2 KORINHTU 9:7 - Jinghpaw Hanson Version Bible

⁷ Langai hte langai tinang a kraw lawang e myit da ai hte maren jaw u ga: lahpawt ai myit hte n rai, jaw shangun ai majaw sha mung n re ai sha, Karai Kasang gaw kabu gara ai myit hte jaw ya ai wa hpe tsawra nga ai.

Jinghpaw Common Language Bible 2009

⁷ Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.

2 KORINHTU 9:7 ပူးပေါင်းရင်းမြစ်များ

1 HKAWHKAM LABAU 29:17

Nye a Karai Kasang e, nang gaw kraw lawang hpe dinglik yu nna, dinghpring ai myit hpe sharawng nga ndai, ngai chye nga nngai. Ngai gaw nye dinghpring ai hta, tsawra ai myit hte ndai arung arai yawng mayawng sak jaw nngai: dai hta kaga, nang e hpawng nga ai, na a amyu masha ni mung nang hpe sak jaw ai lam, kabu gara ai myit hte ngai mada mu nngai.

1 HKAWHKAM LABAU 29:9

Dai rai nna shanhte gaw tsawra hkum tsup ai myit hte Yehowa hpe kumhpa sak jaw lu ai majaw, kabu gara shajang ma ai; hkawhkam Dawi mung ja ja kabu gara nga ai.

PRU MAT 25:2

“Israela kashu kasha ni nye a matu Kumhpaw kumhpa la sa na tsun mu: kam jaw ai myit hte jaw mayu ai masha hkum shagu hta na, nanhte nye a matu alu kumhpa hkap la da na rai myit dai.

PRU MAT 35:5

Nanhte hta na Yehowa a matu kumhpaw kumhpa lahkawn la mu: kam jaw ai myit hte jaw mayu ai masha hkum shagu, Yehowa a kumhpaw kumhpa ngu na, aja, gumhpraw, magi;

GA SHAGAWP 11:25

N daw n hta jaw ai wa gaw, hpum wa na ra ai; Ntsin jaw bun ai wa gaw, jaw bun ai bai hkrum na ra ai.

GA SHAGAWP 22:9

N-gaw nwai ai myi tu ai wa gaw, matsan mayan ni hpe gam jaw ai majaw, shaman ai hkrum na ra ai.

ESAIA 32:5

Mana ai wa hpe, salang wa, maji ai wa hpe, gam jaw gam ya ai wa, nga nna htawm hpang de tsun na n rai.

ESAIA 32:8

Salang myit rawng ai wa chyawm gaw, salang hte ging ram ai hku bawng nna, dai baw amu hta grin nga na ra ai.

KASA 20:35

Shing rai galaw shaja nna, gawng kya ai ni hpe shadaw mai ai lam mung, Hkam sha ai hta jaw ya ai mahtang grau a nga ai, nga nna Madu Yesu nan tsun ai ga dum ga, ngu nna mung, ngai lam shagu hta nanhte a ningli tai ni ai law,” ngu nna tsun mu ai.

ROMA 12:8

shadum jahprang chye ai wa gaw, shadum jahprang ai amu hpe, shachyen u ga; alu jaw ai wa gaw n daw n hta jaw u ga; up hkang ai wa gaw, kasang kalang hte up nga u ga; matsan dum chye ai wa gaw, kabu gara ai myit hte galaw u ga.

2 KORINHTU 8:12

Kaning rai nme law, galaw mayu ai myit rawng nga a yang gaw, n sharai lu ai hte n re ai sha, sharai lu ai hku sha sharawng awng nga ai.

TARA JAHPRANG 15:14

na a sagu hpung, na a mam chyarang, na a tsabyi htumbyen hta na ram ging ai made jaw dat lu na rai ndai: na a Karai Kasang Yehowa nang hpe shaman ya nit dai hte maren jaw dat na rai ndai.

HPILEMON 1:14

na a chyeju gaw kaning n chyum nna n re ai sha, myit ra ai hku san san rai u ga, na a myit n lawm yang gaw, ngai kaning mung n rai mayu nngai.

YAKU 5:9

Hpunau ni e, nanhte dawdan ai n hkrum myit ga, shada da hkum aput angun nga myit; yu mu, tara agyi wa gaw, chyinghka makau e a tsap nga ai.

1 PETRU 4:9

Aput apai n nga ai sha, nanhte shada da manam daw ai lam adaw nga mu.