madu Yehowa gaw shi e hpyen ai ni hpe matai dawp ai shani rai nga ai: nhtu gaw hkru hkra kawa sha nna, shanhte a sai hpe nang hkra lu na ra ai; Zaw nawng zaw wa up ai Madu Yehowa matu, dingdung mung na Uhprat hka kau e, shagu hkungga nawng ya shara rai nga ai.

YEREMIA 46:14

Nhtu gaw na a grup yin e nga ai ni hpe sha kau ai majaw, rawt tsap nna tinang hkum hpe hkyen mu, ngu nna Egutu mung hta jahtau ai hte Migdola mare hta shi shana ya mu; rai sa, Memhpi mare hte Tahpan mare hta dai shi shana ya mu.

HOSEA 11:6

Tinang a hpaji daw ai lam majaw, nhtu tsin-yam gaw, shanhte a mare ni a ntsa e du nna, mare htinggrang ni hpe agrawp kau ai hte shamyit kau na ra ai.

KASA 7:26

Hpang shani e shada gasat nga ai gaw sa ang hkrup nna, shan hpe je mayu ai majaw, ‘Hkau yan e, hpunau shada she rai yang me, hpa rai shada zingri hkat nga myit ta?’ ngu nna nem wu yang;