2 SAMUELA 17:10 - Jinghpaw Hanson Version Bible

¹⁰ Shaloi hkanghkyi masin zawn nden ja ai myit rawng ai ni pyi minla byaw mat na mara ai; kaning rai nme law, na nwa nden ja ai share rai nga ai mung, shi kaw na masha ni yawng, nden ja ai wa-ngan hkrai rai nga ai mung, shi kaw na masha ni yawng, nden ja ai wa-ngan hkrai rai nga ai mung, Israela masha ni nlang chye ma ai.

Jinghpaw Common Language Bible 2009

¹⁰ Na nwa gaw hpyen majan hta share shagan ai hpyenla kaba rai nga ai, shi a hpyenla ni mung ja ja htim gasat ai ni rai nga ma ai hpe Israela amyu masha shagu chye da nga ma ai majaw hkanghkyi ni zawn hkrit myit n rawng ai share shagan htum ai masha ni pyi hkrit nga ma ai.

2 SAMUELA 17:10 ပူးပေါင်းရင်းမြစ်များ

NINGPAWT NINGHPANG 49:9

Yuda gaw hkanghkyi hkalung rai nga ai: Ngai sha e, htim sha ai kaw na nang lung wa wa rai ndai: Hkanghkyi hte hkanghkyi kanu zawn, shi hpum let gyem nga ai: shi hpe kadai wa shatu gwi na a ta?

2 SAMUELA 1:23

Shawlu yan Yonahtan, hkrung nga dingsa tsawra nja, Si wa sai mung n daw n hka; Shan gaw, wa hpai kalang hta grau laram, Hkanghkyi hta n-gun grau ningtsam rai ma ai.

2 SAMUELA 17:9

Ya gaw ginlawng hku langai ngai hte, shing n rai shara me, makoi nga a dawng re ai; dai rai yang, shawng sa wa ai, na masha nkau mi kadawng jang, dai shi na ai wa gaw, Absalom kaw hkan nang ai ni sum mat masai, nga nna kajai na mara ai.

2 SAMUELA 23:20

Bai Kabazela mare kaw na, share re ai Yehoiada kasha Benaia mung lawm nga ai; dai wa galaw ai magam amu kaba gaw Moba masha Ariela a shadang sha lahkawng hpe sat kau wu ai: hkyen htat ai nshung ta aten e, nhkun de shang nna hkanghkyi hpe sat kau wu ai.

SHAKAWN KUNGDAWN 89:19

Kalang mi hta shingran hte nang tsun nna, Kamsham ai ni hpe tsun ndai gaw: “Share wa langai mi hpe ngai shadaw se ai, Dai amyu hta na shabrang wa hpe shagrau da se ai:

PRU MAT 15:15

Dai shaloi Edom du ni mau mahka nga ma ai, Moba share ni hkrit gari hkrum nga ma ai: Hkanan masha ni nlang minla byaw mat masai.

GA SHAGAWP 28:1

Tara n lang ai wa gaw, shachyut ai wa n nga timung, hprawng nga ai; Dinghpring ai ni chyawm gaw, hkanghkyi zawn nden ja nga ai.

Shawlumon A Mahkawn Ga 3:7

Yu mu, dai gaw Shawlumon a krau rai nga ai; Israela share ninghkrin ni hta na, Share kru shi, de a grup yin e, sin nga ma ai.

ESAIA 13:7

Dai re ai majaw, lata yawng kya noi mat nna, minla shagu byaw mat na ra ai:

ESAIA 19:1

Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

EZEKELA 21:15

masha hpe sat na matu grai dai nga ai; myihprap zawn gala nna kabrim nga ai; dai rai yang, ngai Sha a hkawhkam sumdoi majaw, kabu mai na rai ni? dai nhtu gaw hpun yawng hpe hpa n nawn nga ai.

TARA JAHPRANG 1:28

Anhte gade wa lung wa na i? anhte a hpunau ni mung, Dai mung na masha ni gaw, anhte hta grau kaba ma ai, shing-yan mung grau galu ma ai; mare ni mung kaba ai hte, bunghku ni gaw lamu dep malu ai; dai hta kaga, dai mung hta e Anakim amyu masha ni hpe anhte mu gaw ai, nga nna anhte hpe minla byaw shangun ma ni ai,’ nga nna nanhte gaw tinang a sum ni hta aput myit dai.

HEBRE 11:34

wan nsa hpe sat kau lu ma ai, ri nhtu hta na lawt lu ma ai, gawng kya ai shani e n-gun shaja ya ai lu la ma ai, majan shani e share lu ma ai hte masha tsasam ni a luksuk ni hpe jahtaw kau lu ma ai.

1 SAMUELA 16:18

Shaloi shabrang langai mi tsun ai gaw, “Betlehem masha Yese a kasha langai mi gaw ngai mu yu se ai; dai wa gaw tingse dum shapyaw chye ai hte, nden ja nna majan gasat kung ai wa, mungga hpaji rawng nna ahpraw tsawm ai wa rai nga ai; Yehowa mung shi hte rau nga nga ai;” ngu nna tsun dan wu ai.

1 SAMUELA 18:17

Bai Shawlu Dawi hpe, “Nye a shayi sha kaba Merab hpe yu yu u; nang hpe ya sha na de ai: nye a matu nden ja ai hte Yehowa majan gasat nga u,” ngu wu ai: dai gaw, “Nye a lata e nan shi hpe n hkra n ga; Hpilisti masha ni a lata e she si u ga,” nga nna Shawlu myit ai rai lu ai.