2 PETRU 2:20 - Jinghpaw Hanson Version Bible

²⁰ Dai hta kaga, anhte a Madu hte Hkye hkrang la ai wa Yesu Hkristu hpe chye chyang lu ai a gawp e, shanhte gaw mungkan ga a matsat shabat lawt lu nhtawm e, dai hta e a gyit ahkang da nga ai hpe bai hkrum hkrup nna, dai gaw shanhte hpe bai dang kau mu yang gaw, dai ni a hpang na gaw shawng na hta grau nna yak wa nga ai.

Jinghpaw Common Language Bible 2009

²⁰ Lama rai nna masha ni gaw nanhte a hkye hkrang la ai Madu Yesu Hkristu hpe chye chyang ai a marang e mungkan ga a matsat shabat n-gun atsam kata na lawt lu sai hpang kalang mi bai matsat shabat lam e dang kau hkrum ai rai yang, dai ni a hpang na byin da gaw shawng na hta grau sawng mat wa sai.

2 PETRU 2:20 ပူးပေါင်းရင်းမြစ်များ

EZEKELA 33:13

Dinghpring ai wa gaw teng teng hkrung nga na ra ai, nga nna ngai tsun timung, shi gaw tinang a dinghpring ai hpe hpa nna, yubak galaw yang, shi a dinghpring ai amu langai mi hpe, dum ya na n rai: shi galaw ai yubak hta shi si na ra ai.

JAW JAU 13:20

dai hpe hkinjawng wa yu yu yang, hkyawk ai hte mun hpraw ai zawn rai yang gaw, dai wa n san n seng ai ngu na rai wu ai: dai gaw shakrwi hta na byin pru ai manggang rai nga ai.

JAW JAU 13:55

Shing rai hkrut kau ai hpang hkinjawng wa bai yu yu yang, ana n maden wa timung, ahpraw n lai yang gaw, n san n seng rai nga ai; wan hte nat kau na rai wu ai: dai gaw kata maga, shing n rai shinggan maga tsam mat ai ana rai nga ai.

JAW JAU 14:43

Shing rai nlung shaw kau ai hte ahkyen kau ai di nna, engade nnan chya ngut ai hpang, ana dai bai kap ai rai yang,

BU HKAWM 24:20

Bai Amalek mung de shi mada nna, ga shagawp hte tsun wu ai gaw, Amalek masha ni shawng na amyu rai nga ai, Jahtum e chyawm gaw hten bya hkrum na ra ai, nga ai.

TARA JAHPRANG 32:29

Shanhte hpaji byeng-ya lu la nna, ndai lam chye na lu mu ga law, Hpang jahtum e hpa byin hpa tai na, aru yu mu ga le!

HPILIPI 3:19

Dai ni a chyahtum ai gaw, hten byak ai rai nga malu ai; dai ni a Karai Kasang gaw, tinang a kan rai nga ai hte, tinang a kaya kahpa hta shanhte a gumrawng shara rai nga ma ai; dinghta ga na arai hpe hkrai shanhte myit tsang nga ma ai.

2 TIMOHTI 2:4

Hpyen amu gun hpai ai wa kadai mung, tinang hpe hpyen hpung hta shalawm la ai wa a myit htuk lu hkra, ndai aprat na arai ni hta tinang hkum hpe ahkang abai shangun ma ai n rai.

YAKU 1:27

nawku htung chyawm gaw, Ru tsang kyin dut hkrum ai jahkrai nmai ni hte, gaida gaina ni hpe kawan katsan yu yu nna, mungkan ga a awu asin re ai hpe koi kau na gaw, Kawa Karai Kasang a man e san seng ai hte ra n rawng ai nawku htung rai nga ai.

2 PETRU 1:11

dai lam hkan nga myit taw gaw, anhte a Madu hte hkye hkrang la ai wa Yesu Hkristu a htani htana prat dingsa na mungdan de shang wa lu na lam, nanhte hpe n taw n tsang di ya na marin dai.

2 PETRU 1:2

Karai Kasang hte anhte a Madu Yesu hpe chye chyang ai lam hta, chyeju hte ngwipyaw ai gaw, nanhte hta e law htam wa malit ga law.

2 PETRU 1:3

Hpung shingkang hte arawng sadang e anhte hpe shaga la ai wa a chye chyang lu ai nyan a gawp e, shi a Karai Wa atsam gaw, asak hkrung nga ai hte tara hkungga ai lam hta seng maseng hte anhte hpe jaw da mi ai rai nna,

2 PETRU 1:4

nanhte gaw mungkan ga a myit marin ai hten bya ai lam na lawt lu wa let, Karai Wa a myit marai hpe dagraw la lu myit ga, arawng lu ai hte galu kaba la ai ga ndat ni, shi anhte hpe jaw dat mi ai.

2 PETRU 1:8

Kaning rai nme law, dai hte gaw nanhte hta e rawng nga nna, law htam wa myit yang gaw, anhte a Madu Yesu Hkristu a chye chyang ai lam hta, nanhte kaman lila rai nga ai hte asi nsi lu na myit dai, n rai.

2 PETRU 2:18

Kaning rai nme law, hkum shan a myit marin nna, mak kayuk nga ai hku hkan yang, kaman lila grang ai ga kaba a tsun nga let, lam dam mat ai ni kaw na lawt lu magang wa ai ni hpe, shanhte lau la mu ai;

2 PETRU 3:18

Anhte a Madu hte Hkye hkrang la ai wa Yesu Hkristu a chyeju hte chye chyang ai lam hta e, nanhte kaba wa nga myit ga. Ya e mung, htani htana prat dingsa e mung, Yesu Hkristu kaw hpung shingkang anga nga u ga law.