2 PETRU 1:16 - Jinghpaw Hanson Version Bible

¹⁶ Kaning rai nme law, anhte a Madu Yesu Hkristu a hpung atsam hte, du sa wa na ra ai lam, shi nanhte hpe shana dan ai shaloi e, hpaji maumwi ga hpe hkan let, anhte hkai ga ai n rai; anhte hkum nan shi a dan hkung ai hpung shingkang hpe tinang dai mu lu ai ni rai nga ga ai.

Jinghpaw Common Language Bible 2009

¹⁶ Anhte a Madu Yesu Hkristu a hpung shingkang atsam hte du sa ai lam nanhte hpe chye shangun na matu anhte gaw masha e gyin shalat la ai maumwi hta shamyet shanat ai lam n galaw saga ai. Anhte a myi hte nan shi a galu kaba hkik hkam ai lam hpe mu lu saga ai.

2 PETRU 1:16 ပူးပေါင်းရင်းမြစ်များ

MALAHKI 3:2

Rai timung, shi du ai nhtoi hpe, kadai hkam sharang lu na rai ta? shi paw pru yang, kadai tsap nga lu na rai ta? kaning rai nme law, shi gaw janghkam wa a wan hte, rai hkrut ai wa a sabya zawn, rai nga ai:

MALAHKI 4:5

Yu mu, galu kaba ai hte, hkrithpa re ai, Yehowa a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

MAHTE 16:28

Ngai nang hpe teng teng tsun made ga, nang e tsap nga ai ni nkau mi, dai Masha Kasha gaw shi a mungdan hta du wa ai hpe, garai n mu mu gaw, si ai n hkrum na ma ai,” ngu mu ai.

MAHTE 17:1

Ya kru ya lai jang, Yesu gaw, Petru, Yaku hte shi a kanau Yawhan hte hpe shaga la nhtawm, tsaw ai bum ntsa de kaga lak shanhte hpe woi lung mu ai.

MAHTE 24:27

Kaning rai nme law, myihprap gaw sinpraw maga de gala nna, sinna maga du hkra htoi pru ai hte maren, dai Masha Kasha a bai du ai gaw rai na ra ai.

MAHTE 24:3

Shaloi, Tsanlun bum ntsa e dung nga yang, shi a sape ni hkrai shi kaw sit sa nna, “Dai hte gaw galoi e me byin wa na ra ta? nang bai du na hte mungkan ga a htum wa na kumla gaw, hpa kumla rai na ra ta? anhte hpe tsun dan mi,” ngu mu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

MARKU 13:26

Dai shaloi e Masha Kasha gaw daru magam hte hpung shingkang kaba hte nawng sumwi ni hta e du sa ai hpe, shanhte mu na mara ai.

MARKU 14:62

Yesu gaw, “Ngai rai nga nngai; dai hta kaga, Masha Kasha gaw hpung shingkang a hkra maga e dung nga nna, lamu na sumwi ni hte sa du ai hpe, nanhte mu na marin dai,” ngu wu ai.

LUKA 1:2

anhte kaw e byin ngut sai lam ni hpe, anhte e hkai dan madan hte maren, maumwi ka hpajang da ai masha law law wa nga ma ai majaw:

LUKA 9:43

Nga manga hte mung Karai Kasang a daru magam nsam majaw mau mahka nga ma ai. Shing rai shi galaw ai amu mahkra a majaw, nlang hte gaw mau nga ma yang, shi gaw,

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 17:2

ngai nsha wa e na a hpung shingkang shapraw ya lu n ga, nsha wa a hpung shingkang hpe mung, shapraw ya e law.

ROMA 1:4

Dai kasha gaw masha labau hku gawn yang, Dawi a aru arat rai nga ai; si mat ai ni kaw na bai hkrung rawt wa ai a majaw, Karai Kasang a Kasha nan shi rai nga ai gaw, chyoi pra rawng ai Wenyi hte aja awa shadan dan nga ai; anhte a Madu Yesu Hkristu nan shi rai nga ai rai nna,

1 KORINHTU 1:17

Kaning rai nme law, baptisma jaw na matu n rai, dai kabu gara shiga tsun dan u ga she, Hkristu gaw ngai hpe shangun dat nngai: rai timung, Hkristu a wudang gaw kaman lila n rai u ga, n-gup hpaji hte tsun dan nngai n rai.

1 KORINHTU 1:23

anhte chyawm gaw, Wudang hta jen da hkrum ai Hkristu a lam hkaw dan ga ai; dai wa Yuda ni a man e myit kataw shara, maigan amyu ni a man e angawk angak, rai nga ai:

1 KORINHTU 1:7

shing rai, anhte a Madu Yesu Hkristu a paw pru na lam ala let nga nga yang, hpa chyeju kumhpa mung nanhte n kadawn nga myit dai;

1 KORINHTU 2:1

Ngai chyawm gaw, hpunau ni e, nanhte kaw sa du jang, Karai Kasang a sung htum ai ga nanhte hpe tsun dan ai shaloi, reng ai ningtam hte hpaji byeng-ya hte ngai sa du nngai n rai.

1 KORINHTU 2:4

nanhte a makam masham gaw, masha a hpaji byeng-ya hte n rai,

1 KORINHTU 5:4

dai Madu a nhtoi hta e, ndai wa a wenyi hkye hkrang la ai hkrum u ga, hkumhkrang hten bya na matu,

2 KORINHTU 2:17

Ndai bungli shachyen na kadai wa ging ram nga a ta? Kaning rai nme law, Karai Kasang a mungga hpe pau chye ai masha law law ni zawn anhte n rai nga ai sha, san seng ai myit hte mung, Karai Kasang kaw nna mung, Karai Kasang a man e anhte Hkristu hta tsun nga ga ai.

2 KORINHTU 4:2

makoi magap re ai kaya kahpa hpe anhte rap di kau sagaw ai hte, hkalem hkalau ai mung n hkan nna, Karai Kasang a mungga hpe gale galau n di ai sha, dai tengman ai lam shapraw shadan let, Karai Kasang a man e, masha yawng mayawng a myit masin kaw, anhte hkum a atsam marai anhte dan nga ga ai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

HPILIPI 3:21

Shi gaw arai yawng mayawng hpe tinang a npu e tawn da lu ai atsam shachyen nga ai hte maren, anhte a grit nga ai hkumhkrang hpe ningnan galai nna, shi a hpung shingkang rawng ai hkumhkrang hte bung hkra, shachyaw jahtap na ra ai.

1 HTESALONI 2:19

Kaning rai nme law, anhte a Madu Yesu a man e, shi a bai du ai hta, anhte a myit mada shara, kabu gara shara hte gumrawng na janmau gaw, hpa mi rai nga a ta? Nanhte nan dai rai nga myit dai, n rai myit ni?

2 HTESALONI 2:9

Dai n tara ai wa a du sa ai gaw, Satan a shachyen ai n-gun atsam, lamik kumla hte, masu ai mauhpa amyu myu hte,

1 TIMOHTI 1:4

ga law ga la shapraw ai maumwi ga hte n htum hkraw ai ahtik labau gawn ai hku hpe n hkan shachyut mu ga she, nang gaw masha nkau mi hpe daru jet kau na matu, ngai Makedoni mung de sa wa ai shaloi e Ehpesu mare e naw anga nga na, nang hpe shadut jahkat sade ai hte maren, naw nga nga u.

1 TIMOHTI 4:7

N san n seng ai hte gumgai maumwi ga hpe yeng kau u; tara hkungga ai hku hta na hkum shan hpe shakung jahpan nga u:

TITU 1:14

dai makam masham hta san seng nga mu ga, shanhte hpe aja awa daru sharin nga u.

2 PETRU 2:3

Shanhte gaw lawhpa ai myit hkan let, hkalem ai ga hte nanhte hpe hpaga ga na marin dai: shanhte hpe dawdan na ari chyawm gaw, moi chyaloi nhkoi kaw nna n lanyan ai hte, shanhte hkrum sha na tsin-yam tsindam gaw gaungwi gausi yup shamwi nga ai n rai.

1 YAWHAN 4:14

Mungkan ga a Hkye hkrang la ai madu tai u ga, Kawa gaw dai Kasha hpe shangun dat wu ai gaw, anhte mada mu ai hte sakse hkam ga ai.

YUDA 1:14

Adam kaw na prat sanit hta du ai Enuk mung, shanhte hpe myihtoi ga tsun mu ai rai nna, Yu mu, yawng mayawng hte hpe tara dara na mara ai rai nna,

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.