2 SAMUELA 17:8 - Jinghpaw Hanson Version Bible

⁸ nang chye ai hte maren na nwa hte shi a masha ni gaw lapyin rawng ai share hkrai rai ma ai; dai hta ya grau nna, nam e kasha magra ai tsap kanu zawn n-yun bu ai myit rawng nga ma ai; na nwa mung share rai nna, masha ni hte rau n yup ga ai.

Jinghpaw Common Language Bible 2009

⁸ Na nwa Dawi hte shi a masha ni gaw ja ja share shagan ai hte htim gasat ai ni rai nna, tsap kanu gaw shi a kasha ni hpe magra amya ai zawn shanhte rai ma ai. Na a nwa gaw mahkrum madup law sai hpyenla rai nga ai majaw shana e shi a masha ni hte rau hkring nga na wu ai n rai.

2 SAMUELA 17:8 ပူးပေါင်းရင်းမြစ်များ

2 SAMUELA 15:18

Shi a ali ama ni nlang bawp let hkan nang nga ma ai Hkrehti hte Pelehti masha ni mung, Gat mare na Giti masha marai kru tsa hte mung, hkawhkam wa a shawng e sa wa nga ma ai.

2 SAMUELA 17:9

Ya gaw ginlawng hku langai ngai hte, shing n rai shara me, makoi nga a dawng re ai; dai rai yang, shawng sa wa ai, na masha nkau mi kadawng jang, dai shi na ai wa gaw, Absalom kaw hkan nang ai ni sum mat masai, nga nna kajai na mara ai.

2 SAMUELA 23:16

Dai rai nna, dai share masum gaw Hpilisti masha ni a dap hpya nna, Betlehem chyinghka makau na hka htung ntsin ja wa nhtawm, Dawi hpang de la wa ma ai: shi chyawm gaw n lu hkraw ai sha, Yehowa a man e ru kau let,

2 SAMUELA 23:18

Bai Zeruia kasha, Yoab a kanau Abishai gaw, dai share masum hta na ningtawn ningla rai nga ai. Dai wa gaw, masha masum tsa hpe ri hte sat kau lu ai majaw, dai masum hta lawm nga ai.

2 HKAWHKAM 2:24

Shi mahtang kayin yu nna, shanhte hpe mada yu let, Yehowa a amying hte dagam kau mu ai. Shing rai tsap yi lahkawng, maling de na pru nna ma mali shi lahkawng hpe kawa sat kau mu ai.

GA SHAGAWP 17:12

Angawk ai amu galaw let, angawk ai wa hte hkrum na hta, Kasha mat ai tsap kanu hte hkrum na, grau mai nga ai.

GA SHAGAWP 28:15

Matsan mayan ni ntsa e up ai, tara n lang ai du wa gaw, Shabam ai hkanghkyi hte nwan hkawm ai tsap rai nga ai.

EZEKELA 19:2

Na nnu kadai rai ta? Hkanghkyi kanu rai nga ai: shi gaw hkanghkyi hpung hta hpum nga ai; hkanghkyi hkalung ni hta, tinang a kasha ni hpe kaba wa shangun wu ai.

Daniela 7:5

Bai, yu u, lahkawng ngu na dusat gaw, tsap hte bung nga ai: dai gaw maga mi de shi hkum hpe sharawt nna, garep nra masum, de a n-gup hta mahkang nga ai: shanhte gaw, Rawt u, ashan law law kawa sha u, ngu nna dai dusat hpe tsun mu ai.

HOSEA 13:8

Kasha mat ai tsap kanu zawn, ngai shanhte hpe hkap shadang nna, shanhte a myit masin a sap sanap ashep kau na nngai: ngai gaw dai yang e hkanghkyi yi zawn shanhte hpe kawa sha kau na nngai; matse labye ni shanhte hpe amya sha kau na mara ai.”

TARA AGYI 18:25

Bai Dan amyu masha ni gaw, “Anhte hpe hkum hkan shaga; loi hkring masin gadun ai ni nanhte hpe nhtang tai nna, nang hte na nta masha ni a asak jawm e sum na marin dai,

1 SAMUELA 16:18

Shaloi shabrang langai mi tsun ai gaw, “Betlehem masha Yese a kasha langai mi gaw ngai mu yu se ai; dai wa gaw tingse dum shapyaw chye ai hte, nden ja nna majan gasat kung ai wa, mungga hpaji rawng nna ahpraw tsawm ai wa rai nga ai; Yehowa mung shi hte rau nga nga ai;” ngu nna tsun dan wu ai.

1 SAMUELA 17:50

Shing rai Dawi gaw lakli hte nlung langai mi e sha, dai Hpilisti wa hpe dang kau nna shi e sat kau wu ai: Dawi a lata hta nhtu n lang lu ai.

1 SAMUELA 23:23

Dai re ai majaw, shi makoi nga ai shara ni yawng hpe achyoi sha tam yu ngut jang she, ngai hpang de bai sa marit; shaloi ngai gaja wa nanhte hte rau pru sa na nngai; shi dai ga hkan e nga taw gaw, Yuda amyu hkying mun a kata na, ngai shi hpe tam shaw la na nngai,” ngu dat mu ai.