2 KORINHTU 9:2 - Jinghpaw Hanson Version Bible

² Kaning rai nme law nanhte a galaw mayu ai myit ngai chye nna, de a lam nanhte a jaw e gumrawng let, Ahkaia mung na ni maning kaw nna lajang jin nga masai, ngu nna Makedoni masha ni hpe tsun nngai: nanhte a sharawng ai myit mung, dai malaw maga hpe shadum sha-awn nga ai.

Jinghpaw Common Language Bible 2009

² Nanhte karum madi shadaw mayu ai shawang myit rawng nga myit dai hpe ngai chye nngai. Dai rai nna nanhte a lam Makedoni mung masha ni hpe gumrawng dan dat ni ai. “Ahkaia mung na hpu nau ni gaw maning kaw nna pyi karum na matu lajang shajin da nga masai,” ngu nna Makedoni ni hpe ngai tsun mase ai. Nanhte a myit sharawng awng ai a majaw shanhte malawng maga a myit hpe jasu sharawt ya nga ai.

2 KORINHTU 9:2 ပူးပေါင်းရင်းမြစ်များ

KASA 18:12

Rai timung, Galio gaw Ahkaia mung e munggyi rai nga yang, Yuda masha ni lang lata sha Pawlu hpe gumlau rawt nna, shi hpe tara tingnyang de dun wa nhtawm,

KASA 24:17

Shing rai, tsawmra ning lai wa ai hpang, nye amyu masha ni kaw, majaw maya kumhpa hte shawang alu wa jaw na ngai wa nngai:

ROMA 15:26

Kaning rai nme law, Makedoni hte Ahkaia mung masha ni gaw, Yerusalem na chyoi pra ai ni hta na matsan mayan ai ni a matu, shawang kumhpa langai mi lahkawn na, myit madu nga masai.

1 KORINHTU 16:15

Ngai nanhte hpe shadut jahkat made ai, hpunau ni e; Stehpan a nta masha ni gaw, Ahkaia mung na shawng si ai asi rai nga ai hte, chyoi pra ai ni hpe galaw daw na shanhte tinang dai myit hkut nga ma ai hpe, nanhte chye myit dai rai nna,

2 KORINHTU 1:1

Karai Kasang myit ra ai hte maren, Hkristu Yesu a kasa, ngai Pawlu hte, hpunau Timohti gaw, Korinhtu mare na Karai Kasang a Hpung hte Ahkaia mung ting na chyoi pra ai ni nlang hte hpe, ga shana dat ga ai.

2 KORINHTU 7:14

Nanhte a lam lama ma hta ngai shi hpe gumrawng nga nngai rai yang gaw, kaya kahpa ngai n hkrum nga nngai: anhte gaw lam shagu hta nanhte kaw tengman ai ga tsun saga ai hte maren, Titu a man e anhte a gumrawng ai mung tengman wa sai.

2 KORINHTU 7:4

Nanhte a man e nachying nden ja ai myit ngai rawng nga nngai; nanhte a matu mara ngai grai gumrawng nga nngai; ngwipyaw ai hte ngai hpring chyat nga nngai; anhte a tsin-yam tsindam shagu hta ladu lai hkra kabu gara nga nga nngai.

2 KORINHTU 8:10

Ndai lam hta nye a mung sumtu ngai madun nga nngai: kaning rai nme law, maning nna pyi galaw hpang ai hta n-ga, galaw mayu ai myit shawng madun ai ni, nanhte rai nga myit dai majaw, dai gaw nanhte a matu sut nga malit dai.

2 KORINHTU 8:11

Dai rai nna dai bungli hpe ya shatup nga mu: galaw mayu ai myit rawng nga sai hte maren, nanhte rai lu ai daram, shangut na lam mung, dai zawn rai nga u ga.

2 KORINHTU 8:19

dai hta n-ga, dai Madu a arawng sadang hte anhte a galaw mayu ai myit madun na matu, anhte a lata hte galaw daw ai, ndai chyeju hta anhte a kanawn manang tai wa u ga she, Hpung ni a lata la ai wa mung, shi rai nga ai:

2 KORINHTU 8:24

Dai re ai majaw, nanhte a tsawra ai myit hte, nanhte a jaw e anhte a gumrawng nga ai sakse, Hpung ni a man e shanhte hpe shadan dan nga mu.

2 KORINHTU 8:8

Ning nga tsun ai gaw htet da ai ga tsun nngai n re ai sha, kaga ni a shakut sharang ai hpe tau yu nna nanhte a tsawra ai myit majing hpe chyam yu na she, tsun nga nngai.

1 HTESALONI 1:7

Makedoni mung hte Ahkaia mung na kamsham ai ni nlang a kasi kamang tai wa manit dai.

HEBRE 10:24

dai hta kaga, tsawra ai myit rawng wa na hte kaja ai amu bungli byin wa na matu, shada shingjawng hkat lu hkra, langai hte langai myit tau myit htang nga ga: