2 SAMUELA 13:4 - Jinghpaw Hanson Version Bible

⁴ Dai wa gaw Amnon hpe, “Nang hkawhkam a kasha rai da nhtawm e, hpa rai lani hte lani lasi wa nga n ta? Ngai e n tsun dan mayu n ni?” ngu nna san wu yang, Amnon gaw, “Ngai nau Absalom a kajan Tama hpe ra da we ai,” ngu nna tsun dan wu ai.

Jinghpaw Common Language Bible 2009

⁴ Yonadab gaw Amnon hpe, “Ya, nang gaw hkawhkam wa a kasha rai nga ndai; ti mung lani hte lani nang hta myit n pyaw hpa lam nga nga ai hpe ngai mu nngai. Dai gaw hpa majaw rai nga a ta?,” ngu nna tsun wu ai. Shi gaw, “Nye a kanau Absalom a kajan Tama hpe ngai tsaw ra nga nngai,” ngu nna htan wu ai.

2 SAMUELA 13:4 ပူးပေါင်းရင်းမြစ်များ

2 SAMUELA 13:3

Rai timung Amnon gaw jinghku langai mi lu da wu ai; dai wa gaw, Dawi a kahpu Shimea kasha Yonadab rai nga ai; Yonadab gaw azai grai chye ai wa rai nga ai.

2 SAMUELA 13:5

Bai Yonadab gaw, “Yup ku hta taw nga nna machyi masu u law; shing rai na nwa kawan yu sa yang, ‘Ngai jan Tama sa nna, galaw jaw shangun ya e; shi shadu ai shat ngai mu nna shi a lata na ngai sha lu hkra, nye a man e sa shadu na ahkang jaw e,’ ngu nna na nwa hpe hpyi u law,” ngu nna sharin da wu ai.

1 HKAWHKAM 21:5

Dai re ai majaw shi a madu jan Yezebela gaw shi kaw sa du nna, “Nang shat n sha hkra, hpa rai myit ru nga n ta?” ngu nna shi hpe san wu ai.

1 HKAWHKAM 21:7

Dai rai nna shi a madu jan Yezebela gaw, “Nang Israela mungdan hpe up nga ai n rai ni? rawt u, shat sha nna pyaw pyaw nga u: ngai mahtang Yezrela masha Nabot a tsabyi sun nang hpe sak jaw na de ai,” ngu nna shi hpe tsun shalan wu ai.

ESAIA 3:9

Shanhte a myi man nsam, shanhte a lam sakse hkam nga ai; shanhte gaw tinang a yubak hpe Sodom masha ni zawn dan dan galaw nna, makoi magap ma ai n rai; shanhte gaw tinang hkum hpe shaza kau ma ai majaw, tinang a myit masin dingnye hkrum mu ga.

YEREMIA 8:12

Shanhte gaw matsat shabat amu galaw nhtawm, kaya nga ma ni? gaja wa, n kaya nga ma ai, myi man mung n sum ma ai; dai rai nna shanhte gaw kataw ai ni hte rau, kataw na mara ai; ngai shanhte hpe kawan katsan ai aten e, shanhte jahkrat kau ai hkrum na mara ai,” nga nna Yehowa tsun ai.

JAW JAU 18:9

Tinang a chyu rum kajan hpe rai timung, kaga kawa shing n rai kaga kanu kaw na kajan hpe rai timung, na a kajan daw ai hpe kahtep lu na n rai.

JAW JAU 20:17

Masha langai ngai tinang a kawa a shayi sha, shing n rai tinang a kanu a shayi sha ngu ai tinang kajan hte jaiwawng wawng ai rai yang, dai gaw kaya kahpa lam rai nga ai majaw, shan gaw tinang a amyu masha ni a man na sumri dan kau ya ai hkrum lu na rai mu ai: kayung kajan jaiwawng wawng ai majaw tinang yubak hkrum sha lu na rai ma ai.

MIHKA 7:3

N hkru n hkra ai amu galaw na, shanhte a lata tsam mari shakut ma ai: du wa gaw kumhpa hpyi nga ai; tara agyi wa gaw, mayun kumhpa sha nga ai; aya kaba lu ai wa gaw, shi myit magaw ai lam shapraw dan nga ai: shing rai shanhte gaw myit langai sha hte galaw ma ai.

LUKA 12:32

Sagu hpung kaji e, hkum hkrit et; dai mungdan nanhte hpe jaw na, nanhte a Kawa myit sharawng nga ai.