2 PETRU 3:10 - Jinghpaw Hanson Version Bible

¹⁰ Dai Madu a nhtoi chyawm gaw, lagu lagut zawn du na ra ai; dai nhtoi hta e sumsing lamu ni kadu ai nsen hte lai mat wa nna, arai guji guyang ni, kahtet lai ai hte krawp ayai mat wa nna, aga hte dai hta e nga ai yawng mayawng hte gaw, hkru hkat mat na ra ai.

Jinghpaw Common Language Bible 2009

¹⁰ Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

2 PETRU 3:10 ပူးပေါင်းရင်းမြစ်များ

SHAKAWN KUNGDAWN 102:26

Dai ni hten wa ma timung, nang agrin nga ndai; Yawng gaw hpun nba zawn dingsa mat ma ai; Nang dai hte hpe nba zawn galai kau nna, Dai ni galai mat ma ai.

SHAKAWN KUNGDAWN 46:6

Masha amyu ni kabrawng nga masai, mungdan ni shamu shamawt mat masai: Shi gaw shi a nsen dat dat nna, ginding aga byawng mat sai.

SHAKAWN KUNGDAWN 97:5

Aga ting a Madu, Yehowa a man e, Bum ni gaw gitbaw zawn, byawng mat ma ai.

ESAIA 2:12

Kaning rai nme law, myit kaba nna gumrawng gumtawng re ai ni mahkra a ntsa e mung, rai la dum ai ni nlang hte a ntsa e mung,

ESAIA 24:19

Ginding aga gaw atsai awai grawp mat sai; ginding aga gaw ga mahka mat sai; ginding aga gaw ja ja gari nga ai.

ESAIA 34:4

Sumsing lamu na wunawng wuwa ni yawng, hten mat nna, sumsing lamu gaw laika katsu zawn katsu mat na ra ai; de a wunawng wuwa ni yawng tsabyi ru, lap nyui mat ai hte, lakum lap ru hkrat ai zawn, run hkrat mat na mara ai.

ESAIA 51:6

Sumsing lamu hpe mada yu mu, ginding aga hpe gum yu mu: sumsing lamu gaw wan hkut zawn hkoi mat nna, ginding aga gaw hpun nba zawn dingsa mat na ra ai; dai hta shanu nga ai ni mung jigrawng zawn si mat na mara ai: nye a hkye hkrang la ai lam chyawm gaw, prat dingsa nga nga nna, nye a dinghpring ai lam mat mat na n rai.

YOELA 1:15

Ala, dai nhtoi du ra ai; Yehowa a nhtoi ni magang wa nna, dai gaw hten byak ai shani zawn, Chyahtum Chyalai N-gun rawng ai wa kaw na, du na ra ai.

YOELA 2:1

Ziun mare hta e, pahtau dum mu; nye a chyoi pra ai bum ntsa e garu jahtau mu; mung masha ni yawng hkrit gari nga mu ga; kaning rai nme law, Yehowa a nhtoi du ra ai, dai gaw ni magang ra ai:

YOELA 2:31

Galu kaba re ai hte, hkrit mai ai, Yehowa a nhtoi garai n du yang, ajan hpe nsin hte, shata hpe asai hte, galai kau na ra ai.

YOELA 3:14

Jeyang shangut ai kadit hta e, Yehowa a nhtoi du magang ra ai majaw, wunawng wuwa ni, jeyang shangut ai kadit hta e dè nga ma ai.

AMO LAIKA (AMOS) 9:13

Yu mu, yi hkauna shawt ai wa gaw, mam dan ai wa hte, tsabyi si kabye ai wa gaw, nli gat ai wa hte, matut lu na nhtoi du na ra ai: bum ni gaw, dwi ai tsabyi jahku yun nna, kawng ni yawng, jahku hkrai rai na ra ai, nga nna Yehowa tsun ai.

AMO LAIKA (AMOS) 9:5

Kaning rai nme law, Zaw nawng zaw wa up ai Madu Yehowa gaw, lamu ga hpe ahtawk yang, dai gaw byawng mat wa nna, dai hta shanu nga ai ni yawng, yawn hkyen nga na mara ai: dai gaw hka nu zawn tung rawt nna, Egutu hka nu zawn bai hkyet mat na ra ai:

MIHKA 1:4

Bum ni gaw shi a npu e byawng mat nna, kadit ni gaw; wan makau na gitbaw hte, nhkap na lwi hkrat wa ai hka zawn, ga mahka wa na mara ai.

NAHUM 1:5

Shi a majaw bum ni ashun awam nna, kawng ni byawng mat nga ai; lamu ga gaw, gaja wa, mungkan ga hte dai hta nga manga yawng, shi a man e shamu nga ma ai.

MALAHKI 4:5

Yu mu, galu kaba ai hte, hkrithpa re ai, Yehowa a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 24:35

Sumsing lamu hte ginding aga lai mat wa timung, nye a ga gaw n lai mat na li ai.

MARKU 13:31

Sumsing lamu hte ginding aga lai mat wa timung, nye a ga gaw n lai mat na li ai.

LUKA 12:39

Da ndai dum chye mu: gara ahkying aten hta lagut sa na hpe, nta madu wa chye wu taw gaw, shi a maja nga nna, shi a nta hpe tawk waw lu hkra, kau da na wu ai n rai.

ROMA 8:20

Dai nga yawng nga pra chyawm gaw, hten run lam npu e shagrit kau ai hkrum rai timung, tinang ra ai hku n re ai sha, nga yawng nga pra nan lala sharen da ngu ai hten mat ai kaw na shalawt dat ai hkrum nna,

1 KORINHTU 1:8

anhte a Madu Yesu Hkristu a nhtoi e mung, mara shagun shara n nga hkra, shi nanhte hpe shangang shakang na marin dai.

1 KORINHTU 5:5

shing re ai wa Satan hpe ap ya na, ngu nna rau nga ai zawn, ndai amu galaw ai wa hpe anhte a Madu Yesu a mying ningsang hte, ya e pyi ngai jeyang ngut se ai.

2 KORINHTU 1:14

anhte a gumrawng shara tai wa ai hte maren, anhte mung nanhte a gumrawng shara tai wa na rai nna, anhte a lam nanhte kau chyen mi chye na nga ai zawn, hpang chyahtum du hkra chye nga na myit dai, ngu nna ngai myit mada nga nngai.

1 HTESALONI 5:2

kaning rai nme law, shana na lagu lagut shang ai zawn, dai Madu a shani mung du na ra ai hpe, nanhte nan azin ayang chye nga myit dai.

1 HTESALONI 5:4

Nanhte chyawm gaw, hpunau ni e, dai shani gaw lagu lagut zawn nanhte hpe dep lu hkra, nanhte nsin hta e lup nga myit dai n rai:

2 PETRU 3:11

Shing rai, arai yawng mayawng krawp ayai mat ai hkrum na teng nga ai majaw, sumsing lamu ni hpe wan hkru kau ai hta krawp ayai mat nna, arai guji guyang hpe kahtet lai ai hte shabyawng kau na Karai Kasang a nhtoi hpe, nanhte ala nga nna myit marit nga myit dai gaw,

2 PETRU 3:12

chyoi pra ai arawn alai hte tara hkungga ai myit rawng let, nanhte kaning re ai masha mai tai na myit ta?

2 PETRU 3:7

Ya e nga ai sumsing lamu ni hte ginding aga hpe chyawm gaw, tara n lang ai ni a dawdan ai hte jahten shabya hkrum na nhtoi du hkra, wan jahkru na matu mara, moi na mungga hte nan a rem da nga nu ai.

YUDA 1:6

bai shi gaw tinang a aya hpe hprai kau nna, tinang nang a buga kau da ai lamu kasa ni hpe mung, dai dawdan ai nhtoi kaba du hkra, prat dingsa na hpri sumri hte, nsin kata de gyit hkang da mu ai.

SHINGRAN 16:15

Yu mu, lagu lagut zawn ngai du ring ngai. Masha a man e singgu krin n hkawm na hte, tinang a kaya hpa n dawng lu ga, a maja nga let tinang a labu palawng sin nga ai wa gaw, a lu ai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.

SHINGRAN 21:1

Shaloi, sumsing lamu ningnan, ginding aga ningnan, ngai mu nngai; shawng na lamu hte shawng na aga gaw lai mat wa sai: nammukdara mung dai kaw nna n nga sai.

SHINGRAN 3:3

Dai re ai majaw, nang kaning rai hkam la lu ai hte, na la lu ai lam hpe bai dum u; dai hta hkan nang nga nna, myit malai lu u. Nang n maja nga taw gaw, lagu lagut zawn ngai du na ring ngai; gara aten e ngai nang kaw du sa na ring ngai mung, nang n chye na ndai.

SHINGRAN 6:14

sumsing lamu gaw katsu kau ai laika zawn htawt kau ai hkrum nna, bum ni hte zunlawng ni nlang hte mung, tinang a shara kaw nna sit kau ai hkrum ma ai.