2 KORINHTU 9:5 - Jinghpaw Hanson Version Bible

⁵ Dai re ai majaw, dai alu gaw kashun kashe la ai zawn n re ai sha, chyeju alu zawn jin magang nga u ga she, hpunau ni gaw nanhte hpang de sa magang nna, shawng na ndat da ai, nanhte a chyeju alu hpe shagum tawn myit ga, ngu nna shanhte hpe shadut jahkat na lam ngai dum nngai.

Jinghpaw Common Language Bible 2009

⁵ Dai re ai majaw, nanhte shawang kumhpa ga sadi jaw da sai hte maren, dai hpe hkyen lajang shajin da na matu ndai hpu nau ni hpe nanhte hpang de nye a shawng e tau hkrau shangun dat ra nga ai ngu nna ngai myit nngai. Ngai du sa ai shaloi alu shajin shangut da chyalu rai nna nanhte a jaw ya ai gaw jaw ra ai lit shaprai ai hku n re ai sha jaw mayu ai shawang myit hte jaw ya ai re ai lam madun dan lu na rai nga ai.

2 KORINHTU 9:5 ပူးပေါင်းရင်းမြစ်များ

NINGPAWT NINGHPANG 33:11

nang kaw du ai nye a kumhpa gaw she hkap la u; Karai Kasang ngai hpe chyeju jaw ni ai rai nna, nye a matu gaw law nga li ai, nga nna agaw ya wu ai majaw, dai hpe hkap la wu ai.

2 HKAWHKAM 5:15

Dai rai nna shi gaw shi a hkan bawp hkan nang ai ni hte rau, Karai Kasang a masha wa hpang de bai sa nna, shi a man e tsap let, “Yu u, Israela mungdan hta kaga, ga ntsa ting hta e Karai Kasang shaje n nga ai gaw, ya ngai chye se ai: dai rai nna na a mayam wa a kumhpaw kumhpa hpe hkap la u,” ngu wu ai.

1 KORINHTU 16:2

Ngai sa du ai shaloi e lahkawn shara n nga nga la u ga, bat shagu na shawng shani hta e, langai hte langai ngamu ngamai ai hte maren, tinang a alu mahkawng da nga ma la.

2 KORINHTU 8:6

Dai rai nna, Titu gaw shawng galaw hpang ai hte maren, dai chyeju mung nanhte hta shatup u ga, anhte shi hpe shadut jahkat gaw ai.

2 KORINHTU 9:3

Rai timung, ndai lam hta nanhte a jaw e anhte gumrawng ai ga gaw kaman lila n tai u ga hte, ngai tsun nga sai hte maren nanhte a jin nga myit ga she, hpunau ni hpe ngai shangun dat nngai:

2 KORINHTU 9:6

Rai timung, ngai tsun nngai gaw, loi sha mi gat ai wa gaw loi sha mi dan la na ra ai; myit sharawng awng let gat ai wa gaw, myit sharawng awng let dan la na ra ai.

HPILIPI 4:17

Shing rai ngai tsun nngai gaw, kumhpaw kumhpa hpe ngai tam nngai n rai, nanhte a akyu a matu mara, law htam wa na asi hpe sha ngai tam nga nngai.

TARA AGYI 1:15

Shi gaw, “Chyeju shaman ya e; nang ngai e Dingda ga e tawn da nit dai majaw, hka hpawk mung naw jaw e law,” ngu nna shi hpe hpyi wu ai. Hkaleb mung, lahta hka hpawk hte lawu hka hpawk shi e jaw wu ai.

1 SAMUELA 25:27

Ya na a mayam jan la sa ai kumhpa, nang kaw hkan nang ai ma ni hpe, karan jaw shangun ya mi.

1 SAMUELA 30:26

Ya Dawi Zekla mare de du jang, dai lanep kau mi hpe, shi a jinghku, Yuda agyi salang ni hpang de shagun dat nna, “Yehowa a hpyen ni kaw na lu la ai lanep hta na, nanhte hpe karan jaw dat ai kumhpa hpe yu yu mu,” ngu nna htet dat wu ai: