2 SAMUELA 1:4 - Jinghpaw Hanson Version Bible

⁴ Bai Dawi gaw, “Amu gaw kaning rai wa sata? ngai e atsawm sha tsun e,” ngu nna tsun wu yang, shi gaw, “Israela masha ni mahtang n daw lu nna hprawng htaw wa masai; law law wa si agrawp mat shajang ma ai: Shawlu hte shi a kasha Yonahtan mung si mat masai,” ngu nna tsun dan wu ai.

Jinghpaw Common Language Bible 2009

⁴ Dawi gaw, “Dai rai taw gaw, hpa byin ai lam, ngai hpe tsun dan yu e,” ngu nna tsun wu ai. Shi gaw, “Anhte a hpyen luksuk gaw majan pa kaw nna hprawng kagat jawng mat saga ai. Anhte a masha law law ni mung sat kau ai hkrum nga sai; Shawlu hte shi a kasha Yonahtan yan mung sat kau ai hkrum nga masai,” ngu nna tsun htang wu ai.

2 SAMUELA 1:4 ပူးပေါင်းရင်းမြစ်များ

2 SAMUELA 1:3

Dawi mung, “Kanang nna sa wa n ta?” ngu nna san wu yang, dai wa gaw, “Israela dap nna lawt sa wa nngai,” ngu nna htan wu ai.

2 SAMUELA 1:5

Bai Dawi gaw dai ashi sa tsun ai shabrang wa hpe, “Shawlu yan shi a kasha Yonahtan si ai gaw, nang kaning di chye wu ta?” ngu nna san wu ai.

2 SAMUELA 4:10

shawng de kalang mi masha langai mi sa nhtawm, kabu hpa shiga tsun dan na nga myit nna, ‘Shawlu si sai,’ nga nna ngai e tsun dan yang, ngai shi hpe magra la nna, Zikla mare e sat kau we ai: dai gaw sa tsun ai shiga majaw, ngai shi e jaw ai shabrai rai nga ai.

1 SAMUELA 4:16

Dai wa gaw, “Hpyen gasat kaw na wa ai wa ngai rai nngai; hpyen gasat ai kaw na dai ni hprawng wa nngai,” ngu nna tsun dan wu yang, Eli gaw, “Ngai sha e, amu gaw kaning rai wa sata?” ngu nna san wu ai.