2 PETRU 1:5 - Jinghpaw Hanson Version Bible

⁵ Dai re ai majaw, nanhte mung, tin tin larau ladau rai nga let, nanhte a kamsham ai myit hta san seng ai marai a shajat nga mu; san seng ai marai hta chye chyang ai;

Jinghpaw Common Language Bible 2009

⁵ Ndai lam nan a majaw, nanhte a makam masham hta mai kaja ai lam, mai kaja ai hte chye chyang ai lam a shajat nga mu.

2 PETRU 1:5 ပူးပေါင်းရင်းမြစ်များ

SHAKAWN KUNGDAWN 119:4

Na a ga matsun hpe htep lahti hkan lu mu ga, Nang anhte hpe htet da nit dai.

GA SHAGAWP 4:23

Myit masin gaw asak a npawt nhpang rai nga ai majaw, Dai hpe tsam mari bau sin nga u.

ESAIA 55:2

Shahpa n re ai a matu, nanhte a gumhpraw hpe mung, hkru kat n chye ai arai a matu, nanhte a n-gun hpe mung, hpa majaw ginlut kau nga myit ta? nye a ga atsawm sha madat mara let, mai kaja ai hpe sha nna, nanhte a myit masin sau hpum ai hta awng sharawng nga mu ga.

ZEHKARIA 6:15

Shing rai tsan tsan e rai nga ai ni, sa du nna, Yehowa nawku Htingnu hpe, gaw da karum na mara ai rai nna, Zaw nawng zaw wa up ai Yehowa gaw, nanhte hpang de ngai hpe shangun dat ai, nanhte chye lu na marin dai: nanhte gaw, nanhte a Karai Kasang Yehowa a nsen hpe, atsawm sha madat myit yang gaw, ndai lam byin na ra ai,’ nga ai.”

LUKA 16:26

Dai hta kaga, ndai yang nna nanhte hpang de rap sa mayu ai ni, n rap lu mu ga mung, dai yang nna anhte hpang de kadai n rap wa lu mu ga mung, anhte hte nanhte a lapran e sung la ai krung sinwa din nga ai, ngu nna htan wu ai.

LUKA 24:21

Anhte chyawm gaw, dai wa gaw Israela amyu hpe hkrang shaw la na wa re ai, ngu nna myit mada ga ai: rai timung, shing rai nna dai lam ni byin ai pyi gaw, dai ni masum ya du sai.

YAWHAN 6:27

Hten bya chye ai lusha a matu hkum shaja myit; Masha Kasha nanhte hpe jaw lu ai htani htana asak a matu, agrin nga ai lusha lu la na she shaja mu: kaning rai nme law, dai wa gaw, Kawa Karai Kasang a dazik kap ai wa rai nga ai,” ngu nna htan mu ai.

1 KORINHTU 14:20

Hpunau ni e, myit mang ai lam hta ma kaji hkum tai myit; n hkru n hkra ai lam hta she ma kaji tai nga mu; myit mang ai lam hta chyawm gaw, myit su ai ni tai nga mu.

EHPESU 5:17

Dai rai nna, angawk angak re ai ni hkum tai myit; dai Madu a myit ra ai lam, hpa rai nga ai gaw, chye ginhka nga mu.

HPILIPI 1:9

Dai hta kaga, nanhte lam kaga ga hpe chye ginhka lu nna, Hkristu a nhtoi hta san seng ai hte mara n rawng lu ai sha,

HPILIPI 2:12

Dai rai nna, ngai tsaw ngai ra ai ni e, nanhte galoi mung madat mara myit dai hte maren, ngai rau nga nga yang na zawn sha n re ai sha, naw tsan gang nga yang grau nna, nanhte a hkye hkrang la ai lam hpe hkrit gari ai hte shachyen shatsup nga mu:

HPILIPI 4:8

Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

KOLOSE 1:9

Dai re ai majaw, anhte mung na yu lu ai shani kaw nna, nanhte a matu mara akyu hpyi na, n sim n sa rai nga ai hte: Wenyi hte seng ai hpaji byeng-ya hte nyan amyu myu hta shi a myit mang ai a chye chyang ai lam hte nanhte hpring chyat lu nna,

KOLOSE 2:3

Hkristu hta e chyawm gaw hpaji byeng-ya hte chye chyang ai lam ngu ai sutgan yawng mayawng kyem da nga ai.

HEBRE 11:6

makam masham n rawng yang gaw, shi a man e sharawng awng ai lu la na n rai; kaning rai nme law, Karai Kasang kaw sit shang ai wa gaw, Karai kasang nga nga ai mung, shi e hkan tam ai ni hpe chyeju htang jaw lu ai mung, kamsham lu na rai nga ai.

HEBRE 12:15

Nanhte hta na langai ngai, Karai Kasang a chyeju hkam la ai hta n yet mat myit ga mung, nanhte hpe sharu shatsang lu hkra, hka la ai ru tu pru nna, law malaw hpe awu asin di kau ai n hkrum myit ga mung,

HEBRE 6:11

Dai rai nna, nanhte gaw n lanyan nga ai sha, makam masham hte shakut sharang ai a majaw, ga ndat ni a sali wunli hkam la lu ai ni a hkan sharau ai ni tai myit ga,

YAWSHU 7:3

Dai ni gaw Yawshu hpe bai wa nna, “Masha nlang wa n sa mu ga; hkying lahkawng hkying masum daram sa nna Ai mare hpe gasat mu ga: mare masha ni n law ma ai majaw, masha nlang hpe shaba kau shara n nga “ai, ngu nna tsun mu ai.

1 PETRU 3:7

Dai hte maren, lasha ni e, chye chyang ai hku hkan nna, n-gun kya ai hkumhkrang ngu ai numsha hte rau kanawn mazum nga mu: nanhte a akyu hpyi ai ga gang kau ya ai n hkrum myit ga, nanhte hte maren asak a sali wunli akyu lu la na ni hpe zawn, shanhte hpe hkungga lara di mu.

2 PETRU 1:10

Dai re ai majaw hpunau ni e, nanhte hpe shaga da ai hte lata la ai chyeju hpe shangang shakang rai lu u ga, larau ladau rai nga mu: dai hku galaw nga myit yang gaw, nanhte galoi mung kataw katan rai wa na myit dai n rai:

2 PETRU 1:11

dai lam hkan nga myit taw gaw, anhte a Madu hte hkye hkrang la ai wa Yesu Hkristu a htani htana prat dingsa na mungdan de shang wa lu na lam, nanhte hpe n taw n tsang di ya na marin dai.

2 PETRU 3:14

Shing rai myit mada ai lam ni rai nga myit dai majaw, tsawra ai ni e, ngwipyaw ai hku hkan let, shi a man e, matsat shabat hte agang chyalang n kap myit ga, shakut sharang nga mu.

2 PETRU 3:18

Anhte a Madu hte Hkye hkrang la ai wa Yesu Hkristu a chyeju hte chye chyang ai lam hta e, nanhte kaba wa nga myit ga. Ya e mung, htani htana prat dingsa e mung, Yesu Hkristu kaw hpung shingkang anga nga u ga law.