2 SAMUELA 10:6 - Jinghpaw Hanson Version Bible

⁶ Shing rai Ammon a kashu kasha ni gaw, Dawi a man e matsat shabat rai nga ai lam shanhte dum chye la yang shanhte masha shangun dat nna, Bet–rehoba mare na Suri masha ni hte, Zoba mare na Suri masha mun lahkawng, Mahka hkawhkam kaw na masha hkying mi Toba a mare na masha mun lahkawng e hkying lahkawng saw la ma ai.

Jinghpaw Common Language Bible 2009

⁶ Amon masha ni gaw Dawi hpe shanhte a gumlau hpyen shatai kau nga masai hpe dum hprang wa ma yang, Berehoba hte Zoba mare na Suri hpyenla mun lahkawng, Toba mare na mun mi hkying lahkawng hte Mahka hkawhkam kaw na masha hkying mi saw la nga ma ai.

2 SAMUELA 10:6 ပူးပေါင်းရင်းမြစ်များ

NINGPAWT NINGHPANG 34:30

Dai rai nna Yaku gaw, nan ngai hpe zingri manit dai; ndai mung na Hkanani hte Hperizi masha ni ngai hpe matsat na hku nan galaw manit dai; ngai hta masha n law ai hte shanhte jawm zup nna ngai hpe sat kau na mara ai; shaloi ngai hte nye a dinghku htum mat na ra ai, ngu nna Simun yan Lewi hpe daru wu ai.

2 SAMUELA 10:5

Dai shi Dawi na jang, dai masha ni grai kaya mat ai majaw, shanhte hpe tau la na masha shangun dat wu ai. Hkawhkam wa chyawm gaw, “Nanhte a nmun garai n galu dingsa, Yerihko mare e naw nga nga mu, dai hpang e she wa marit,” ngu nna tsun dat mu ai.

2 SAMUELA 10:7

Dawi dai lam na wu jang, shi gaw Yoab hte shi a share luksuk ni mahkra hte hpe shangun dat mu ai.

2 SAMUELA 16:21

Ahihtohpela mung, “Htingnu sin na matu na nwa tawn da ai lashi num ni hpe shang madu u; shaloi na nwa nang hpe n dawng na lam, Israela amyu masha ni nlang chye jang, nang hpang maga nga ai ni nlang hte masin kaba na mara ai,” ngu wu ai.

2 SAMUELA 23:34

Mahka lakung hta na Ahabai a kasha Elihpelet; Gilo lakung na Ahihtohpela kasha Eliam;

2 SAMUELA 8:12

dai hte maren, shi dang kau lu ai, Suri, Moba, Ammon a kashu kasha ni mung, Hpilisti hte Amalek mung hkan na lu la ai lanep ja gumhpraw mung, Rehoba a kasha, Zoba a hkawhkam Hadaeza kaw na mung, kashun la lu ai lanep ja gumhpraw ni hpe mung, Yehowa kaw nawng kau wu ai.

2 SAMUELA 8:3

Bai, Dawi gaw hka nu ginwang e shi a mungdan bai lu la hkra nga, Zoba hkawhkam, Rohab a kasha Hadaeza hpe hkap gasat kau nna,

2 SAMUELA 8:5

Ya Damasku mare na Suri masha ni, Zoba hkawhkam Hadaeza hpe sa karum ma yang, Dawi gaw Suri masha mun lahkawng e hkying lahkawng sat kau mu ai;

1 HKAWHKAM 11:24

Shi gaw masha shaga la nna, Dawi gaw shanhte hpe Zoba shara e gasat sat wa yang, shi gaw luksuk ni a agyi rai nga ai: shanhte gaw Damasku mare de hprawng nhtawm dai de nga nga nna up nga ma ai.

2 HKAWHKAM 7:6

Kaning nme law, Madu gaw Suri masha ni hpe, hpyen leng ngoi ai hpe mung, gumra ngoi ai hpe mung, wunawng wuwa kaba ngoi ai nsen hpe na shangun mu ai rai nna, shanhte gaw, Yu mu, Israela hkawhkam gaw anhte hpe gasat na matu, Hiti hkawhkam ni, Egutu mung na hkawhkam ni hpe shaga manu ai,” nga nna shada da tsun kajawng nhtawm,

SHAKAWN KUNGDAWN 48:4

Yu mu, hkawhkam ni hpawng nga ma ai, Shanhte rau lai sa wa ma ai.

PRU MAT 5:21

Shaloi shanhte gaw, “Yehowa nan hpe yu nna jeyang ya myit ga: kaning rai nme law, Hpara-u a masha ni a nhtu hte anhte hpe sat shangun na nga, nan gaw anhte a sama hpe, Hpara-u hte shi a agyi salang ni a man e matsat shangun ya manit dai,” ngu nna shan hpe hkap tsun mu ai.

GA SHAGAWP 25:8

Alawan hkum ga law et; Htingbu wa nang hpe kaya jahkrum kau yang, nang kaning rai na n ta?

YEREMIA 46:21

Shi a nchyang ni mung, ulawng hta kawn da ai dumsu kasha hte bung nga ma ai: kaning rai nme law, ru tsang ai hte ari ahpri hkrum ai shani shanhte a ntsa e du ra ai majaw, dai ni gaw n tsap nga lu ai, rau kayin hprawng mat wa ma ai.

TARA JAHPRANG 3:14

Manashe a kasha Ya-ira gaw Argoba ginwang ting hpe, Geshuri hte Mahkahti masha ni a lamu ga jarit du hkra madu la nhtawm, shi a mying hkan nna, dai ni du hkra dai Bashan mung a mare ni hpe Hawot-Ya-ira ngu nna shamying da wu ai.)

TARA AGYI 11:3

Shaloi Yephta gaw kahpu kanau ni kaw na pru wa nna, Toba mung e nga nga ai: pagawn para re ai masha mung, shi kaw sa zup nna, shi kaw hkan nang ma ai.

TARA AGYI 11:5

Amon a kashu kasha ni Israela masha ni hpe hpyen gasat nga ma yang, “Gilead mung na agyi salang ni gaw Yephta hpe Toba mung na shaga la na sa nna,

TARA AGYI 18:28

Mare dai gaw Sidon hte tsan ai majaw mung, kadai hte magyit mahkai n nga ai majaw mung hkye la ai masha n nga malu ai: dai gaw Bet-re-hob makau na kadit e de ai rai nga ai. Shanhte mung dai yang mare de nna, dai hta nga nga ma ai.

1 SAMUELA 13:4

Shing rai, Shawlu gaw, dai Hpilisti dap hpya wu ai lam hte, Hpilisti dap hpya wu ai lam hte, Hpilisti masha ni Israela masha ni hpe n ju ai lam, Israela masha ni yawng na ma ai. Dai re ai majaw mung masha ni Gilgala e Shawlu kaw sa zuphpawng nga ma ai.

1 SAMUELA 27:12

Ahkisha mung Dawi hpe kam nna, “Dawi gaw shi a amyu ni shi hpe nachying n ju mat hkra galaw nu ai: dai rai nna ngai kaw tut tut a yam nga na sai,” nga ai.