2 SAMUELA 10:18 - Jinghpaw Hanson Version Bible

¹⁸ Suri masha ni mung Israela masha ni a man e hprawng wa ma ai rai nna, Dawi gaw, Suri masha ni a gumra leng hpyen sanit tsa, gumra jawn ai hpyen mun mali hte hpe sat kau mu ai; shanhte a jaubu Sobak hpe mung hkala nna, dai yang shi si mat sai,

Jinghpaw Common Language Bible 2009

¹⁸ Suri hpyen luksuk hpe Israela masha ni e gawt nhtang kau dat lu ma ai. Dawi hte shi a masha ni chyawm gaw Suri gumra leng gawt ai masha sanit tsa hte gumra jawn masha mun mali hte hpe sat kau ma ai. Gumra hpyen a up hkang du Shobak hpe mung shanhte hkala kau mu ai rai nna majan pa e shi si mat nga ai.

2 SAMUELA 10:18 ပူးပေါင်းရင်းမြစ်များ

2 SAMUELA 10:17

Dawi dai lam na jang, Israela masha ni yawng hpe jahpawng la nhtawm, Yawdan hka rap nna Helam mare de du ma ai. Suri masha ni mung Dawi a man e hpyen hkyen nna shi hte gasat mu ai.

2 SAMUELA 8:4

gumra hpyen hkying mi sanit tsa, lagaw hpyen mun lahkawng hte hpe rim la nhtawm, hpyen leng latsa matu sha ngam da nna gumra gale mahkra hpe lahkap dan kau ya wu ai.

1 HKAWHKAM 11:24

Shi gaw masha shaga la nna, Dawi gaw shanhte hpe Zoba shara e gasat sat wa yang, shi gaw luksuk ni a agyi rai nga ai: shanhte gaw Damasku mare de hprawng nhtawm dai de nga nga nna up nga ma ai.

1 HKAWHKAM LABAU 19:18

Suri masha ni mung Israela masha ni a man na hprawng wa ma ai rai nna, Dawi gaw Suri hpyen leng masha hkying sanit, lagaw hkawm ai hpyen masha mun mali hpe sat kau ai hte, hpyen du Shohpak hpe mung sat kau wu ai.

SHAKAWN KUNGDAWN 18:38

Shanhte n rawt lu hkra ngai shanhte hpe adup kau nna, Nye a lagaw npu e shanhte kataw nga ma ai.

SHAKAWN KUNGDAWN 46:11

Zaw nawng zaw wa up ai Yehowa anhte hte rau nga nga ai. Yaku a Karai Kasang gaw anhte a langchyi rai nga ai. [Selah.]

SHAKAWN KUNGDAWN 68:2

Wan nhkut mawng mat wa ai zawn, Shanhte hpe kamawng kau mu; Wan hta gitbaw byawng mat ai hte maren, Karai Kasang a man e, tara n lang ai ni hten byak mat mu ga.

TARA AGYI 4:2

Shaloi Yehowa gaw shanhte hpe Hazora e dung ai Hkanan mung na hkawhkam Yabin a lata de dut kau mu ai: dai hkawhkam a hpyen du gaw, Maigan amyu ni a Haroshet mare e dung ai, Sisera rai nga ai.

TARA AGYI 4:22

Ya Barak Sisera hpe hkan shachyut pru jang, Yaela mung pru nna, “Shang rit, nang tam ai wa hpe ngai madun de ga,” ngu wu yang, Barak shi kaw shang yu nna, yu u, Sisera gaw, mailak htinggrang let si taw nga ai hpe mu wu ai.

TARA AGYI 5:26

Dai sum mailak shi la nna, Hkra lata hte nan batbau lang let, Sisera hpe adup nna, Shi a baw dit jung ya wu ai: Rai sa, shi a sha galawp hkrang hkra dit dinghkren ya wu ai.