2 PETRU 2:12 - Jinghpaw Hanson Version Bible

¹² Dai masha ni mahtang gyit hkang la nna, jahten shabya na matu mara myit n leng ai ashu ashan ni zawn pra wa ai ni nan, rai nga ma ai; n chye n chyang ai hpa lam hpe mung shanhte shatan nhkan mu ai rai nna, tinang ni e jahten shabya di ai lam hta jahten shabya ai hkrum na hte, n ding n man ai amu a matu mara n ding n man ai shabrai hkam la na maru ai.

Jinghpaw Common Language Bible 2009

¹² Rai ti mung ndai masha ni gaw hkwi rim la nhtawm sat kau na matu nga pra ai du sat chyazai ni zawn shanhte pyi n chye ai lam ni hpe hkritung myit hte roi asawng ai amu galaw ma ai. Shanhte gaw du sat chyazai ni zawn jahten shabya kau ai hkrum na mara ai.

2 PETRU 2:12 ပူးပေါင်းရင်းမြစ်များ

SHAKAWN KUNGDAWN 49:10

Gaja wa, hpaji hparat rawng ai wa si mat ai hte, Mana ai wa hte angawk ai wa rau hten mat nna, Tinang a sutgan hpang na ni hpe htawng da ya ma ai gaw, shi a mu lu nga ai.

SHAKAWN KUNGDAWN 92:6

Dai gaw karing karang masha n chye na lu ai, Angawk ai wa mung n myit hkawn lu ai.

SHAKAWN KUNGDAWN 94:8

Amyu masha ni hta myit n kung ai ni e, dum nga mu; Angawk ai ni e, galoi wa mi she hpaji chye na myit ta?

GA SHAGAWP 14:32

Tara n lang ai wa gaw tinang a n hkru ai hta kadawng mat nga ai; Dinghpring ai wa chyawm gaw, si wa yang, pyi, shingbyi shara mu nga ai.

YEREMIA 10:21

Kaning rai nme law, sagu rem ni dusat myit rawng nna, Yehowa hpe n tam ma ai: dai re ai majaw shanhte n awng lu ai hte, shanhte a sagu hpung ni yawng, dumbru dumbra rai nga ma ai.

YEREMIA 10:8

Shanhte yawng dusat myit rawng nna, mana bu ai ni rai nga ma ai; sumla ni a lam sharin ai gaw hpun a lam sharin ai sha rai nga ai.

YEREMIA 12:3

Nang chyawm gaw, Yehowa e, ngai hpe chye nga ndai; ngai nang hte myit hkrum ai hpe, nang dinglik yu nna mu ndai: sat kau na matu sagu ni hpe dun shapraw ai zawn, tara n lang ai ni hpe dun shapraw nna, sat na shani a matu san da mu.

YEREMIA 4:22

Gaja wa, nye a amyu masha ni myit n su ma ai; shanhte ngai hpe n chye ma ai; n shawp ai kasha tai nna, nyan n rawng ma ai; n kaja ai amu hta let nga ma ai; kaja ai amu n chye galaw ma ai.

YEREMIA 5:4

Dai rai ngai gaw, Gaja wa, ndai ni gaw matsan mayan ni hkrai rai nga ma ai; Yehowa a lam hpe mung, tinang a Karai Kasang a tara hpe mung n chye ma ai majaw, angawk angak rai nga ma ai:

EZEKELA 21:31

Madu Yehowa ning nga ai, Htan bam hpe malaw kau u, janmau hpe raw kau u; ya gaw shawng na hte n bung ai; nem ai hpe shatsaw u, tsaw ai hpe shanem u.

MARKU 7:22

hkalem ai, ngang ai, manawn masham ai, shatan nhkan ai, gumrawng ai hte angawk angak re ai myit, pru wa ai:

YAWHAN 8:21

Dai re ai majaw shi shanhte hpe bai tsun mu ai gaw, “Ngai wa mat na nngai, shaloi nanhte ngai hpe tam na marin dai; tinang a yubak hta mung, nanhte si na myit dai: ngai wa ai shara de mung, nanhte n du lu na myit dai,” ngu mu ai.

GALATI 6:8

Tinang hkum shan hta gat hkai ai wa gaw, hkum shan hta na hten byak ai dan la na ra ai; Wenyi hta e gat hkai ai wa chyawm gaw, Wenyi hta na htani htana asak dan la na ra ai.

KOLOSE 2:22

dai yawng hte gaw asung shang nna, hten mat na sha rai nga ai.

2 PETRU 1:4

nanhte gaw mungkan ga a myit marin ai hten bya ai lam na lawt lu wa let, Karai Wa a myit marai hpe dagraw la lu myit ga, arawng lu ai hte galu kaba la ai ga ndat ni, shi anhte hpe jaw dat mi ai.

2 PETRU 2:19

shanhte gaw dai ni hpe lawt lu na ahkang, ga ndat da ma ai rai timung, tinang pyi hten byak wa ai a mayam ni rai nga ma ai; kaning rai nme law, dang kau ai hkrum ai wa gaw, shi hpe dang lu ai wa a mayam rai nga ai.

YUDA 1:10

Dai ni mahtang gaw, shanhte n chye n chyang ai hpa lam hpe mung, shatan nhkan nga ma ai; myit n leng ai ashu ashan ni zawn, tinang myit hte chye na lu ai lam hta pyi, tinang dai tinang hkum hpe jahten shabya kau mu ai.