2 PETRU 3:13 - Jinghpaw Hanson Version Bible

¹³ Shing rai byin wa timung, shi a ga ndat majaw, dinghpring rawng ai sumsing lamu nnan hte ginding aga nnan hpe, anhte myit mada nga ga ai.

Jinghpaw Common Language Bible 2009

¹³ Rai ti mung anhte gaw, Karai Kasang ga sadi jaw da sai ding hpring ai ni nga na nta ngu ai sumsing lamu ningnan, ginding aga ningnan hpe anhte myit mada ala nga ga ai.

2 PETRU 3:13 ပူးပေါင်းရင်းမြစ်များ

ESAIA 60:21

Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.

ESAIA 65:17

Kaning rai nme law, yu mu, sumsing lamu ningnan ginding aga ningnan ngai hpan da nga nngai: shawng na lam ni hpe dum na mung n rai, myit sumru yu na mung n rai.

ESAIA 65:25

Chyahkyawn hte sagu kasha rau sha lu nna, hkanghkyi gaw dumsu zawn yi hku sha na ra ai; lapu a shahpa gaw, ga nhpu tai na ra ai: nye a chyoi pra ai bum ting hta e, shada da hkala nba ai hte jahten shabyak kau ai gaw, n nga na sai,” nga nna Yehowa tsun ai.

ESAIA 66:22

“Kaning rai nme law, ngai hpan da ai sumsing lamu ningnan hte, ginding aga ningnan gaw, nye a man e grin nga ai zawn, nanhte a aru arat hte nanhte a amying shingteng mung grin nga na ra ai,” nga nna Yehowa tsun ai.

ROMA 8:21

Karai Kasang a kashu kasha ni a pru lawt wa ngu ai hpung shingkang hta shang lu na, myit mada nga nna, dai hpe shagrit kau ai wa a majaw, shagrit kau ai hkam nga ai.

2 PETRU 1:4

nanhte gaw mungkan ga a myit marin ai hten bya ai lam na lawt lu wa let, Karai Wa a myit marai hpe dagraw la lu myit ga, arawng lu ai hte galu kaba la ai ga ndat ni, shi anhte hpe jaw dat mi ai.

SHINGRAN 21:1

Shaloi, sumsing lamu ningnan, ginding aga ningnan, ngai mu nngai; shawng na lamu hte shawng na aga gaw lai mat wa sai: nammukdara mung dai kaw nna n nga sai.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.