2 SAMUELA 15:1 - Jinghpaw Hanson Version Bible

¹ Dai hpang e Absalom gaw leng hte gumra mazing tawn nna, shi a shawng e gat na masha marai manga shi san tawn wu ai.

Jinghpaw Common Language Bible 2009

¹ Dai hpang Absalom gaw shi a matu leng langai hte gumra ni hpe lajang tawn nhtawm shi a shawng e gat na masha marai manga shi san tawn da wu ai.

2 SAMUELA 15:1 ပူးပေါင်းရင်းမြစ်များ

2 SAMUELA 12:11

Yehowa tsun ai gaw, ‘Yu u, nang hpe hpyen na masha gaw, na a kashu kasha ni hta na ngai shapraw na we ai: na a man e na a madu jan ni hpe ngai la kau nna, na a htingbu wa hpe ap ya na se ai; shi gaw shani chyingtung e nan na madu jan ni hte nga sha dan na ra ai.

1 HKAWHKAM 1:33

Shaloi hkawhkam wa gaw, “Nanhte a madu a ali ama ni hpe shaga la nhtawm, ngai sha Shawlumon hpe ngai jawn ai lawze hta jawn shangun nna, Gihon shara de soi yu wa mu:

1 HKAWHKAM 1:5

Ya Hagit a kasha Adoniya gaw shi hkum hpe shagrau nna, “Ngai hkawhkam tai na nngai,” nga nna tsun nhtawm, hpyen leng mung, gumra jawn ai ni mung, shi a man e gat hkawm na marai manga shi hpe mung, san tawn da mu ai.

SHAKAWN KUNGDAWN 20:7

Nkau mi gaw leng hta, nkau mi gaw gumra hta gumrawng nga ma ai; Anhte chyawm gaw, anhte a Karai Kasang a amying nsang hpe dum nga ga ai.

GA SHAGAWP 11:2

Gumrawng gumtawng yang, kaya kahpa pru; Myit shagrit ai ni, hpaji byeng-ya lu.

GA SHAGAWP 16:18

Gumrawng gumtawng ai gaw, hten byak ai a shawng e, Myit kaba ai gaw, kadawng mat ai a shawng e, rai nga ai.

GA SHAGAWP 17:19

Gasat gala hpe tsawra ai wa gaw, tawt lai ai hpe mung tsawra ai; Tinang chyinghka hpe shatsaw ai wa gaw, hten byak ai hpe hkan tam nga ai.

TARA JAHPRANG 17:16

Rai timung, dai hkawhkam wa gaw gumra rem mai ai n rai; gumra law law lu la hkra nga, mung masha ni hpe Egutu mung de nhtang shangun lu na n rai: kaning rai nme law, “Dai lam de nanhte galoi mung nhtang lu na myit dai n rai,” nga nna Yehowa nanhte hpe tsun sai.

1 SAMUELA 8:11

Shi gaw, “Nanhte a ntsa e up na Hkawhkam wa htung hking gaw ndai rai na ra ai: shi nanhte a shadang sha ni hpe shaga la nna, shi a leng ni, shi a gumra ni hta jawn ai amu madun tawn nhtawm, shi a leng ni a shawng de shanhte gat lu na rai mu ai;