2 SAMUELA 19:9 - Jinghpaw Hanson Version Bible

⁹ Israela amyu lakung yawng hte gaw, Hkawhkam wa anhte hpe masha hpyen ni yawng hte, Hpilisti masha ni a lata na hkye tawn ma ni ai: ya shi gaw Absalom a majaw sha mungdan na hprawng hkawm nga ai.

Jinghpaw Common Language Bible 2009

⁹ Shanhte gaw mungdan ting hta shada da a lapran e ga li ga law nga nna, “Hkawhkam Dawi gaw anhte hpe gumlau hpyen ni a lata kaw nna hkye la mani ai. Hpilisti masha ni a lata kaw na mung anhte hpe hkye la mani ai, rai ti mung ya chyawm gaw Absalom a majaw mungdan kaw nna hprawng hkawm nga ai.

2 SAMUELA 19:9 ပူးပေါင်းရင်းမြစ်များ

2 SAMUELA 15:14

Dai majaw Dawi gaw, Yerusalem mare e shi hte rau nga ai ali ama ni mahkra hpe, “Rawt mu, anhte hprawng ga: shing n rai yang, kadai mung Absalom hpe lawt lu na n rai; alawan pru saga; dai n rai yang, shi anhte hpe dep rau nna, anhte hpe sa sat ai hte mare hpe mung nhtu hte hpya kau na maru ai,” ngu wu ai.

2 SAMUELA 18:17

Shanhte Absalom a mang hpe dai maling na nhkun kaba hta jahkrat ban nhtawm, nlung sumpum kaba sumpum da mu ai: Israela masha ni nlang hte mung, tinang nang a nta de hprawng wa ma ai.

2 SAMUELA 19:10

Anhte namman jaw nna Absalom hpe shadun ai mung, majan e si mat sai. Ya mung hkawhkam wa hpe sa woi la na n bawng ai, hpa rai nga nga myit ta? nga nna shada nawng hkat nga ma ai.

2 SAMUELA 19:40

Ya hkawhkam wa Gilgala mare de du nna, Hkimham mung shi kaw hkan nang nga ai. Ya Yuda amyu masha ni mahkra hte, Israela amyu masha chyen mi sha hkawhkam wa hpe woi ma ai.

2 SAMUELA 22:44

Nye amyu masha ni a ru hka lam hta na, nang ngai hpe shalawt ni ai; Masha amyu ni a agyi tai na, nang ngai hpe san da nit dai: Ngai n chye ai amyu gaw ngai kaw yamnga ma ai.

2 SAMUELA 5:20

Shaloi Dawi gaw Bala-perazim shara e du nna, shanhte hpe hkap sat kau dat mu ai: dai rai nna shi gaw, “Hka mawru hte shaza kau ai zawn, nye a hpyen ni hpe Yehowa nye a man na agrawp kau ya ni ai,” ngu nna, dai shara hpe, Bala-perazim shamying wu ai.

SHAKAWN KUNGDAWN 18:43

Dai amyu a ru hka hta na, nang ngai hpe shalawt la nna, Masha amyu ni a bawmung tai u ga, nang ngai hpe tawn da ni ai. Ngai n chye ai amyu gaw, nye a amu galaw nga ai.

PRU MAT 32:24

ngai mung, Ja lu ai wa kadai mung, raw mu ga, ngu mawe ai: dai hte maren shanhte ngai kaw ja la sa nna, dai hpe wan hta ngai bang we yang, ndai dumsu kasha pru wa ai,” ngu nna htan wu ai.

1 SAMUELA 17:50

Shing rai Dawi gaw lakli hte nlung langai mi e sha, dai Hpilisti wa hpe dang kau nna shi e sat kau wu ai: Dawi a lata hta nhtu n lang lu ai.

1 SAMUELA 18:25

Bai Shawlu gaw, “Ning ngu Dawi hpe bai tsun mu: Hkawhkam wa shi a hpyen ni hta masin jasat lu hkra, Hpilisti masha ni a hpyi matu latsa hta kaga, hpu ja shaje n ra ai da,” ngu nna tsun dat wu ai. Dai gaw, Dawi hpe Hpilisti masha ni a lata hta si u ga, nga nna Shawlu myit ai rai nga ai.

1 SAMUELA 19:5

shi a asak pyi n lahpawt hkra, Hpilisti wa hpe sat kau nna Yehowa Israela amyu ting a matu hkye hkrang la ai lam kaba Hpaw ya ma ni ai: nang mu nna kabu nit dai: dai rai yang, mara kata ai, Dawi hpe sat nna, mara n rawng ai sai hpa majaw hkaw kau na rai ta?” ngu nna kawa Shawlu hpe tsun wu ai.