2 PETRU 2:10 - Jinghpaw Hanson Version Bible

¹⁰ Dai ni gaw nden ja ai ni hte, tinang a myit hkan nna, hpung shingkang rawng ai ni hpe n hkrit kamyin ai sha, shatan nhkan nga ai ni rai nga ma ai;

Jinghpaw Common Language Bible 2009

¹⁰ Grau nna hkum shan a matsat shabat ngang kayut ai lam hta hkan sa nna Karai Kasang a ahkang aya hpe n gawn n sawn ai ni gaw shing re ai lam ni hkrum na mara ai, Ndai masu ai sara ni gaw grai gwi nna gumrawng gumtawng re ai hte ning tsa de na hpung shingkang rawng ai ni hpe hkungga lara ai lam n madun ai sha shanhte hpe asawng asang di ma ai.

2 PETRU 2:10 ပူးပေါင်းရင်းမြစ်များ

NINGPAWT NINGHPANG 49:6

Nye myit masin e, shan a bawng ai hta hkum lawm et; Nye a arawng sadang e, shan a hpung hta hkum shang et; Shan a masin pawt ai hte masha asak sat manu ai, Tinang myit hkan nna usu lahkap dan masai.

2 SAMUELA 20:1

Dai shaloi, Ben-yamin amyu Bihkri a kasha, Sheba mying ai n hkru ai wa langai mi nga ai: dai wa gaw, pahtau dum nna, Israela masha ni e, Anhte gaw Dawi hte hpa mung n seng ga ai; Yese a kasha hta hpa Sali mung n lu ga ai: Israela masha ni e, langai hte langai tinang a sum de wa mu, ngu wu ai,

1 HKAWHKAM 12:16

Hkawhkam wa gaw shanhte a ga n madat nga ai hpe, Israela amyu masha ni yawng mu mu ai shaloi jang, shanthe gaw, Anhte Dawi hta hpa daw nga ga ta? Yese kasha hta anhte Sali n lawm ga ai; Israela e, na a sum nta ni de bai wa nu; Dawi e, na nta hpe ya yu yu u law, ngu nna hkawhkam wa hpe htan nhtawm, Israela gaw tinang a sum nta ni de bai wa ma ai.

SHAKAWN KUNGDAWN 12:4

Nga nna, bawk ai nten nlang hte hte, Ga kaba tsun ai shinglet hpe, gadoi kau u.

PRU MAT 22:28

Nang Karai Kasang hpe shatan lu na ndai n rai; na amyu hta na du hpe mung matsa lu na n rai.

HPAJI NINGLI 10:20

Hkawhkam wa hpe kraw e pyi hkum dagam et; na a yup gawk kata e sut su ai ni hpe hkum dagam et: kaning rai nme law, ntsa malen pyen ai u, dai nsen hpe htawn tsun nna, singkaw tu ai baw, dai hpe shabrawng dan na mara ai.

YEREMIA 2:31

Amyu masha ni e, Yehowa a ga hpe sumru yu mu: ngai gaw Israela amyu a matu nam mali, shing n rai, nsin htat ai mungdan tai yu ni ni? nye a amyu masha ni gaw, Anhte prang mat saga ai; nang hpang de bai wa na n rai, nga nna hpa majaw tsun nga ma ta?

BU HKAWM 15:30

Israela kashu kasha wa rai timung, amyu kaga wa rai timung, dingsa sa shut ai rai yang gaw, Yehowa hpe n gawn n sawn re ai rai nga ai majaw, dai wa gaw shi a amyu hta na sumri dan kau ya ai hkrum lu na rai wu ai.

LUKA 11:25

Bai du wa yu yang, dai nta gaw asan awan, ye kau nna mawn da nga la ai hpe, wa mu wu ai.

LUKA 19:14

Shi a mung masha ni chyawm gaw, shi hpe n dawng da mu ai rai nna, ‘Ndai wa anhte a ntsa e up nga na, anhte n ra ga ai,’ ngu nna shi a hpang e kasa hkan shangun dat mu ai.

KASA 23:5

Pawlu gaw, “Hpunau ni e, shi hkinjawng agyi re ai ngai n chye nna rai sai; ‘na amyu ntsa e up ai wa hpe roi lu na n rai,’ nga nna ka da nga ai,” nga nna bai yin wu ai.

ROMA 8:1

Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

1 KORINHTU 6:9

N ding n man ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit: hpye ai amu galaw ai ni mung, gawngngu sumla nawku ai ni mung, num shaw ai ni mung, ngang ai ni mung, la shada tam ai ni mung,

2 KORINHTU 10:3

Kaning rai nme law, hkum shan hta anhte hkawm nga ga ai rai timung, hkum shan hking hku hkan nna majan gasat nga ga ai n rai;

EHPESU 4:19

shanhte gaw hpa hkrit kaya ngu ai n dum ai majaw, nammak lawhpa ai hta n san n seng ai bungli amyu myu shachyen hkra, tinang a hkum hpe ngang kayut ai hta, nawng kau mu ai.

EHPESU 5:5

Kaning rai nme law, hpye ai wa, n san n seng ai wa hte, gawngngu sumla nawku ai wa rai nga ai nammak lawhpa ai wa kadai rai timung, Hkristu yan Karai Kasang a mungdan hta sali wunli hpe n lu nga ai gaw, nanhte nan chye na myit dai.

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

1 HTESALONI 4:7

Kaning rai nme law, Karai Kasang gaw n san n seng ai hta nanhte hpe shaga la manit dai n rai, chyoi pra ai hta shaga la manit dai.

2 TIMOHTI 3:2

kaning rai nme law, masha ni gaw, tinang hkum hpe tsawra ai ni, gumhpraw marin ai ni, grang dakat ai ni, gumrawng gumtawng re ai ni, shatan nhkan chye ai ni, kanu kawa ga n madat ai ni, chyeju n chye dum ai ni, n chyoi n pra ai ni,

TITU 1:7

Kaning rai nme law, Hpung up wa gaw, Karai Kasang a kunhting wa zawn, mara n rawng ai wa, mai rai nga ai; tinang myit machyu ai wa, sindawng katawt ai wa, chyaru len ai wa, anu ajin re ai wa, n san n seng ai sut marin ai wa, n mai rai ai sha,

HEBRE 13:4

Hkungran ai lam gaw, yawng mayawng a man e arawng lu u ga; hkungran ai yup ra mung, san seng nga u ga: kaning rai nme law, hpye ai amu galaw ai ni hte num shaw la shaw ai ni hpe, Karai Kasang tara dara na wu ai.

2 PETRU 3:3

Kaning rai nme law, hpang jahtum na nhtoi hte hta, tinang a myit kayut ai hku hkan nna, asawng asang rai let, Dai Madu bai du na ra ai, nga ai ga ndat gaw, kanang rai nga a ta?

YUDA 1:10

Dai ni mahtang gaw, shanhte n chye n chyang ai hpa lam hpe mung, shatan nhkan nga ma ai; myit n leng ai ashu ashan ni zawn, tinang myit hte chye na lu ai lam hta pyi, tinang dai tinang hkum hpe jahten shabya kau mu ai.

YUDA 1:16

Shanhte gaw, wu wu di di rai nna, put ngun nga ai ni, rai nga ma ai; tinang a myit marin ai hku hte maren shanhte hkan hkawm ma ai; shanhte a n-gup grang ai ga kaba tsun nga ai; sake manawn lu sha hkra, masha a myi man hpe tau yu ai ni, shanhte rai nga ma ai.

YUDA 1:18

kaning rai nme law, shanhte gaw, Hpang jahtum ai aten e tinang a n se ai myit marin ai hku hte hkan hkawm ai asawng asang re ai ni, du na mara ai, ngu nna nanhte hpe tsun dan manit dai.

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.

1 SAMUELA 10:27

Rai timung, je hpre ai masha nkau mi gaw, “Ndai wa sha mi anhte hpe kaning rai hkye la lu na a ta?” nga nna shi hpe n gawn n sawn rai let, kumhpa n sak ai nga nga ma ai: shi chyawm gaw atsin sha nga nga ai.