2 KORINHTU 8:5 - Jinghpaw Hanson Version Bible

⁵ anhte myit nawn ai hku n re ai sha, Karai Kasang a myit hkan yang, tinang hkum nan dai Madu hpe shawng jaw kau nna, anhte hpe mung jaw kau mi ai.

Jinghpaw Common Language Bible 2009

⁵ Shanhte gaw anhte myit mada ai hta grau lai hkra jaw ya ma ai. Shanhte gaw shawng nnan tinang a hkum nan hpe dai Madu hta sak nawng ma ai. Dai hpang Madu a myit ra ai lam hte maren, karum shingtau ai lam hta ap nawng ya mi ai.

2 KORINHTU 8:5 ပူးပေါင်းရင်းမြစ်များ

1 HKAWHKAM LABAU 12:18

Shaloi marai sumshi a agyi Amasai a ntsa e Wenyi dung nga nna, Dawi e, na a masha ni anhte rai nga ga ai; Yese a kasha e, nang hpang maga anhte lawm nga ga ai. Na a Karai Kasang nang hpe Karum ai majaw, “Nang hta ngwi ngwipyaw pyaw rai nga u ga law; Nang hpe karum ai ni mung ngwipyaw nga mu ga law,” ngu nna htan wu yang, Dawi shanhte hpe hkap hkalum la nhtawm, luksuk ni a bu aya dang da mu ai.

2 HKAWHKAM LABAU 30:12

Dai hta kaga, Yehowa a ga hkan nna, hkawhkam wa hte du salang ni hkang dat ai hte maren, Yuda mung masha ni gaw myit langai sha hte hkan nang lu hkra, Karai Kasang a lata shanhte a ntsa e rai ngai ai.

2 HKAWHKAM LABAU 30:8

Nanhte a nji nwa ni zawn du ja ai amyu hkum tai myit; Yehowa man e myit nem nna, shi a pawt sindawng kahtet ai myit gaw, nanhte kaw na lai mat wa u ga, shi prat dingsa e shi a matu shachyoi shapra da ai nawku Htingnu de shang nna, nanhte a Karai Kasang Yehowa hpe daw jau mu.

YEREMIA 31:33

Da ndai gaw, dai nhtoi ni a hpang e, Israela nta hte ngai shaka na ga shaka rai nga ai: Nye a tara hpe shanhte a kraw lawang hta ngai bang da nna, shanhte a myit hta ka da na we ai: ngai shanhte Karai Kasang tai na nngai; shanhte mung nye a amyu tai na mara ai:

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

ROMA 6:13

nanhte a daw shan ni hpe mung, n ding n hpring ai hpyen hking hpe zawn, yubak hpe hkum ap ya myit; si mat ai ni kaw na hkrung rawt lu ai ni zawn, Karai Kasang kaw tinang dai sak ya mu; nanhte a daw shan ni hpe mung, dinghpring ai hpyen hking shatai nna, Karai Kasang hpe sak ya mu.

1 KORINHTU 1:1

Karai Kasang myit ra ai hte maren, Yesu Hkristu a kasa aya hta dang da ai, ngai Pawlu hte hpunau Sosteni gaw, Hkristu Yesu hta e shachyoi shapra ai hkrum nna, chyoi pra ai ni ngu na shaga la ai,

2 KORINHTU 4:5

Kaning rai nme law, anhte gaw tinang a lam hkaw dan ga ai n re ai sha, Madu Hkristu Yesu a lam hpe mung, anhte nan Yesu a jaw e nanhte a mayam ni rai nga ga ai lam hpe mung, hkaw dan nga ga ai.

2 KORINHTU 8:1

Dai hta kaga, hpunau ni e, Makedoni mung na hpung ni hpe Karai Kasang jaw dat ai chyeju a lam, anhte nanhte hpe shana dat ga ai:

1 SAMUELA 1:28

dai re ai majaw, ngai shi hpe Yehowa e jaw da ni ai; shi hpe si ai nhtoi du hkra Yehowa a matu jaw da ai rai sai,” nga nna tsun ngut jang, dai yang e Yehowa hpe nawku ma ai.