2 PETRU 2:7 - Jinghpaw Hanson Version Bible

⁷ rai timung, dai mare na n se ai masha ni a n san n seng ai arawn alai majaw, myit tsang hkrum ai dinghpring ai Lawt hpe gaw, shi mawai la wu ai:

Jinghpaw Common Language Bible 2009

⁷ Shi gaw tara kata nna arawn alai hten run nga ai masha ni a majaw grai myit daw myit hten nga ai. Ding hpring ai masha ngu ai Lawt hpe shi hkye la wu ai.

2 PETRU 2:7 ပူးပေါင်းရင်းမြစ်များ

NINGPAWT NINGHPANG 13:13

Ya, Sodom mare na masha ni gaw n shawp nga ma ai rai nna, Yehowa a man e nachying yubak kaba ai ni rai nga ma ai.

NINGPAWT NINGHPANG 19:16

Shi chyawm gaw a ganyi nga ai, rai timung Yehowa shi hpe matsan dum nga ai majaw, dai lamu kasa yan gaw shi hte shi a madu jan hpe mung, shi a shayi sha yan hpe mung lata hta dun nna shapraw nhtawm, dai mare shinggan e woi tawn mu ai.

NINGPAWT NINGHPANG 19:22

Dai de lau hprawng wa u; nang dai de garai n du yang ngai hpa mung n galaw lu nngai,” ngu wu ai. Dai re ai majaw mare dai hpe Zora ngu nna shamying mu ai.

NINGPAWT NINGHPANG 19:29

Karai Kasang gaw dai ginwang na mare ni hpe jahten kau wu ai shaloi Karai Kasang Abraham hpe dum wu ai rai nna, Lawt nga ai mare ni hpe galau ka-up kau wu ai shaloi, dai galau ka-up kau ai hta na Lawt hpe dat dat wu ai.

NINGPAWT NINGHPANG 19:5

Lawt hpe shaga let, “Dai na nang kaw du ai manam yan, kanang nga ma ta? Dai yan hte anhte kanawn lu na matu shapraw ya mi,” ngu mu ai.

SHAKAWN KUNGDAWN 120:5

Meshek shara hta e ngai shingbyi nga nna, Kedera sum ni a makau e naw nga nngai majaw, ngai dingnye lu nga nngai.

YEREMIA 23:9

Myihtoi ni hte seng ai mungga: Nye a myit masin gaw nye a kraw e run mat wa nna, nye nrut nra ni yawng, gari nga ma ai; Yehowa majaw mung, shi a chyoi pra ai mungga majaw mung, ngai gaw chyaru nang ai wa hte, tsabyi jahku majaw ndi nda hkawm ai wa hte bung nga nngai.

1 KORINHTU 10:13

Masha n jan lu ai agung alau gaw nanhte hkrum hkra myit dai n rai; Karai Kasang mung sadi sahka nga ai rai nna, nanhte n jan lu ai agung alau hkrum na ahkang n jaw nga ai sha, nanhte jan lu myit ga, dai agung alau hte rau pru wa na hkat shi hkat da na ru ai.

2 PETRU 2:18

Kaning rai nme law, hkum shan a myit marin nna, mak kayuk nga ai hku hkan yang, kaman lila grang ai ga kaba a tsun nga let, lam dam mat ai ni kaw na lawt lu magang wa ai ni hpe, shanhte lau la mu ai;

2 PETRU 2:2

Masha law law wa mung shanhte a mak mat ai lam hkan nang ma ai hte, shanhte a matu mara, dai tengman ai lam gaw, shatan nhkan hkrum mat na ra ai.

2 PETRU 3:17

Nanhte chyawm gaw, tsawra ai ni e, ndai hte hpe shawng e chye manit dai majaw, tara n lang ai ni a lam dam mat ai hta e nanhte mung n lawm ai hte, nanhte a ngang hkang ai myit, jahten shabya kau ai n hkrum myit ga, a maja nga mu:

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.