2 PETRU 1:3 - Jinghpaw Hanson Version Bible

³ Hpung shingkang hte arawng sadang e anhte hpe shaga la ai wa a chye chyang lu ai nyan a gawp e, shi a Karai Wa atsam gaw, asak hkrung nga ai hte tara hkungga ai lam hta seng maseng hte anhte hpe jaw da mi ai rai nna,

Jinghpaw Common Language Bible 2009

³ Shi a hpung shingkang hte mai kaja ai lam hpe garan hkam la na matu anhte hpe shaga la ai Hkristu hpe chye chyang ai a marang e Karai Kasang a n-gun atsam gaw teng man ai nawku htung makam masham hta asak hkrung nga lu na matu anhte hta ra kadawn nga ai lam yawng mayawng jaw ya mani ai.

2 PETRU 1:3 ပူးပေါင်းရင်းမြစ်များ

SHAKAWN KUNGDAWN 110:3

Na a hpyen majan shani e, na a amyu masha ni gaw Chyoi pra ai hte mawn sumli let, hkan nang mayu nga ma ai; jahpawt manap jau jau na mari zawn, Na a brang ram ni nang kaw du na mara ai.

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

GA SHAGAWP 12:4

Sari rawng ai num gaw madu wa a janmau rai nga ai; Kaya jahkrum ai num chyawm gaw, madu wa a nrut nra ni shatsam kau ai mawng zawn rai nga ai.

GA SHAGAWP 31:10

Sari rawng ai num hpe kadai wa mu lu a ta? Shi gaw lungseng hta grau hpu nga ai.

GA SHAGAWP 31:29

Amyu shayi sha law law wa, kaja ma ai, rai timung, Nang gaw shanhte yawng hta grau ndai, ngu nna shi hpe shakawn wu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?

ROMA 9:24

shaga la ai anhte hta e, shi a grau ai hpung shingkang hpe chye shangun mayu ai rai nga a yang gaw, hpa tsun shara nga a ta?

1 KORINHTU 1:9

Anhte a Madu ngu ai, Kasha Yesu Hkristu hte kanawn mazum lu mu ga, nanhte hpe shaga la ai Karai Kasang chyawm gaw, kangka re ai wa rai nga ai.

2 KORINHTU 12:9

Dai rai nna shi gaw, “Nye a chyeju gaw na a matu ram nga ai; masha a gawng kya ai hta nye a n-gun atsam hkum tsup nga ai,” nga nna ngai hpe tsun ni ai. Dai re ai majaw, Hkristu a n-gun atsam gaw nye a ntsa e a up nga u ga, nye a gawng kya ai hta grau nna ngai gumrawng na ra nga nngai.

EHPESU 4:1

Dai re ai majaw, nanhte hpe shaga la manit dai shaga la ai lam hta e, nanhte ging dan ai hte hkawm nga myit ga, dai Madu a jaw e bawng dung ai wa, ngai gaw, nanhte hpe shadut jahkat made ai.

EHPESU 4:4

Nanhte hpe shaga la ai lam hta, myit mada shara langai sha de, shaga la manit dai hte maren, hkumhkrang langai sha hte Wenyi langai sha rai nga ai:

HPILIPI 3:8

Gaja wa nye a Madu Hkristu Yesu a chye chyang ai lam a chyahtum chyalai re ai a jaw e, yawng mayawng sum mat ai lam arai nga ai, ngai nawn nga nngai.

HPILIPI 4:8

Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

KOLOSE 1:16

Kaning rai nme law, sumsing lamu hte ginding aga hta yawng mayawng hte gaw, mu lu ai hte n mu lu ai hte hpe rai timung, hpa hkawhkam tingnyang, munggyi aya, du aya hte ahkang aya hte hpe rai timung, shi hta e hpan tawn da nga sai; arai yawng mayawng gaw, shi a jaw e mung, shi a matu mara mung, hpan tawn da nga sai.

1 HTESALONI 2:12

kawa gaw tinang a kasha ni hpe di ai hte maren, langai hte langai hte hpe anhte shadum jahprang nna, shangwi shapyaw ai hte sakse hkam ya ai hpe, nanhte nan chye nga myit dai.

1 HTESALONI 4:7

Kaning rai nme law, Karai Kasang gaw n san n seng ai hta nanhte hpe shaga la manit dai n rai, chyoi pra ai hta shaga la manit dai.

2 HTESALONI 2:14

Anhte a Madu Yesu Hkristu a hpung shingkang hpe lu la lu myit ga, de a matu mung, anhte a kabu gara shiga hte, shi nanhte hpe shaga la manit dai.

1 TIMOHTI 4:8

kaning rai nme law, hkumhkrang hpe jahpan ai lam gaw akyu loi sha mi nga ai rai timung, tara hkungga ai myit gaw lam shagu hta akyu nga ai rai nna, ndai aprat hte rai timung, htawm hpang na prat hte rai timung, seng ai ga ndat rawng nga ai.

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

HEBRE 1:3

shi gaw Karai Kasang a hpung shingkang a ningchya hte, shi a gawng shing-yan a hkrang sumla rai nga ai rai nna, shi a mungga atsam hte yawng mayawng hte hpe bau sin da ai: yubak mara hpe jasan jaseng kau ngut jang, matsaw ningtsang na daru magam a hkra maga de shi dung nga ai rai nna,

1 PETRU 1:15

nanhte hpe shaga la ai wa gaw chyoi pra nga ai hte maren, nanhte mung arawn alai shagu hta chyoi pra nga mu:

1 PETRU 1:5

hpang jahtum ai nhtoi e dan pru u ga, nga nna lajang da sai hkye hkrang la ai chyeju hpe hkam la lu na hte, kamsham ai myit marang e, Karai Kasang a n-gun lagaw hte makawp maga hkrum nga ai, nanhte a matu mara, dai sali wunli gaw, sumsing lamu hta e kyem da nga ai.

1 PETRU 2:21

Dai lam gaw nanhte hpe shaga da ai lam rai nga ai; Hkristu mung nanhte a matu mara nni nkri hkrum wu ai hte, nanhte shi ahkang hta hkan nang lu myit ga, nanhte a matu ningli tawn da nu ai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

1 PETRU 3:9

n hkru ai a matu n hkru ai bai n tai na hte, roi rip ai a matu roi rip ai bai n tai ai sha, shaman ya na mahtang gaw, a daw nga mu; kaning rai nme law, shaman ya da sai sali wunli hpe hkam la lu myit ga, nanhte hpe shaga da manit dai.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

2 PETRU 1:10

Dai re ai majaw hpunau ni e, nanhte hpe shaga da ai hte lata la ai chyeju hpe shangang shakang rai lu u ga, larau ladau rai nga mu: dai hku galaw nga myit yang gaw, nanhte galoi mung kataw katan rai wa na myit dai n rai:

2 PETRU 1:2

Karai Kasang hte anhte a Madu Yesu hpe chye chyang ai lam hta, chyeju hte ngwipyaw ai gaw, nanhte hta e law htam wa malit ga law.

2 PETRU 1:5

Dai re ai majaw, nanhte mung, tin tin larau ladau rai nga let, nanhte a kamsham ai myit hta san seng ai marai a shajat nga mu; san seng ai marai hta chye chyang ai;

2 PETRU 1:6

chye chyang ai hta koi gam ai, koi gam ai hta shakut sharang ai, shakut sharang ai hta tara hkungga ai,

2 PETRU 1:8

Kaning rai nme law, dai hte gaw nanhte hta e rawng nga nna, law htam wa myit yang gaw, anhte a Madu Yesu Hkristu a chye chyang ai lam hta, nanhte kaman lila rai nga ai hte asi nsi lu na myit dai, n rai.

2 PETRU 2:20

Dai hta kaga, anhte a Madu hte Hkye hkrang la ai wa Yesu Hkristu hpe chye chyang lu ai a gawp e, shanhte gaw mungkan ga a matsat shabat lawt lu nhtawm e, dai hta e a gyit ahkang da nga ai hpe bai hkrum hkrup nna, dai gaw shanhte hpe bai dang kau mu yang gaw, dai ni a hpang na gaw shawng na hta grau nna yak wa nga ai.

2 PETRU 3:18

Anhte a Madu hte Hkye hkrang la ai wa Yesu Hkristu a chyeju hte chye chyang ai lam hta e, nanhte kaba wa nga myit ga. Ya e mung, htani htana prat dingsa e mung, Yesu Hkristu kaw hpung shingkang anga nga u ga law.

RUHTA 3:11

Dai re ai majaw, ngai sha e, hkum tsang et; nang hpyi mahpyi ngai galaw na nngai: nang sari rawng ai num rai nga ndai gaw, nye a mare na masha ni nlang chye ma ai.