2 PETRU 3:16 - Jinghpaw Hanson Version Bible

¹⁶ Dai laika ni hta e chye yak ai lam langai ngai rawng nga ai rai nna, n sharin yu ai ni hte myit n gring ai ni gaw, dai Chyum laika ni kaga hpe zawn, tinang dai a jahten shabya na matu shanut kau mu ai.

Jinghpaw Common Language Bible 2009

¹⁶ Pawlu gaw ndai lam hte seng nna shi ka ai laika ni hta ndai hte maren ka madun da nga ai. Shi a laika hta rawng ai ginlam nkau mi gaw chye na yak ai majaw, angawk angak re ai ni hte myit n gring ai masha ni gaw shut ai hku lachyum hpyan la ma ai, kaga chyum ga ni a lachyum hpe mung dai hte maren htai la shut ai majaw shanhte a hten bya ai lam hpe shanhte nan galaw la masai.

2 PETRU 3:16 ပူးပေါင်းရင်းမြစ်များ

NINGPAWT NINGHPANG 49:4

Hka zawn kabrawng ndai rai nna nang grau lu na n rai: Na nwa a yup ku hta nang lung nna, Dai hpe nang awu asin di kau nu ai:- nye a yup ku hta shi lung wa a hka:

1 HKAWHKAM 10:1

Ya Sheba hkawhkam jan gaw, Yehowa a mying nsang hte seng ai Shawlumon a kajai gumhkawng wa ai lam hpe na wu yang, shi hpe gumwai ga hte chyam yu na matu, sa du wu ai.

SHAKAWN KUNGDAWN 56:5

Shani tup shanhte nye a ga shanut kau nna, N hkru ai hku hkrai hkrai ngai hpe maw ma ai.

PRU MAT 23:2

N hkru ai amu galaw na masha law ai maga de hkum hkan et; amu tsun ai lam hta tara man ai hku jahten na, masha law ai maga de nang sakse hkam ya lu na n rai;

PRU MAT 23:6

Nang hta matsan mayan re ai wa amu rawng yang, n ding n man ai hku nang hparan ya lu na n rai.

YEREMIA 23:36

Yehowa shingran, nga nna htawm hpang de tsun lu na, n rai: kaning rai nme law, nanhte gaw, ahkrung nga ai Karai Kasang, Zaw nawng zaw wa up ai, anhte a Karai Kasang Yehowa ga hpe manai kau ai majaw, langai hte langai a ga gaw, tinang a shingran tai na ra ai.

HABAKU 1:4

Dai re ai majaw tara tang mat nna, tara malang ai hku galoi n pru hkraw ai; tara n lang ai wa gaw, dinghpring ai wa hpe wang tawn nna, tara dara yang, n jaw ai hku hkrai pru nga ai.

MAHTE 15:3

Shi shanhte hpe htan nna tsun mu ai gaw, “Taw, nanhte wa gaw, hpa majaw nanhte a ahtung alai hte, Karai Kasang a ga matsun hpe tawt kau nga myit ta?

MAHTE 15:6

shing nga nna, tinang a kawa hpe n hkungga nga ai; Karai Kasang a ga matsun hpe mung, nanhte a ahtung alai hte nanhte sai kau mu ai.

MAHTE 22:29

Yesu htan let shanhte hpe tsun mu ai gaw, “Dai Chyum laika hte Karai Kasang a nsam hpe nanhte n chye da mu ai majaw, nanhte lam dam mat manit dai:

TARA JAHPRANG 16:19

Tara lam hta na nang jashai lu na n rai; masha myi man tau lu na n rai; manawn kumhpa mung sha lu na n rai: kaning rai nme law, manawn kumhpa gaw hpaji rawng ai ni a myit hpe dingga kau ya nna, dingman ai ni a ga hpe gale kau ya chye ai.

HPILIPI 3:19

Dai ni a chyahtum ai gaw, hten byak ai rai nga malu ai; dai ni a Karai Kasang gaw, tinang a kan rai nga ai hte, tinang a kaya kahpa hta shanhte a gumrawng shara rai nga ma ai; dinghta ga na arai hpe hkrai shanhte myit tsang nga ma ai.

HEBRE 5:11

Dai Melhkizedek a lam anhte tsun shara law law wa nga ai rai timung, nanhte a na dabang tsan nga malit dai majaw, ga lachyum tsun dan na yak la nga ai.

YAKU 1:8

shi gaw myit mashe rawng nga ai rai nna, shi a lam shagu hta agyoi ai wa rai nga ai.

1 PETRU 1:1

Yesu Hkristu a kasa, ngai Petru gaw, Wa Karai Kasang a moi na chye chyang ai a majaw, dai Wenyi a shachyoi shapra ai hta, madat mara nna, Yesu Hkristu a asai hte lapri ai chyeju hkam la lu na,

1 PETRU 2:8

“Ahtu kataw shara hte myit kataw shangun na lunghkrung mung tai wa sai.” N madat n mara nga ma ai majaw, dai mungga hta shanhte kataw wa masai: shing rai hkrum mu ga mung, shanhte hpe san da ngut sai rai.

2 PETRU 2:1

Rai timung, amyu masha ni hta e, masu ai myihtoi ni mung paw pru ma ai; dai hte maren, nanhte hta e mung, masu ai sara ni paw pru wa na mara ai rai nna, jahten shabya chye ai bra wa ai ga hpe, mayun jashawn la nna, shanhte hpe mari la sai Madu hpe nyet kau ai hte, tinang dai a ntsa e tsin-yam tsindam hpe, larau ladau du shangun na maru ai.

2 PETRU 2:14

Shanhte a myi gaw num shaw ai amu hte yubak baw sumhpa hte hpring chyat nga ma ai rai nna, shanhte gaw n ngang n hkang re ai ni hpe lau la mu ai: shanhte myit lawhpa ai hta maju jung nga malu ai; dagam dala hkrum ai kashu kasha ni mung, shanhte rai nga ma ai.

2 PETRU 3:14

Shing rai myit mada ai lam ni rai nga myit dai majaw, tsawra ai ni e, ngwipyaw ai hku hkan let, shi a man e, matsat shabat hte agang chyalang n kap myit ga, shakut sharang nga mu.

2 PETRU 3:2

dai Madu hte Hkye hkrang la ai wa a htet da ai ga hpe mung, nanhte adum nga myit ga, ndai laika yan hta nanhte a san seng ai myit hpe shadum jahprang let, ngai jasu da made ai.

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.