2 KORINHTU 8:9 - Jinghpaw Hanson Version Bible

⁹ kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

Jinghpaw Common Language Bible 2009

⁹ Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

2 KORINHTU 8:9 ပူးပေါင်းရင်းမြစ်များ

ESAIA 53:2

Kaning rai nme law, Yehowa a shangun ma gaw, shi a man e matsun zawn mung, hkraw hkun ai ga na maku zawn mung, tu prut nga ai: shi gaw gawng shing-yan mung, ahpraw nsam mung, tsawm htap ai n rai: shi hpe yu yang, tsawra mai ai myi man ningchya n rawng nga ai.

ESAIA 62:1

Ziun mare na dinghpring ai gaw, kabrim ala nga ai hte, Yerusalem mare na hkye hkrang la ai lam, pyengdin zawn htoi tu nga ai du hkra, ngai atsin sha nga na n rai, ban sa ai mung nga na n rai.

ESAIA 65:8

Bai Yehowa ning nga ai, Tsabyi sumbaw hta tsabyi jahku mu yang, masha langai ngai, “Hkum jahten et, shaman ai rawng nga ai,” nga nna tsun ai hte maren, nye shangun ma hpe tau yu let, ngai galaw nna, mahkra jahten na n rai.

MAHTE 17:27

rai timung, anhte a majaw shanhte myit n kataw mu ga, nawng de sa nna, nga myek jahkrat bang u; shawng lu ai nga hpe shaw la nhtawm, n-gup mahka yang, shekela pa mi nang mu na ru ai: dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 20:28

kaning rai nme law, dai Masha Kasha wa pyi, shangun ma hpe yam sha na nga du sa ai n rai; shangun ma a amu hpe galaw daw ya na hte, masha law law a matu mara, shi a asak hpe gawng malai jahpu shatai ya na nga nna du sa ai,” ngu mu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

MARKU 6:3

Shi gaw, dai lasama wa rai nga ai, n rai ni? Mari a kasha shi rai nga ai hte, Yaku, Yawsep, Yuda, Simun hte a kahpu mung, shi rai nga ai, n rai ni? Shi a kajan ni mung, anhte hte rau, nang e nga nga ma ai, n rai ni?” nga wa ma ai rai nna, shi a lam myit kataw wa ma ai.

LUKA 16:11

N tara ai sutgan hta pyi nanhte kangka n rai lu myit yang gaw, dai dingman ai sutgan hpe, nanhte hpe kadai mi kam ap ya na myit ta?

LUKA 2:7

shi gaw shadang sha alat shangai wa sai: nbat hte kayawp nhtawm, ushat wakang hta kaleng tawn da wu ai; kaning rai nme law, manam jarawp hta shanhte a matu nga shara n nga malu ai.

LUKA 8:3

Herod a kunhting wa Kuhta a madu jan Yawhana, Susanna hte kaga law law wa, tinang a lu su ai hte shanhte hpe galaw daw let, hkan nang ma ai.

LUKA 9:58

Yesu gaw, “Chyahkyawn ni nhkun lu ma ai, ntsa malen pyen ai u ni mung, u yup lu ma ai; dai Masha Kasha chyawm gaw baw tawn na shara pyi n lu nga ai,” ngu nna shi hpe tsun wu ai.

YAWHAN 1:10

Shi gaw mungkan ga e nga nga ai hte, mungkan ga mung shi a marang e nan tai wa sai: rai timung mungkan ga gaw shi hpe n chye wu ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 1:17

Jep ai tara gaw Mawshe a lata hte jaw da ai, rai nga ai; chyeju hte tengman ai lam gaw, Yesu Hkristu a marang e tai wa ai, rai nga ai.

YAWHAN 12:30

Yesu gaw, “Nsen ndai gaw nye a matu ngoi pru ai n rai, nanhte a matu mara rai nga ai.

YAWHAN 16:15

Nye Wa lu malu gaw ngai lu ai rai nga ai: dai majaw, ngai lu ai hta na shi shaw la nna, nanhte hpe tsun shana ya na ra ai,” ngu nna ngai tsun ni ai.

YAWHAN 17:19

Shanhte hkum nan, tengman ai lam hta chyoi pra nga mu ga, ngu nna ngai gaw shanhte a matu mara, nye hkum dai shachyoi shapra tawn se ai.

ROMA 11:12

Dai hta kaga shanhte a ahtu kataw ai gaw mungkan ga a sutgan, shanhte a sum mat ai gaw maigan amyu ni a sutgan tai wa a yang gaw, shanhte a hkum sumhpa gaw grau nna, akyu shabyin na n rai ni?

ROMA 15:3

Shing rai Hkristu mung shi hkum dai n shapyaw la ai sha, Nang hpe shatan ai ni a shatan nhkan ga, nye a ntsa e du ra ai, nga nna ka da nga ai hte maren, rai nga sai.

ROMA 5:8

Rai timung, anhte yubak kap ai ni naw rai nga ga yang, Hkristu gaw anhte a matu mara si hkam ai hta, Karai Kasang nan shi a tsawra ai hpe, anhte kaw e shadan dat ma ni ai.

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?

1 KORINHTU 1:4

Hkristu a sakse ga gaw nanhte hta e jung nga ma salit dai rai nna,

1 KORINHTU 15:47

Shawng na masha gaw dinghta ga na rai nga nna, dinghta ga hte seng nga ai: hpang na masha chyawm gaw, sumsing lamu na rai nga ai.

2 KORINHTU 6:10

adup achyin hkrum ai ni zawn rai timung, n si n mat ai ni; yawn hkyen hkrum ai ni zawn rai timung, tutnawng e a kabu nga ai ni; matsan mayan re ai ni zawn rai timung, masha law law hpe shalu jasu chye ai ni; hpa n lu ai ni zawn rai timung, yawng mayawng hpe madu nga ai ni rai nga ga ai rai nna, Karai Kasang a bungli daw ai sara ni rai nga ga ai gaw, lam shagu hta anhte hkum marai dan nga ga ai.

EHPESU 2:7

Hkristu Yesu hte hpawn, shi anhte hpe sharawt la nna, sumsing lamu lahta tang e dung shangun ma ni ai.

EHPESU 3:19

Karai Kasang a hkum tsup ai lam ting hte hkum tsup lu myit ga, chye chyang ai myit hte n dang chye ai Hkristu a tsawra ai lam hpe, nanhte chye na lu na, ngai hpyi nga nngai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

1 TIMOHTI 6:18

shanhte mai kaja ai galaw nga na, mai kaja ai bungli hta sut su let, karan kachyan jaw ai hte, jaw jahproi ai myit rawng nga nna,

HEBRE 1:2

ndai nhtoi ladaw na hpang jahtum ai hta, Kasha a n-gup hte anhte hpe ga matsun jaw da mani ai; dai Kasha hpe yawng mayawng a sali wunli hkam la ai wa tai na shi san da nu ai rai nna, shi hte mung nga yawng nga pra galaw da nu ai;

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai timung, nang sut su nga ndai: Yuda masha ngu ai, rai timung, Yuda masha n teng ai sha, Satan a nawku jawng ngu ai ni a shatan nhkan ai hpe, ngai chye nga nngai.

SHINGRAN 21:7

Dang lu ai wa gaw ndai hte a Sali wunli hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.

SHINGRAN 3:18

Dai re ai majaw, nang sut su u ga, wan mang hta jen kau sai ja jet hpe mung, na a singgu krin re ai kaya hpa masha man e n dawng lit ga, nang lawai na matu hpraw ai hpun palawng mung, na a myi mu lu lit ga, chya na matu myi tsi mung, ngai kaw na mari la lu na, ngai nang hpe hpaji daw ya de ai.