2 SAMUELA 13:18 - Jinghpaw Hanson Version Bible

¹⁸ Shing rai hkawnsek rai nga ai hta, hkawhkam shayi sha ni bu hpun ga ai hte maren, lak lai nna ka sawm ai hpun palawng galu bu hpun ai Tama hpe, shangun ma e sha gawt shapraw nna, shi a hpang e chyinghka htinggrang kau wu ai.

Jinghpaw Common Language Bible 2009

¹⁸ Dai shangun ma wa mung dai numsha hpe gawt shapraw kau nhtawm chyinghka htinggrang kau wu ai. Shaloi Tama gaw dai prat na num garai n wa ai hkawhkam shayi sha langai bu hpun ga ai dai maka ka shatsawm da ai hpun palawng galu hpun da nga ai.

2 SAMUELA 13:18 ပူးပေါင်းရင်းမြစ်များ

NINGPAWT NINGHPANG 37:23

Ya Yawsep kahpu ni kaw sa du jang, shi hpun nga ai, dai reng ai palawng galu shanhte raw la kau ya nhtawm,

NINGPAWT NINGHPANG 37:3

Ya Israela gaw shi asak kaba sayang she, kasha Yawsep a myi man mu lu wu ai majaw, shi a kasha kaga ni mahkra hta shi hpe grau tsawra wu ai; shi a matu reng ai palawng galu mung shi chywi ya wu ai.

NINGPAWT NINGHPANG 37:32

Dai hpang shanhte gaw dai reng ai palawng galu shagun dat nna kawa hpang de la wa nhtawm, Ndai anhte mu gaw ai; na nsha a palawng re ai n re ai yu yu u, ngu nna tsun mu ai.

2 SAMUELA 13:17

shi a shangun ma langai mi shaga la nna, “Num dai hpe gawt shapraw nhtawm, chyinghka htinggrang kau u,” ngu wu ai.

TARA AGYI 3:23

Shaloi Ehud gaw shinggan jan de pru nhtawm, dai ntsa gawk chyinghka ni hpe la nna, htinggrang kau da wu ai.

TARA AGYI 5:30

‘Shanhte lu la ai lanep karan nga ma ai n rai ni? Hpyen ma ni hpe mahkawn langai hpra lahkawng hpra, Sisera matu, jaw shatsawm ai sumpan, Jaw nna maka ka ai hpun palawng; Ninglaw wa ai wa a du hta mawn ya na matu, jaw nna maga lahkawng maka ka ai hpun palawng, karan nga ma ai n rai ni?’ nga ma ai.