2 PETRU 2:18 - Jinghpaw Hanson Version Bible

¹⁸ Kaning rai nme law, hkum shan a myit marin nna, mak kayuk nga ai hku hkan yang, kaman lila grang ai ga kaba a tsun nga let, lam dam mat ai ni kaw na lawt lu magang wa ai ni hpe, shanhte lau la mu ai;

Jinghpaw Common Language Bible 2009

¹⁸ Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.

2 PETRU 2:18 ပူးပေါင်းရင်းမြစ်များ

1 HKAWHKAM 13:19

Shing rai shi hte rau bai wa nna, shi a nta hta muk mung sha, ntsin mung lu rai nga ai.

EZEKELA 35:13

Nanhte gaw nanhte a n-gup hte nye a lam ga kaba tsun nna, nye a man e gumrawng grang nga myit dai: ngai dai lam na ni ai.

Daniela 11:36

“Dai hkawhkam wa gaw shi myit ra ai hte maren galaw nna, hpara ni mahkra ntsa e tinang hkum hpe shagrau shatsaw ai hte, hpara ni a Karai Kasang hpe shinggan kau nna, mauhpa ga tsun na ra ai; pawt sindawng hpring ai aten du hkra, shi awng wa na ra ai; kaning rai nme law ndat da ai lam gaw dik wa na ra ai.

Daniela 4:30

“Ndai mare gaw nye a mungdan daju tai nga nna, nye a hpung shingkang dan hkung na matu, nye a hpung shingkang hte ngai de da ai, galu kaba ai Babelon mare rai nga ai, n rai ni?” nga nna tsun ai.

KASA 2:40

Ga kaga law law hte mung shi sakse hkam nna, “Ndai myit magaw ai amyu hta na lawt pru myit ga law,” ngu nna shanhte hpe shadum jahprang wu ai.

KASA 8:9

Rai timung, Simun mying ai wa langai mi, shawng e dai mare hta lakle amu dan nna, shi hkum hpe, “Ngai gaw kang ai wa rai nngai,” nga nna Samari masha ni hpe shamau mu ai:

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

EHPESU 4:17

Dai rai nna, dai Madu a ahkang hte ndai lam ngai tsun nna sakse hkam nngai: maigan masha ni gaw tinang a kaman lila myit hte hkawm nga ma ai hte maren, nanhte gaw naw hkum hkawm nga myit:

2 HTESALONI 2:4

dai wa gaw Karai ngu mangu hte mung, nawku ai lam yawng mayawng hte mung, nhtan shai nga ai hte tinang dai shagrau la nna, Karai Kasang a nawku Htingnu hta dung nga let, shi hkum nan hpe Karai Kasang shatai da wu ai.

YAKU 5:5

Nanhte gaw ga ntsa e shakawng n dawng rai nga ai hte, pyaw daw hkrai kadaw myit dai; sat ai shani hta e, nanhte gaw tinang a myit hpe kawn da manit dai.

2 PETRU 1:4

nanhte gaw mungkan ga a myit marin ai hten bya ai lam na lawt lu wa let, Karai Wa a myit marai hpe dagraw la lu myit ga, arawng lu ai hte galu kaba la ai ga ndat ni, shi anhte hpe jaw dat mi ai.

2 PETRU 2:14

Shanhte a myi gaw num shaw ai amu hte yubak baw sumhpa hte hpring chyat nga ma ai rai nna, shanhte gaw n ngang n hkang re ai ni hpe lau la mu ai: shanhte myit lawhpa ai hta maju jung nga malu ai; dagam dala hkrum ai kashu kasha ni mung, shanhte rai nga ma ai.

2 PETRU 2:2

Masha law law wa mung shanhte a mak mat ai lam hkan nang ma ai hte, shanhte a matu mara, dai tengman ai lam gaw, shatan nhkan hkrum mat na ra ai.

2 PETRU 2:20

Dai hta kaga, anhte a Madu hte Hkye hkrang la ai wa Yesu Hkristu hpe chye chyang lu ai a gawp e, shanhte gaw mungkan ga a matsat shabat lawt lu nhtawm e, dai hta e a gyit ahkang da nga ai hpe bai hkrum hkrup nna, dai gaw shanhte hpe bai dang kau mu yang gaw, dai ni a hpang na gaw shawng na hta grau nna yak wa nga ai.

2 PETRU 2:7

rai timung, dai mare na n se ai masha ni a n san n seng ai arawn alai majaw, myit tsang hkrum ai dinghpring ai Lawt hpe gaw, shi mawai la wu ai:

2 PETRU 3:17

Nanhte chyawm gaw, tsawra ai ni e, ndai hte hpe shawng e chye manit dai majaw, tara n lang ai ni a lam dam mat ai hta e nanhte mung n lawm ai hte, nanhte a ngang hkang ai myit, jahten shabya kau ai n hkrum myit ga, a maja nga mu:

YUDA 1:13

tinang a kaya kahpa hpe hkumbawp zawn shabawp ma ai, nawng na hta wa ai hka leng ni hte, prat dingsa na chyang htat ai nsin hta e rim da hkrum ai, pran mat ai shagan ni zawn, shanhte rai nga ma ai.

SHINGRAN 13:11

Bai, aga kata de na pru lung wa ai matse labye kaga ngai mu nngai: shi gaw sagu kasha a nrung hte bung ai nrung lahkawng tu nna, baren numraw zawn ga tsun nga ai.