2 SAMUELA 10:12 - Jinghpaw Hanson Version Bible

¹² Nden ja da ting u; anhte a amyu hte, anhte Karai Kasang a mare ninghtawn ni a matu n-gun marai dat gasat ga: Yehowa gaw shi ra ai hku hte maren galaw u ga,” ngu wu ai.

Jinghpaw Common Language Bible 2009

¹² N-gun dat nna nden shaja da ting u! Anhte a amyu masha ni hte anhte a Karai Kasang a mare ni a matu anhte ja ja gasat ga. Dai Madu a myit ra sharawng ai hku tai wa u ga!,” ngu nna tsun wu ai.

2 SAMUELA 10:12 ပူးပေါင်းရင်းမြစ်များ

2 SAMUELA 10:11

Bai Yoab gaw, “Suri masha ni ngai hpe dang wa jang, ngai hpe sa karum e; Ammon a kashu kasha ni nang hpe dang wa jang, ngai nang hpe sa karum na de ai.

2 SAMUELA 15:26

shing n rai, ‘Nang hpe ngai n ra sade ai,’ nga yang gaw, rai sa, nga nga nngai, shi ra ai hku ngai e di ru ga,” ngu nna tsun wu ai.

1 HKAWHKAM LABAU 19:13

Dakan nga u; anhte a amyu hte anhte a Karai Kasang a mare ninghtawn ni a matu n-gun marai dat ga; Yehowa gaw shi ra ai hku hte maren, galaw u ga, ngu wu ai.

2 HKAWHKAM LABAU 32:7

N-gun ja nna da ting nga mu; Asuri hkawhkam hte shi kaw hkan nang ai wunawng kaba hpe hkum hkrit, myit hkum kahpra myit; anhte a maga de lawm ai wa gaw, shi a maga de lawm ai wa hta grau kaba nga ai:

NEHEMIA 4:14

Bai, amu ni hpe yu hpajang ngut nhtawm, ngai rawt nna, agyi salang ni, du ni hte naw ngam nga ai mung masha ni hpe shaga la nna, “Hpyen ni hpe hkum hkrit myit, galu kaba ai hte hkrit mai ai Madu hpe dum mu; nanhte a nhpu nnau ni, shayi shadang sha ni, kasha kanu ni hte tinang nta ni a matu gasat mu,” nga nna tsun nngai.

NEHEMIA 4:8

Yerusalem mare de sa gasat na hte, kashuk kashak shabyin na nga, nlang hte gaw bawng hkrum masai.

ESHTA 4:16

“Sa wa su, Shushan e nga ai Yuda masha nlang hte hpe jahpawng da u; nye a matu lusha gam ya nna, shani shana masum ya tup hkum lu hkum sha myit; ngai hte nye a shingnan num ni mung, dai hte maren lusha gam na ga ai; dai hpang, tara tawt lai timung, hkawhkam hpang de ngai shang na nngai: si yang si hkam na nngai,” ngu nna ga htang dat mu ai.

YOBA 1:21

“Ngai gaw nu a hkritung kaw nna singgu krin shangai sa nngai, Dai de singgu krin bai wa na ni ai; Yehowa jaw ya nna, Yehowa bai dawm la nga ai, Yehowa mying nsang gaw a nga u ga law,” nga ai.

BU HKAWM 13:20

dai mung na lamu ga gaw hpun rawng malu ai kun, n rawng malu ai kun; nam maling law ai kun, n law ai kun, yu wa marit. Nden ja ai myit hte sa wa mu; dai mung na namsi loi mi mung la wa yu mi, ngu nna hkang dat mu ai. Dai ten gaw tsabyi si nnan myin wa ai aten rai nga ai.

1 KORINHTU 16:13

A maja nga mu, dai makam masham hta dakring dalang tsap nga mu, wa-ngan marai shapraw mu, n-gun lagaw shagrin nga mu.

TARA JAHPRANG 31:6

Dai rai nna, nanhte n-gun da ting mu, myit nden shaja mu; hkum tsang myit, shanhte hpe hkum hkrit myit: nanhte hte rau hkawm sa nga ai wa gaw na a Karai Kasang Yehowa nan rai nga ai: shi nang hpe kau da na n rai, nang hpe kau rap rai na n rai,” ngu nna tsun mu ai.

TARA JAHPRANG 31:7

Shaloi Mawshe Yawshu hpe shaga la nna, “Nang mung n-gun da ting u, myit nden shaja u: Yehowa ndai ni hpe jaw na nga ji wa ni hpe dagam da ai mungdan nang shanhte hte rau rap sa nna, dai mungdan hpe madu sha shangun na rai ndai.

HEBRE 11:33

dai ni gaw, kamsham ai hte masha mungdan ni hpe dang kau lu ma ai, dinghpring ai lam shachyen lu ma ai, ga ndat ni hkam la lu ma ai, hkanghkyi a n-gup pat tawn lu ma ai:

HEBRE 13:6

Dai re ai majaw, “Dai Madu ngai hpe karum ai wa rai nga ai, Ngai hpa mung n hkrit nga nngai: Masha wa ngai hpe hpa di lu na a ta?” ngu nna nden ja ai myit hte anhte tsun nga ga ai.

YAWSHU 1:18

Na a mungga hpe tawt nna hkang da mada hpe n madat ai wa kadai rai timung sat kau ai hkrum lu na rai nga ai: dai rai nna n-gun da ting u, myit nden shaja u,” ngu nna Yawshu hpe htan mu ai.

YAWSHU 1:9

Nang hpe ngai hkang sade ai, n rai ni? n-gun da ting nna myit nden shaja u; hkum hkrit et, myit hkum hten et: kaning rai nme law, nang sa wa ai lam magup hta na a Karai Kasang Yehowa rau rai nga ai,” ngu nna tsun wu ai.”

TARA AGYI 10:15

Dai rai nna, Israela kashu kasha ni Yehowa hpe, “Anhte shut kau sagaw ai: nang ra ai hku mi anhte hpe di mi: ya, dai ni sha, anhte hpe hkye la mi,” ngu nna hpyi mu ai.

1 SAMUELA 14:12

Dai hpyen dap masha ni mung, “Du marit, lama mi madun made ga,” nga nna Yonahtan yan shi a ri nhtu gun ai wa hpe tsun mu ai. Shaloi Yonahtan gaw, “nye hpang e hkan rit, Yehowa shanhte hpe Israela masha ni a lata de ap kau nu ai,” ngu nna shi a ri nhtu gun ai wa hpe tsun wu ai.

1 SAMUELA 14:6

Ya Yonahtan gaw, “Sa, wora, matu n gadoi ai masha ni a dap de sa saga; Yehowa an hpe a karum na ra ai; Yehowa hkye hkrang la ai lam gaw, masha law ai n law ai hta, hkan ai n rai,” ngu nna shi a ri nhtu lang ai wa hpe tsun wu ai.

1 SAMUELA 17:32

Dawi chyawm gaw, “Kadai mung dai wa a majaw myit hkum htum et; na a mayam sa nna, dai Hpilisti wa hpe gasat na we ai,” ngu nna Shawlu hpe tsun wu ai.

1 SAMUELA 3:18

Samuela mung lama mi muk n ip da ai sha, atsai awai tsun dan wu ai. Eli gaw, “Yehowa she rai nga ai gaw, shi ra ai hku galaw u ga,” ngu nna yin wu ai.

1 SAMUELA 4:9

Hpilisti masha ni e, Hebre masha ni nanhte kaw yam ai zawn, shanhte kaw n yam hkra, nden shaja nna dakan mu: dakan let gasat mu,” nga ma ai.