2 SAMUELA 18:9 - Jinghpaw Hanson Version Bible

⁹ Absalom mung Dawi a ali ama ni hte hkrum kadup wu ai. Shi gaw shi a lawze hpe jawn wu ai rai nna, dai lawze gaw wamyi hpun kaba langai mi a lakung lakying ni a npu hku gat gale mat wa ai majaw, dai wamyi hpun hta Absalom a baw chyat mat nna, ga de n hkap ai noi goi wat nga ai: lawze gaw shi chyu lai mat wa ai.

Jinghpaw Common Language Bible 2009

⁹ Absalom mung Dawi a masha ni hte akajawng sha hkrum kadup wu ai. Absalom gaw lawze jawn wu ai rai nna wamyi hpun kaba npu hku lai sa mat wa yang, shi a baw hpun lakung lakying ni hta wa dau mat wu ai. Shaloi lawze gaw gat gumtawng mat wa ai rai nna Absalom mung lapran hpatwat e noi goi wat nga ai.

2 SAMUELA 18:9 ပူးပေါင်းရင်းမြစ်များ

2 SAMUELA 13:29

Absalom a ali ama ni mung shi hkang da ai hte maren Amnon hpe sat kau mu ai. Shaloi hkawhkam a kasha ni nlang hte gaw rawt nna, langai hte langai tinang lawze jawn let hprawng wa ma ai.

2 SAMUELA 14:26

Shi a njaw li ai majaw shaning shagu kara daw kau nna, shaning shagu na kara gaw, hkawhkam shen ai shekela hku rai yang, shekela ni tsa dang li lu ai.

2 SAMUELA 17:23

Ahihtohpela chyawm gaw, shi daw ya ai hpaji hku n hkan ai mu jang, shi a lawze byau nna, shi nga ai mare, shi a nta de wa nhtawm, dinghku amu hpajang da ngut jang, shi dai dau si mat ai; shi kawa lup hta e, shi hpe makoi mayang di mu ai.

2 SAMUELA 18:10

Marai langai mi dai mu nna, Yoab hpang de sa nhtawm, Absalom gaw wamyi hpun hta noi nga ai ngai mu da se ai, ngu nna tsun dan wu ai.

2 SAMUELA 18:14

Yoab chyawm gaw, Ngai na ga galoi n madat rau ni ai, nga nna tsun let, nri namkyap masum magra lang nna, wamyi hpun npu e naw hkrung nga ai Absalom a masin hpe galun htinggrang ya wu ai.

2 SAMUELA 18:8

Mung ting dumbru dumbra rai gasat nna, dai shani e ri nhtu hte si ai hta, maling na nhkun nhkaw hkan e hkala si ai mahtang grau law ma ai.

YOBA 31:3

N hkru n hkra ai ni hpe, zingri zingrat jahkrum na hte, n shawp ai amu galaw ai ni hpe, ana zinli gam jaw na n rai ni?

GA SHAGAWP 20:20

Kanu kawa hpe dagam ai wa gaw, Shi a pyengdin, htat ai nsin hta si mat na lu ai.

GA SHAGAWP 30:17

Tinang a kawa hpe asawng nna, Kanu a ga n kaw madat ai wa a myi hpe, Hkaraw na u hka ni malawk kau ya nna, Langda hkalung ni sha kau na mara ai.

YEREMIA 48:44

Hkrit kajawng ai hta na hprawng lawt ai wa gaw nhkun hta hkrat na ra ai; nhkun hta na lawt pru ai wa gaw, mahkam hta lu na ra ai: kaning rai nme law, ngai gaw, Moba hpe ari nhpri jaw na shaning aten shapraw na nngai, nga nna Yehowa tsun ai.

MAHTE 27:5

Shaloi dai gumhpraw hpe, nawku Htingnu hta e shi kabai tawn da nna, pru mat wa nhtawm, shi dai nan dau si mat ai.

MARKU 7:10

Kaning rai nme law, “Na nnu nwa hpe hkungga lara di u; bai, Kanu kawa hpe n kaja ai ga tsun ai wa gaw, teng teng si u ga, nga nna Mawshe tsun nga timung, nanhte gaw,

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

TARA JAHPRANG 21:23

na a Karai Kasang Yehowa nang hpe sali wunli jaw ai mungdan awu asin n hkrum na matu, dai wa a si mang hpe dai shani jang, ga hta teng teng lup kau na rai ndai; hpun hta shana tup noi da lu na n rai: kaning rai nme law, noi kau hkrum ai wa gaw, Karai Kasang kaw na dagam dala hkrum ai wa rai nga ai.

TARA JAHPRANG 27:16

“Kanu kawa hpe roi ai wa gaw dingnye hkrum u ga le,” nga nna dagam yang, amyu masha ni nlang hte gaw, “Amen,” ngu nna htan na rai ma ai.

TARA JAHPRANG 27:20

Kawa hte sha seng ai kawa madu jan hte nga sha ai wa gaw dingnye hkrum u ga le, nga nna dagam yang, amyu masha ni nlang hte gaw, Amen ngu nna htan na rai ma ai.