2 SAMUELA 14:21 - Jinghpaw Hanson Version Bible

²¹ Shaloi hkawhkam wa gaw Yoab hpe, “Yu u, dai amu ngai hpajang ngut se ai; shabrang wa Absalom hpe sa shaga la su,” ngu dat wu ai.

Jinghpaw Common Language Bible 2009

²¹ Dai hpang hkawhkam wa gaw Yoab hpe, “Nang ra ai hku galaw na matu ngai daw dan da se ai. Dai shabrang wa Absalom hpe sa shaga la nna ndai de woi wa mi,” ngu nna tsun wu ai.

2 SAMUELA 14:21 ပူးပေါင်းရင်းမြစ်များ

2 SAMUELA 14:11

Bai dai numsha gaw, “Ngai sha hpe n sat ya lu mu ga, htawm hpang de matai htang na wa kadai mung matai n htang lu na, ngu nna na a Karai Kasang Yehowa hpe dum u ga,” ngu wu ai. Shaloi Dawi gaw, “Yehowa hkrung nga ai hte maren, na nsha a kara singgawng langai mi muk ga de hkrat lu na n rai,” ngu nna tsun wu ai.

2 SAMUELA 14:22

Dai rai nna Yoab gaw ga e dingnyawm dagup let hkawhkam wa hpe shakawn wu ai gaw, “Nye a madu hkawhkam wa e, nang na a mayam a hpyi ai lam hte maren galaw ya ndai majaw, ngai na a man e myi man pa ai gaw, dai ni ngai chye se ai,” ngu wu ai.

MARKU 6:26

Dai hkawhkam chyawm gaw ja ja myit yawn nga timung, dai dagam kau ai ga hte, rau dung rau hpawng nga ai ni a majaw, shi hpe ndang kau mayu ai n rai.

1 SAMUELA 14:39

Israela hpe hkye hkrang la ai Yehowa nga nga ai hte maren, ngai sha Yonahtan hta ang timung, teng teng si lu na rai nga ai,” ngu wu ai. Dai hpe kadai mung n htan wam mu ai.