2 SAMUELA 2:13 - Jinghpaw Hanson Version Bible

¹³ Zeruia kasha Yoab mung Dawi a ali ama ni hte hkap tau nna, Gibeon hka lawng makau e shanhte hpe hkrum ma ai. Dai hka lawng a hkin-gau ndai hkran wora hkran rai dung nga ma ai.

Jinghpaw Common Language Bible 2009

¹³ Kanu Zeruia a kasha Yoab hte Dawi a du salang ni gaw shanhte hte hka lawng e sa hkrum nga ma ai rai nna hka lawng a maga mi de hpung mi, bai kaga maga mi de hpung mi rai, shanhte yawng dung jawng nga ma ai.

2 SAMUELA 2:13 ပူးပေါင်းရင်းမြစ်များ

2 SAMUELA 2:18

Dai majan hta Zeruia kasha ni masum, Yoab, Abishai, Asahela hte lawm ma ai: Asahela gaw nam shan zawn laram ai wa rai nga ai.

2 SAMUELA 20:23

Yoab gaw Israela hpyen luksuk ni nlang hte up ai jaubu rai nga ai: Yehoiada kasha Benaia gaw Hkrehli hte Pelehti masha ni hpe up ai wa rai nga ai.

2 SAMUELA 20:8

Ya Gibeon makau na lunghtawn du jang, Amasa shanhte hpe sa tau la wu ai. Ya Yoab gaw shi a hpyen hpun palawng sumraw nna, nshang shingkyit hta shi a nhtu n-ga noi da wu ai: shing rai sa wa nga yang, nhtu gaw shi chyu shaw hkrat lu ai.

2 SAMUELA 23:24

Yoab kanau Asahela mung dai share sumshi hta lawm nga ai: kaga ni gaw, Betlehem masha Dodo a kasha Elhanan;

2 SAMUELA 8:16

Zeruia kasha Yoab gaw shi a jaubu kaba rai nga ai. Ahiluda kasha Yehoshahpat gaw labau ka da ai wa rai nga ai:

1 HKAWHKAM 1:7

Shi gaw Zerula kasha Yoab yan hkinjawng Abiahta hte bawng nna, shan gaw Adoniya kaw hkan nang let, shi hpe karum ya mu ai.

1 HKAWHKAM 2:5

Dai hta kaga, Zeruia kasha Yoab ngai hpe galaw ai lam nang chye nga ndai; shi gaw Nira a kasha Abna hte Yehtera kasha Abasa ngu ai, Israela hpyen du lahkawng hpe sat kau nna, hpyen majan n nga timung asai jahkaw kau ai hte, shi a nshang na shingkyit hpe mung, shi a lagaw na kyepdin hpe mung, majan sai shakap wu ai.

1 HKAWHKAM LABAU 11:6

Bai Dawi gaw, Yebusi masha ni hpe shawng dep gasat lu ai wa, agyi hte hpyen du tai na ra ai, nga nna tsun ai majaw, Zeruia kasha Yoab gaw shawng lung wa nna, agyi tai wa sai,

1 HKAWHKAM LABAU 2:16

shanhte a kajan yan gaw, Zeruia hte Abigala rai nga ma ai. Zeruia shadang sha ni gaw, Abishai, Yoba, Asahela hte rai ma ai.

1 HKAWHKAM LABAU 27:7

Shata mali hta na mali ngu na hpyen du wa, Yoab a kanau Asahela hte, shi a kasha Zebadia gaw shi a lawu e rai nga ai: shi a hpung hta marai mun lahkawng hkying mali lawm ma ai.

1 SAMUELA 26:6

Shaloi Dawi gaw, “Ngai hte rau dap de Shawlu kaw, kadai hkan sa na myit ta?” ngu nna Hiti masha Ahimelek yan Zeruia kasha Yoab a kanau Abishai hpe san mu yang, Abishai mahtang, “Ngai hkan nang na nngai,” ngu wu ai.