2 PETRU 3:5 - Jinghpaw Hanson Version Bible

⁵ Rai timung, sumsing lamu ni gaw, moi chyaloi nhkoi kaw nna nga nga ai hte, hka hta na dawng pru nna, hka e gaw da ai ginding aga hpe mung, Karai Kasang a mungga a majaw agrin nga ai hte,

Jinghpaw Common Language Bible 2009

⁵ Karai Kasang gaw shawng npawt e sumsing lamu hte ginding aga hpe shi a hkang da ai ga hte hpan da sai hpe mung, ginding aga hpe hka kata kaw na hka hte shapraw da sai hpe mung,

2 PETRU 3:5 ပူးပေါင်းရင်းမြစ်များ

NINGPAWT NINGHPANG 1:6

Bai Karai Kasang gaw, “Hka hpungnung a ka-ang e lamu madin din nna, hka hte hka karan u ga,” nga ai.

NINGPAWT NINGHPANG 1:9

Bai Karai Kasang gaw, “lamu kata e nga ai hka hpung ni, shara mi hta shinggyin hpawng nga nna hkarang ga dawng pru u ga,” nga ai: dai mung shing rai nga ai.

SHAKAWN KUNGDAWN 136:6

Hka a ntsa e, ginding aga hpe nep da ai wa hpe, shakawn mu, Shi a chyeju htani htana agrin nga ai.

SHAKAWN KUNGDAWN 24:2

Shi dai hpe nammukdara ntsa e gaw da nna, Hka lam ni a ntsa e tawn da wu ai.

SHAKAWN KUNGDAWN 33:6

Yehowa a mungga hte sumsing lamu tai nga nna, Shi a n-gup na nsoi nsa hte, de a zaw nawng zaw wa byin nga ai.

GA SHAGAWP 17:16

Angawk ai wa gaw, hpaji n ra nga ai rai nna, Hpa majaw shi a lata hta hpaji jahpu ap ya na rai ta?

ROMA 1:28

Bai, Karai Kasang hpe chye chyang na man ya e n gawn n sawn di mu ai majaw, n hpru n mai re ai amu galaw mu ga, Karai Kasang gaw shanhte hpe tuk shamak ai myit hta nawng kau mu ai rai nna,

KOLOSE 1:17

Shi gaw yawng mayawng a shawng na rai nga ai hte, yawng mayawng gaw shi a majaw grin nga ai.

HEBRE 11:3

Nga yawng nga pra gaw Karai Kasang a mungga hte hpajang tawn da nga ai rai nna, mu lu ai arai ni gaw, dandawng nga ai arai ni hta na n byin wa ai hpe, kamsham ai hte anhte dum chye ga ai.