2 PETRU 2:2 - Jinghpaw Hanson Version Bible

² Masha law law wa mung shanhte a mak mat ai lam hkan nang ma ai hte, shanhte a matu mara, dai tengman ai lam gaw, shatan nhkan hkrum mat na ra ai.

Jinghpaw Common Language Bible 2009

² Shing rai hkra rai ti mung, masha law law wa shanhte a n kaja ai kyang lai len lam hta hkan sa na mara ai. Shanhte shing rai galaw ma ai majaw dai teng man ai Lam hpe masha kaga ni n kaja ai hku tsun jahpoi na mara ai.

2 PETRU 2:2 ပူးပေါင်းရင်းမြစ်များ

NINGPAWT NINGHPANG 19:5

Lawt hpe shaga let, “Dai na nang kaw du ai manam yan, kanang nga ma ta? Dai yan hte anhte kanawn lu na matu shapraw ya mi,” ngu mu ai.

SHAKAWN KUNGDAWN 18:21

Kaning rai nme law, Yehowa a lam ngai hkan nang nna, Nye a Karai Kasang hpe shut kau nngai n rai.

ESAIA 35:8

Dai shara e, ningmaw lam mung, lam masun mung, hku na ra ai rai nna, dai hpe, Chyoi pra ai lam ngu na maru ai; n san n seng ai ni dai hku lai sa lu na n rai; bawng lawt ai ni hkrai sa lu nna, dai lam hkan ai ni hta angawk ai wa pyi, lam yit na n rai.

YEREMIA 6:16

Yehowa ning nga ai: “Lam mashe makau e tsap nna mada yu mu; myi na lam dingsa ni hpe tam let, Kaja ai lam gara mahtang rai ta? nga nna san let, dai hku hkan mu; shing rai yang, nanhte a myit masin ban sa na ra ai; rai timung, Anhte n hkan na ga ai, nga nna shanhte htan ma ai.

MAHTE 22:16

Shaloi shanhte gaw, tinang a sape ni hte Herodi ngu ai ni hpe shi hpang de shangun dat mu ai rai nna, “Sara e, nang tengman nga ndai hte, Karai Kasang a lam hpe teng teng sharin shaga nga ndai rai nna, masha a myi man hpe n tau yu ai sha, kadai hpe mung nang n agam nga ndai gaw, anhte chye nga ga ai:

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MAHTE 7:14

Asak hkrung ai de hkrang ai chyinghka chyawm gaw, gyip nga ai hte de a lam gyeng nga ai rai nna, dai hpe mu tam ai ni n law ma ai.

MARKU 12:14

Shaloi shanhte du nna, “Sara e, nang tengman nga ndai hte, kadai hpe mung n agam nga ndai gaw anhte chye ga ai; masha a myi man hpe nang n tau yu ai sha, Karai Kasang a lam hpe tengman ai hku sharin shaga nga ndai. Kehta hkawhkam hpe hkanse mai bang ga ni?

MARKU 13:22

Kaning rai nme law, masu ai Hkristu hte rai timung, masu ai myihtoi hte rai timung, paw pru nna, lata la ai ni hpe shadam lu yang, shadam lu hkra, lamik kumla hte mauhpa amu shachyen na mara ai.

YAWHAN 14:6

Yesu gaw, “Lam gaw ngai rai nga nngai, tengman ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.

KASA 13:10

“Myit magaw lam yawng hte gumle gumlau yawng hpring nga ai, nat a kasha, dingman ai lam shagu a hpyen wa e, Madu a dingman ai lam hpe hkap shadang na n sim nga n ni?

KASA 14:2

Rai timung, n madat hkraw ai Yuda masha ni gaw, maigan masha ni hpe myit shadut nna, hpunau ni hpe n dawng na hku gumlau mu ai.

KASA 16:17

Numsha dai mi Pawlu hte anhte kaw hkan nang nang rai nhtawm, “Ndai ni gaw law, nanhte hpe hkye hkrang la ai lam tsun dan ai, Tsaw Htum ai Karai Kasang a shangun ma ni rai nga ma ai law,” nga nna jahtau htau re ai.

KASA 18:26

ya shi gaw tara jawng hta nden ja ai myit hte nnan hkaw hpang wa nga ai. Shaloi Priskila yan Akula gaw, shi hkaw tsun ai ga na jang, shi hpe shaga la nna, Karai Kasang a mungga lam azin ayang naw sharin shachyang ya mu ai.

KASA 19:9

Rai timung, nkau mi gaw myit ja ma ai rai nna, n madat hkraw ai hta n-ga, shawa masha ni a man e ndai Lam hpe aroi asawng ya jang, shanhte kaw na shi pru nna, sape ni hpe kaga jahka la nhtawm, Turanu ngu ai wa a hpaji jawng hta, shani shanang sharin shaga hkat nga ai.

KASA 22:4

numsha lasha hpe gyit hkang sharen nna, htawng hta bang kau let, ndai lam hpe sat kau ai du hkra, zingri zingrat yu ni ai.

KASA 24:14

Rai timung, lam mi chyawm gaw nang hpe shapraw dan de ga; Jep ai tara lam shagu hte myihtoi ni a laika hta ka da ai hku yawng mayawng kamsham let, shanhte hka bra Lam ngu nna shamying ai htung hku hkan nna, ngai ji wa ni a Karai Kasang hpe nawku nga nngai:

ROMA 2:24

Kaning rai nme law, Karai Kasang a amying ningsang gaw, nanhte a majaw maigan amyu ni hta shatan nhkan hkrum nga ai, nga nna laika hta ka da ai hte maren rai nga ai.

1 TIMOHTI 5:14

Dai rai nna, aprat garai n kaba ai gaida jan ni gaw hkungran nna, kashu kasha shangai ai hte, kun dinghku hpe yu lajang let, nhtan shai ai ni a matu shatan nhkan ai lam n shapraw u ga, ngai ra nga nngai:

TITU 2:5

shingdi ai, sari sadang rawng ai, kun dinghku shading chye ai, mai kaja ai myit madun nna, tinang madu wa hkang ai hku hkan ai ni rai lu na matu, len shalet chye ai gumgai ni rai nga mu ga.

TITU 2:8

nhtan shai ai wa gaw kaya hkrum nna, anhte a lam hpa mara n shagun lu u ga, na a sharin shaga ai lam hta, n sun n ang ai ga n nang ai, si si re ai hte kadai ndang shara n rawng ai, san seng ai mungga madun dan u.

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

2 PETRU 2:12

Dai masha ni mahtang gyit hkang la nna, jahten shabya na matu mara myit n leng ai ashu ashan ni zawn pra wa ai ni nan, rai nga ma ai; n chye n chyang ai hpa lam hpe mung shanhte shatan nhkan mu ai rai nna, tinang ni e jahten shabya di ai lam hta jahten shabya ai hkrum na hte, n ding n man ai amu a matu mara n ding n man ai shabrai hkam la na maru ai.

2 PETRU 2:15

Dai malang ai lam hpe shanhte kau da manu ai rai nna, n ding n man ai shabrai hpe tsawra wu ai Beora a kasha Balam a lam hta, hkan nga ma ai:

2 PETRU 2:18

Kaning rai nme law, hkum shan a myit marin nna, mak kayuk nga ai hku hkan yang, kaman lila grang ai ga kaba a tsun nga let, lam dam mat ai ni kaw na lawt lu magang wa ai ni hpe, shanhte lau la mu ai;

2 PETRU 2:21

Kaning rai nme law, dai dinghpring ai lam hpe chye chyang la nhtawm e, shanhte hpe ap da mu ai chyoi pra nga ai hkang da ai ga hpe tawt lai kau ai hta, dai lam hpe n chye nga yang mahtang gaw, shanhte a matu grau nna mai nga ai.

2 PETRU 2:7

rai timung, dai mare na n se ai masha ni a n san n seng ai arawn alai majaw, myit tsang hkrum ai dinghpring ai Lawt hpe gaw, shi mawai la wu ai:

YUDA 1:10

Dai ni mahtang gaw, shanhte n chye n chyang ai hpa lam hpe mung, shatan nhkan nga ma ai; myit n leng ai ashu ashan ni zawn, tinang myit hte chye na lu ai lam hta pyi, tinang dai tinang hkum hpe jahten shabya kau mu ai.

YUDA 1:15

tara n hkungga ai ni nlang hte gaw, tara n hkungga ai myit hte galaw dan ai tara n hkungga ai amu mahkra a matu mara mung, tara n hkungga ai yubak galaw ai ni, shi a lam tsun dan mu ai n hkru ai ga mahkra a matu mara mung, shanhte hpe madun dawdan mu ga, dai Madu gaw shi a chyoi pra ai luksuk mun sen ni hte, du sa ra ai, nga ai.

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.

YUDA 1:7

Dai hte maren, Sodom yan Gomora hte, dai mare yan zawn, grup yin na mare ni mung, shut hpyit lai ai amu galaw nna, lasha shada da tam shut nga ai a jaw e, dai ni hpe ningli shatai na matu, prat dingsa na wan nhpra hta e ari hkrum sha mu ai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 13:14

Shawng na matse labye a man e galaw lu ai lamik kumla ni hte ga ntsa de nga ai ni hpe shi hkalem kau wu ai rai nna, nhtu hkang nma hkrum timung, naw hkrung nga ai matse labye a hkrang sumla galaw na, ga ntsa nga ai ni hpe tsun dat wu ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.