2 PETRU 1:12 - Jinghpaw Hanson Version Bible

¹² Dai rai nna, nanhte dai hte hpe chye nga ai hte, ya rau rai nga ai tengman ai ga hta agrin nga myit timung, dai lam ni nanhte hpe shadum jahprang na, ngai tut tut naw atsang nga nngai.

Jinghpaw Common Language Bible 2009

¹² Dai majaw nanhte gaw ndai lam ni hpe chye na nna nanhte hkap la da sai dai teng man ai lam hta ngang ngang kang kang npawt de da manit dai rai ti mung, ngai nanhte hpe galoi mung naw ashadum jahprang nga mayu nngai.

2 PETRU 1:12 ပူးပေါင်းရင်းမြစ်များ

KASA 16:5

Hpung masha ni mung dai makam masham lam hta ngang wa nna, lani hte lani law htam wa ma ai.

HPILIPI 3:1

Dai hta kaga, nye a hpunau ni e, dai Madu hta kabu gara nga mu. Nanhte hpe lam langai sha bai ka dat dat rai na, nye a matu hki ba na lam n nga ai sha, nanhte a matu akyu byin nga ai.

KOLOSE 1:5

dai myit mada ai a lam nanhte kaw du dep ai tengman ai kabu gara shiga a majaw, nanhte shawng e na yu manit dai.

KOLOSE 2:7

shi hta e ru jung nna gaw da nga ai hte, nanhte sharin achyin la ai hte maren, nanhte a makam masham hta ngang ngang hkang hkang rai nga let, dai hta e shakawn kungdawn ai hte law htam wa mu.

1 TIMOHTI 4:6

Ndai lam hte gaw nang hpunau ni hpe shadum jahprang nga n yang gaw, nang hkan nang nga ai makam masham a mungga hte mai kaja ai sharin shaga ai lam hta pan kaba wa ai majaw, Hkristu Yesu a amu gun hpai wa kaja, nang rai na ndai.

2 TIMOHTI 1:6

Dai re ai majaw, ngai lata mara jaw ai hte, nang hta rawng ai Karai Kasang a chyeju hpe naw wut shagrung ya na, ngai nang hpe shadum dat de ai.

HEBRE 10:32

Rai timung, jahtoi la hkrum manit dai hpang, tsin-yam tsindam kaba hte katut gasat hkrum ai shaloi na nanhte sharang lu ai, shawng de na nhtoi ni hpe bai dum nga mu:

HEBRE 13:9

Sharin shaga ai lam tsasam amyu myu de hkum htawt hkum hkan myit: hkan nang ai ni a matu hpa akyu n shabyin ya lu ai shahpa lam hte n rai, chyeju lam hte she myit masin hpe shangang shakang lu na, mai kaja nga ai.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

1 PETRU 5:12

Shing rai, dai lam gaw, Karai Kasang a chyeju lam teng teng rai nga ai hpe, shadum jahprang nna sakse hkam ya na matu, ngai nawn nga nngai hte maren, sadi sahka re ai Silwanu ngu ai hpunau a lata hte, ndai ga gadun ngai nanhte hpe ka ya dat nngai: ndai chyeju hta e mung nanhte anga nga myit dai.

2 PETRU 1:13

Dai hta kaga, ndai hkum tsawp hta e ngai naw anga nga yang, nanhte a dum hprang na myit hpe jasu ya na, sut nga ai hpe ngai myit da we ai;

2 PETRU 1:15

Rai sa, ngai pru mat wa ai hpang, nanhte galoi mung ndai hte hpe dum hprang nga lu myit ga, ngai naw shakut sharang nga na nngai.

2 PETRU 3:1

Tsawra ai ni e, da ndai gaw ya nanhte hpe lahkawng lang na ka shagu dat ai laika rai nga ai; chyoi pra ai myihtoi ni moi shawng e tsun dan ai ga hte hpe mung, nanhte a kasa ni a lata hta ap da ai,

2 PETRU 3:17

Nanhte chyawm gaw, tsawra ai ni e, ndai hte hpe shawng e chye manit dai majaw, tara n lang ai ni a lam dam mat ai hta e nanhte mung n lawm ai hte, nanhte a ngang hkang ai myit, jahten shabya kau ai n hkrum myit ga, a maja nga mu:

1 YAWHAN 2:21

Dai tengman ai ga hpe nanhte n chye myit dai majaw, ngai nanhte hpe ka dat made ai nrai; nanhte dai hpe chye nna, hpa masu ai ga mung, tengman ai ga hte n seng nga ai majaw, ngai nanhte hpe ka made ai.

2 YAWHAN 1:2

prat dingsa e anhte hta e anga nga lu na tengman ai ga a majaw, dai tengman ai lam hpe chye chyang ai ni nlang hte mung, shanhte hpe tsawra mu ai.

YUDA 1:17

Nanhte chyawm gaw, tsawra ai ni e, anhte a Madu Yesu Hkristu a kasa ni nanhte hpe shawng e tsun dan manit dai ga hpe, adum nga mu:

YUDA 1:3

Tsawra ai ni e, anhte guji gumyu a hkye hkrang la ai lam, nanhte hpe ka da na, ngai shaja nga nngai shaloi e, chyoi pra ai ni kaw lang lata sha ap ya da ai makam masham lam a matu mara gasat shakang na, nanhte hpang de ka dat nna shadum jahprang shara nga ai, ngai mu hkrup nga nngai.

YUDA 1:5

Nanhte chyawm gaw, nlang hte hpe lang lata sha, chye nga myit timung, ngai nanhte hpe shadum jahprang mayu ai lam da ndai rai nga ai: dai Madu gaw Egutu mung de nna amyu baw hpe shaw la ngut jang, hpang de e n kam n sham ai ni hpe jahten kau mu ai: