2 SAMUELA 14:4 - Jinghpaw Hanson Version Bible

⁴ Dai numsha mung hkawhkam wa man de shang nna, ga e dingnyawm dagup let, “Hkawhkam wa e, Hkye la rit law,” ngu nna shi hpe nawku wu ai.

Jinghpaw Common Language Bible 2009

⁴ Dai numsha mung hkawhkam wa kaw shang nna ga de dingnyawm dagup let hkungga jaw nna, “Nye a hkawhkam wa e, ngai hpe karum la e law!,” ngu nna tsun wu ai.

2 SAMUELA 14:4 ပူးပေါင်းရင်းမြစ်များ

2 SAMUELA 1:2

masum ya ngu na shani hta, masha langai wa mi tinang a palawng gang je kau let, shi a baw e ga nhpu hte bun let, Shawlu a dap na wa nna, Dawi hpang de du jang, ga e dingnyawm dagup nawku nga ai.

2 SAMUELA 14:22

Dai rai nna Yoab gaw ga e dingnyawm dagup let hkawhkam wa hpe shakawn wu ai gaw, “Nye a madu hkawhkam wa e, nang na a mayam a hpyi ai lam hte maren galaw ya ndai majaw, ngai na a man e myi man pa ai gaw, dai ni ngai chye se ai,” ngu wu ai.

2 SAMUELA 14:5

Hkawhkam wa mung, “Hpa amu rawng n ta? “ngu nna san wu yang, numsha gaw, “Na mayam jan madu wa si mat ai gaida rai nga nngai.

2 SAMUELA 18:28

Ya Ahima gaw jahtau nna, Dang saga ai, hkawhkam wa hpe tsun wu ai. Bai hkawhkam wa a man e dingnyawm dagup let, Nye madu hkawhkam wa hpe gumlau ai ni hpe ap ya ai na a Karai Kasang Yehowa gaw a nga u ga law, ngu nna tsun wu ai.

1 SAMUELA 20:41

Ma dai wa mat ai hpang, Dawi gaw dingda maga de na pru nna, ga e gum dagup let, masum lang du hkra dagup nna, shada pup let, hkrap let, Dawi mahtang grau nna hkrap lai wu ai.

1 SAMUELA 25:23

Ya Abigela Dawi hpe mu jang, lawze dinghkung na alawan yu wa nhtawm, Dawi a man e ga de dingnyawm dagup nga ai.