2 KORINHTU 8:6 - Jinghpaw Hanson Version Bible

⁶ Dai rai nna, Titu gaw shawng galaw hpang ai hte maren, dai chyeju mung nanhte hta shatup u ga, anhte shi hpe shadut jahkat gaw ai.

Jinghpaw Common Language Bible 2009

⁶ Dai re ai majaw shawng kaw nna lit la galaw nga sai Titu hpe ndai alu hte seng nna nanhte a laksan tsaw ra shawang myit hte daw jau ai amu ngut kre hkra nanhte hpe karum u ga, anhte shi hpe shadut gaw ai.

2 KORINHTU 8:6 ပူးပေါင်းရင်းမြစ်များ

KASA 24:17

Shing rai, tsawmra ning lai wa ai hpang, nye amyu masha ni kaw, majaw maya kumhpa hte shawang alu wa jaw na ngai wa nngai:

ROMA 15:25

Ya chyawm gaw, chyoi pra ai ni hpe galaw daw let, ngai Yerusalem de sa wa nga nngai.

2 KORINHTU 12:18

Titu hpe ngai shadut jahkat nna, dai hpunau wa hpe shi hte rau shangun dat nngai. Titu gaw nanhte hpe sen di sha nga ai kun? Anhte gaw Wenyi langai sha hta hkawm nga ga ai, n rai kun? Lagaw hkang langai sha hta anhte hkawm nga ga ai, n rai ni?

2 KORINHTU 2:13

ngai nau Titu hte n hkrum lu ai majaw, nye a Wenyi hta ngai n ngwi n pyaw rai nga nngai rai nna, shanhte hpe shakram ngut jang, Makedoni mung de sa wa nngai.

2 KORINHTU 8:10

Ndai lam hta nye a mung sumtu ngai madun nga nngai: kaning rai nme law, maning nna pyi galaw hpang ai hta n-ga, galaw mayu ai myit shawng madun ai ni, nanhte rai nga myit dai majaw, dai gaw nanhte a matu sut nga malit dai.

2 KORINHTU 8:19

dai hta n-ga, dai Madu a arawng sadang hte anhte a galaw mayu ai myit madun na matu, anhte a lata hte galaw daw ai, ndai chyeju hta anhte a kanawn manang tai wa u ga she, Hpung ni a lata la ai wa mung, shi rai nga ai:

2 KORINHTU 8:23

Titu a lam chye mayu yang, shi gaw, nye a kanawn manang hte nanhte a matu shingdep shingtau ai wa rai nga ai; anhte a hpunau yan a lam chye mayu yang, shan gaw, Hpung ni a kasa yan hte Hkristu a arawng sadang mung rai nga ma ai.

2 KORINHTU 8:4

chyoi pra ai ni hpe galaw daw na ngu ai chyeju hte lawm lu na ahkang shanhte gaw tinang myit lu ai hte anhte hpe akroi anoi hpyi nem mi ai:

2 KORINHTU 9:5

Dai re ai majaw, dai alu gaw kashun kashe la ai zawn n re ai sha, chyeju alu zawn jin magang nga u ga she, hpunau ni gaw nanhte hpang de sa magang nna, shawng na ndat da ai, nanhte a chyeju alu hpe shagum tawn myit ga, ngu nna shanhte hpe shadut jahkat na lam ngai dum nngai.

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.

1 PETRU 4:10

Langai hte langai chyeju kumhpa lu la ai hte maren, Karai Kasang a chyeju amyu myu hpe, kaja ai hpajau wa jau ai zawn, nanhte shada da dai hpe jau hkat nga mu.