2 SAMUELA 1:6 - Jinghpaw Hanson Version Bible

⁶ Shaloi ashi sa tsun ai shabrang wa gaw, “Ngai dai Gilboa bum de majoi mi a hkawm du yu yang, yu u, Shawlu gaw shi a ri hta shadaw nna nga nga la ai; hpyen leng ni hte gumra hpyen ni mung gasat chyi rai nga ma ai.

Jinghpaw Common Language Bible 2009

⁶ Dai shabrang wa chyawm gaw, “Gilaboa Bum ntsa e hpa baw mi byin sai kun, ngu du hkawm yu yang, Shawlu gaw shi a nri hta shanat nga ai shaloi hpyen maga de na hpyen leng ni hte gumra jawn ai ni shi hpang de shani sa wa nga ma ai hpe ngai mu nngai.

2 SAMUELA 1:6 ပူးပေါင်းရင်းမြစ်များ

2 SAMUELA 1:21

Gilboa kawng ni e, nanhte a ntsa e, Mari hkum hkrat, marang hkum htu u ga: Jaw jau kumhpa nawng ai yi hkauna hkum tai u ga. Kaning rai nme law, dai yang e share ni a n-gang, Namman n chya ai rai hpe zawn, Shawlu a n-gang gaw, N sawn n sang di kabai kau ai hkrum nu hka.

2 SAMUELA 1:5

Bai Dawi gaw dai ashi sa tsun ai shabrang wa hpe, “Shawlu yan shi a kasha Yonahtan si ai gaw, nang kaning di chye wu ta?” ngu nna san wu ai.

2 SAMUELA 1:7

Shi hpang de kayin yu yang, shi ngai e mu nna shaga nngai: ngai mung, ‘Nga nga nngai,’ ngu nna htan we ai.

LUKA 10:31

Shaloi hkinjawng langai mi dai lam hku hprang hkrup nna, dai wa hpe mu jang, koi kau da wu ai.

RUHTA 2:3

Ruhta mung sa nna, mam dan ai ni a hpang e nlim hkan gut wu yang, Elimelek amyu dap hpu na Bua a yi hta ndum shami sa ang wu ai.

1 SAMUELA 28:4

Ya Hpilisti masha ni zuphpawng nna, Shunem shara e dap jung nga ma ai: Shawlu mung Israela masha ni yawng zuphpawng nna, Gilaboa shara e dap jung nga ma ai.

1 SAMUELA 6:9

Sumpu dai, tinang buga de wa ai lam, Bet-sheme maga de yawng wa sayang gaw, dai zinli kaba shabyin ai, Shi nan rai na re ai: shing n rai, shi e lashum ai majaw anhte adup hkrum sha ai n rai, majoi byin nna hkrum ai re ai gaw, anhte chye na ga ai,” nga nna bawng ma ai.