2 PETRU 2:14 - Jinghpaw Hanson Version Bible

¹⁴ Shanhte a myi gaw num shaw ai amu hte yubak baw sumhpa hte hpring chyat nga ma ai rai nna, shanhte gaw n ngang n hkang re ai ni hpe lau la mu ai: shanhte myit lawhpa ai hta maju jung nga malu ai; dagam dala hkrum ai kashu kasha ni mung, shanhte rai nga ma ai.

Jinghpaw Common Language Bible 2009

¹⁴ Shanhte gaw kaga hpa hpe mung n yu ra ma ai, arawn alai hten ai num ni hpe sha yu ra ma ai; shanhte yubak galaw ai majaw hkam la lu ai namchyim a myit dik hpa lam n htum hkraw malu ai. Shanhte gaw makam masham n-gun kya ai masha ni hpe shanhte a mahkam hta lu hkra lau la mu ai. Shanhte a myit masin ni hpe nammak lawhpa chye na matu shaman shakyang manu ai. Shanhte gaw Karai Kasang a dagam dala ai hkrum nga masai.

2 PETRU 2:14 ပူးပေါင်းရင်းမြစ်များ

YOBA 31:7

Nye a lagaw lam yit nga nna, nye a myit masin nye a myit ra ai hku hkan nga ai hte, nye a lata hta kashun kashe lawm nga yang,

YOBA 31:9

Ngai gaw masha jan hpe hkan masen nna, htingbu wa chyinghka makau e gawp nga ai rai yang,

GA SHAGAWP 5:6

Shi gaw asak hkrung ai numda lam hpe n mu nga ai; Shi a lam ni ndi nda rai nga timung, shi dai n chye nga ai.

GA SHAGAWP 6:25

Shing re ai num tsawm htap timung, ra gasit ai myit hkum rawng et. Shi a myi kaw hte nang hpe n lau la u ga.

ESAIA 1:16

Tinang hkum kashin kau mu; tinang dai jasan jaseng mu; nanhte a n hkru ai amu hpe, nye a myi man kaw na yeng seng kau mu; n shawp ai arawn alai kau da mu.

ESAIA 34:5

Kaning rai nme law, nye a nhtu gaw, sumsing lamu hta lu hkru nga ai; yu u, dai gaw Edom a ntsa e mung, ngai dagam ai amyu a ntsa e mung, ngai dagam ai amyu a ntsa e mung, ari jaw na matu du na ra ai.

ESAIA 65:20

“Dai mare hta ma chyangai e si na n rai, asak n dik ai dingla mung nga na n rai; asak latsa hta si ai wa hpe, ma naw ngu na rai nga ai; yubak kap ai wa gaw asak latsa hta si yang, dagam dala hkrum ai wa,” ngu na rai nga ai.

YEREMIA 13:23

Ehtiopi wa gaw tinang a ahpraw asam, rawnggawk gaw tinang a ateng apang ka ai hpe, galai kau lu na a ni? dai rai yang, n hkru n hkra galaw man ai ni, nanhte nan, kaja ai amu galaw lu na myit dai.

EZEKELA 13:18

Madu Yehowa ning nga ai, ‘Myit masin hpe rim la na nga, yawng mayawng a machyang ndum matu, bunghkum chywi nna, kaji kaba ni a baw ntsa e baw magap htinggrum ai num ni gaw, dingnye lu ma ai. Nanhte gaw nye amyu masha ni a myit masin hpe rim la nna, nanhte hte seng ai ni hpe jahkrung da na myit ni?

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? kaning rai nme law, kraw hta hpring chyat nga ai kaw na, n-gup de tsun nga ai.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

MAHTE 5:28

Ngai mahtang nanhte hpe tsun made ai gaw, myit madu hte numsha hpe yu yu nna ra ai wa gaw, shi a myit hta, dai numsha hte, num shaw ai amu galaw nu ai.

MARKU 13:22

Kaning rai nme law, masu ai Hkristu hte rai timung, masu ai myihtoi hte rai timung, paw pru nna, lata la ai ni hpe shadam lu yang, shadam lu hkra, lamik kumla hte mauhpa amu shachyen na mara ai.

YAWHAN 5:44

Shada da jaw ai arawng sadang hkam la nna, langai sha rai nga ai Karai Kasang e jaw ai arawng sadang hpe n tam ai ni, nanhte wa mi, kaning rai kamsham lu na myit ta?

ROMA 16:18

Kaning rai nme law, shing re ai ni gaw, anhte a Madu Hkristu hpe n daw jau ai wa, tinang kan a matu sha tsang ma ai rai nna, naw kaja nga ai ni a myit hpe ga sau ga pyaw hte hkalem kau ma ai.

1 KORINHTU 11:19

Kaning rai nme law, nanhte hta e tengman ai ni dan pru u ga, bra wa na lam pyi nanhte hta e byin lu na ra ai.

EHPESU 2:3

Anhte nlang hte mung shanhte hte rau shawng e kanawn nga nna, anhte a hkum shan a marin marit ai lam hkan let, hkum shan hte kraw lawang na myit mang ai hku hkan galaw ga yang, shanhte gale hte maren pawt sindawng ging ai kashu kasha ni majing rai nga ga ai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

KOLOSE 2:18

Myit shagyip ngu na lam tam nna, lamu kasa hpe nawku na htung hte, kadai mung nanhte hpe n hkalem sha u ga; shing re ai wa gaw tinang a man e mu ai hpe sha machyu nga ai hte, tinang hkum shan a myit hta kaman lila grang ai wa rai nna, dai baw hpe n manat nga ai;

YAKU 1:8

shi gaw myit mashe rawng nga ai rai nna, shi a lam shagu hta agyoi ai wa rai nga ai.

2 PETRU 2:18

Kaning rai nme law, hkum shan a myit marin nna, mak kayuk nga ai hku hkan yang, kaman lila grang ai ga kaba a tsun nga let, lam dam mat ai ni kaw na lawt lu magang wa ai ni hpe, shanhte lau la mu ai;

2 PETRU 2:3

Shanhte gaw lawhpa ai myit hkan let, hkalem ai ga hte nanhte hpe hpaga ga na marin dai: shanhte hpe dawdan na ari chyawm gaw, moi chyaloi nhkoi kaw nna n lanyan ai hte, shanhte hkrum sha na tsin-yam tsindam gaw gaungwi gausi yup shamwi nga ai n rai.

2 PETRU 3:16

Dai laika ni hta e chye yak ai lam langai ngai rawng nga ai rai nna, n sharin yu ai ni hte myit n gring ai ni gaw, dai Chyum laika ni kaga hpe zawn, tinang dai a jahten shabya na matu shanut kau mu ai.

1 YAWHAN 2:16

Kaning rai nme law, dinghta ga hta e nga ai, hkum shan kayut ai lam, myit marin ai lam hte ndai prat na grang ai lam nlang hte gaw, dai Kawa kaw nna pru ai nrai: dai gaw dinghta ga kaw nna pru ai rai nga ai.

YUDA 1:11

Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.