2 SAMUELA 2:1 - Jinghpaw Hanson Version Bible

¹ Dai hpang Dawi gaw, Yehowa hpe, “Ngai Yuda mare langai ngai de sa wa mai na a ni?” Ngu nna san yu wu ai. Yehowa mung, “Wa su,” nga ai. Bai Dawi gaw, “Gara mare de wa yang mai na a ta?” ngu nna bai san wu yang, “Hebron mare de wa su,” nga ai.

Jinghpaw Common Language Bible 2009

¹ Dai hpang, Dawi gaw dai Madu hpe, “Ngai sa nna Yuda mare langai ngai hpe madu la lu na a ni?,” ngu nna san wu ai. Dai Madu mung, “Rai sa, nang sa lu na ndai,” ngu nna htan wu ai. Dawi gaw, “Gara mare mahtang?,” ngu nna san wu yang, “Hebron,” ngu nna dai Madu tsun wu ai.

2 SAMUELA 2:1 ပူးပေါင်းရင်းမြစ်များ

NINGPAWT NINGHPANG 13:18

Shaloi Abram gaw shi a sum htawt nna, Hebron mare na wamyi hpun tu ai Mamre ngu ai shara a makau e shang nga nga ai: dai yang e mung Yehowa a matu tawn hkungri shi galaw wu ai.

NINGPAWT NINGHPANG 32:2

Yaku mung shi sa ai lam bai sa wa ai rai nna Karai Kasang a lamu kasa ni shi hpe sa tau mu ai.

2 SAMUELA 15:7

Ya mali shi ning lai yang, Absalom gaw hkawhkam wa kaw shang nna, “Na a mayam Suri mung na Geshura mare e naw nga yang, Yehowa hpe ning nga ga shaka da sai; ‘Yehowa ngai hpe Yerusalem de bai woi wa yang gaw, ngai Yehowa hpe jaw jau na nngai,’ ngu se ai.

2 SAMUELA 2:11

Dawi gaw, Yuda amyu hpe up nna Hebron mare e dung nga ai gaw, sanit ning e shata kru rai nga ai.

2 SAMUELA 5:19

Shaloi Dawi Yehowa kaw, “Ngai Hpilisti masha ni hpe sa gasat lu na rai ni? Nang shanhte hpe nye a lata hta ap ya na n ni?” ngu nna san wu ai. Yehowa mung, “Lung wa su; Hpilisti masha ni hpe na a lata de teng teng ap ya na de ai,” ngu nna Dawi hpe htan wu ai.

2 SAMUELA 5:23

Dawi mung bai san yu wu yang, Yehowa gaw, “Man chyaw rai hkum lung et; shanhte a hpang hku wang nna, labri maling tawtap hku shanhte hpe htim u.

1 HKAWHKAM 2:11

Dawi gaw Israela masha ni hpe up hkang ai aten mali shi ning rai nga ai: shi gaw Hebron mare hta e sanit ning, bai, Yerusalem mare hta e sumshi masum ning hkaw dung nga ai.

1 HKAWHKAM LABAU 29:7

Karai Kasang a nta e daw jau na amu matu, aja joi mun manga, ja den-ga mun mi, gumhpraw joi sen mi, magri joi mun me hkying matsat, hpri joi sen mi, sak jaw mu ai.

2 HKAWHKAM LABAU 11:10

Zora, Aialon Hebron hpe de da wu ai; dai mare ni gaw Yuda hte Ben-yamin ginwang hta bunghku kum ai mare ni rai nga ai.

SHAKAWN KUNGDAWN 143:8

Nang hpe ngai shamyet shanat nga nngai majaw, Jahpawt manap e, na a chyeju ngai hpe shana ya e. Nang kaw nye a myit masin hpe ngai sharawt nga nngai majaw, Ngai sa wa ai lam ngai hpe sharin ya e.

SHAKAWN KUNGDAWN 27:4

Lam langai mi ngai Yehowa hpe hpyi se ai: Ngai ahkrung nga ai nhtoi hte ting, Yehowa a nta hta nga nga lu nna, Yehowa a tsawm pra ai mu lu na hte, Shi a Htingnu e myit htang nga na, ngai ra nga nngai.

EZEKELA 36:37

“Madu Yehowa ning nga ai: Israela masha ni a tawngban ai ga hpe, ngai lang mi naw madat na nngai; ngai shanhte a masha ni hpe sagu zawn shalaw jahtam na nngai.

BU HKAWM 13:22

Shing rai shanhte dingda maga hku jawt hkawm wa nna, Hebron mare de du ma ai; dai yang e Anak a kashu kasha Ahiman, Sheshai, Talmai ni nga ma ai: Hebron mare chyawm gaw, Egutu mung na Zoan mare garai n de yang sanit ning a shawng e de sai rai nga ai.

BU HKAWM 27:21

Dai wa hkinjawng Eleaza a man e sa tsap jang, hkinjawng wa gaw shi a matu Yehowa a man e ra ai lam hpe Urim hte san ya na rai wu ai: dai wa a hpajang ai hte maren Israela kashu kasha ni hpung nlang hte gaw, shi hte rau pru wa shang wa rai na rai ma ai,” ngu wu ai.

YAWSHU 15:13

Yehowa, Yawshu hpe hkang da ai hte maren, shi gaw Yuda kashu kasha ni hta, Yehpuna a kasha Hkaleb a matu Hebron ngu ai Anak a kawa Arba a mare jaw kau wu ai.

TARA AGYI 1:1

Ya Yawshu si mat ai hpang, Israela kashu kasha ni gaw Yehowa hpe, “Hkanani masha ni hpe sa gasat na, anhte hpe kadai mahtang woi shawng na rai ta?” ngu nna san mu ai.

1 SAMUELA 10:22

Dai re ai majaw shanhte, “Dai wa nang de n sa a ni?” Ngu nna Yehowa hpe naw san mu yang, Yehowa gaw, “Yu mu, shi, arai ni a kata e makoi nga ai,” ngu nna tsun dan wu ai.

1 SAMUELA 23:2

Dai re ai majaw Dawi gaw, “Ngai wora Hpilisti masha ni hpe sa gasat na rai ni?” Ngu nna Yehowa hpe san wu ai. Yehowa mung, “Sa su, Hpilisti masha ni hpe sa gasat kau nna Kila mare hpe hkye la su,” ngu nna Dawi hpe htan ya wu ai.

1 SAMUELA 23:4

Dai rai nna, Dawi gaw Yehowa hpe bai san wu ai. Yehowa chyawm gaw, “Rawt u, Kila mare de yu wa su; Hpilisti masha ni hpe na a lata hta ngai ap ya na ring ngai,” nga ai.

1 SAMUELA 30:31

Hebron mare ni hte, Dawi shi hkum hte shi a masha ni shingbyi nga ga ai kahtawng mare shagu de jaw dat wu ai.