2 PETRU 1:4 - Jinghpaw Hanson Version Bible

⁴ nanhte gaw mungkan ga a myit marin ai hten bya ai lam na lawt lu wa let, Karai Wa a myit marai hpe dagraw la lu myit ga, arawng lu ai hte galu kaba la ai ga ndat ni, shi anhte hpe jaw dat mi ai.

Jinghpaw Common Language Bible 2009

⁴ Ndai lam hku nna grai galu kaba nna hpu ging ai chyeju kumhpa hte seng ai ga sadi ni anhte hpe jaw da mani ai. Dai rai nna ndai chyeju ni a marang e anhte gaw mungkan ga na jahten shabyak shangun ai myit marin ai lam kaw nna lawt lu nna Karai a marai hpe shang lawm dagraw lu myit dai.

2 PETRU 1:4 ပူးပေါင်းရင်းမြစ်များ

ROMA 9:4

shanhte gaw Israela masha rai nga ma ai; kasha yin la ai akyu mung, dai hpung shingkang mung, ga shaka ni mung, tara jaw ai shingran mung, daw jau ai lam mung, ga ndat ni hpe mung, shanhte lu ma ai:

2 KORINHTU 1:20

Karai Kasang a ndat ga gade law nga rai timung, shi hta e, Rai sa, hkrai rai nga ai; dai rai nna, anhte a lata e Karai Kasang a hpung shingkang pru u ga, shi a jaw e, Amen, ngu ai mung rai nga ai.

2 KORINHTU 3:18

Anhte nlang hte chyawm gaw myi man a man magap kun di kau nna, dai Madu a hpung shingkang hpe jamna hta mada yu let, dai Madu ngu ai Wenyi a marang e, hpung shingkang htap mi hte htap mi lu la ai hte, shing re ai hkrang bung sumla hte nan galai mat mat rai nga ga ai.

2 KORINHTU 6:17

Dai rai nna, Shanhte a ka-ang na pru nhtawm, Kaga lak lak rai wa mu, nga nna dai Madu tsun nga ai. Awu asin re ai hpe hkum hkra mu, Shaloi ngai nanhte hpe hkap la na made ai.

GALATI 3:16

Ya, dai ga ndat ni gaw Abraham hte shi a aru arat hpe tsun da nu ai. Aru arat ni nga ai gaw, law law wa hpe sha-ang ai zawn, shi tsun nga ai n rai: Na a aru arat ngu ai langai wa hpe sha shi tsun nga ai rai nna, dai gaw Hkristu rai nga ai.

GALATI 6:8

Tinang hkum shan hta gat hkai ai wa gaw, hkum shan hta na hten byak ai dan la na ra ai; Wenyi hta e gat hkai ai wa chyawm gaw, Wenyi hta na htani htana asak dan la na ra ai.

EHPESU 4:13

anhte nga manga hte gaw, dai makam masham a myit hkrum na lam hte, Karai Kasang a Kasha a chye chyang ai hpunda hpe dep lu nna, hkum tsup re ai masha ngu ai, Hkristu hte shadawn ram ai gawng shing-yan a lanang hkap lu hkra, rai na rai nga ai:

KOLOSE 3:10

hpan tawn da ai wa a hkrang bung sumla hte maren rai nga ai chye chyang ai lam hta ningnan tai wa ai gawng shing-yan ningnan hpe nanhte dagraw nga myit dai:

HEBRE 12:10

Shanhte gaw tinang ra ai hku hte maren tawng marang mi sha daru sharin ya lu mi ai; shi chyawm gaw, shi a chyoi pra ai anhte hkam la lu u ga, anhte a akyu matu daru sharin nga ai.

HEBRE 9:15

Dai rai nna mung, shaga la hkrum ai ni gaw, ga ndat hte seng ai htani htana sali wunli hkam la lu mu ga nga, shawng na ga shaka kata e tawt lai kau ai hpe hkrang shaw la na matu, si hkam lam byin pru sai majaw, shi gaw ga shaka ningnan a htinglu ya ai wa rai nga ai.

YAKU 1:27

nawku htung chyawm gaw, Ru tsang kyin dut hkrum ai jahkrai nmai ni hte, gaida gaina ni hpe kawan katsan yu yu nna, mungkan ga a awu asin re ai hpe koi kau na gaw, Kawa Karai Kasang a man e san seng ai hte ra n rawng ai nawku htung rai nga ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte, Hkye hkrang la ai Madu Yesu Hkristu a dinghpring ai lam hta, anhte zawn hpu la ai makam masham lu la nga ai ni hpe, ga shana dat nngai.

2 PETRU 3:13

Shing rai byin wa timung, shi a ga ndat majaw, dinghpring rawng ai sumsing lamu nnan hte ginding aga nnan hpe, anhte myit mada nga ga ai.

2 PETRU 3:9

Nkau mi gaw, Ala nga ai, nga nna myit ma ai hte maren, dai Madu gaw shi a ga ndat hpe shadik na ala nga ai n rai: rai timung, yawng mayawng myit kayin wa nna, kadai rai timung, hten bya ai n hkrum mu ga, shi ra nga ai majaw, shi nanhte hpe myit galu kaba madun nga ai.

1 YAWHAN 2:25

Anhte hpe jaw da ai ga n dat chyawm gaw, n htum n wai asak hkam la na ga n dat rai nga ai.

1 YAWHAN 3:2

Tsawra ai ni e, Karai Kasang a kashu kasha ni, anhte ya e rai nga ga ai rai nna, anhte hpa mi tai na, garai n dan pru nga ai: rai timung, shi dan pru nga yang, anhte shi hte bung na ga ai, anhte chye ga ai: kaning rai nme law, shi hkum hpe nan anhte mu lu na gaw ai.